Efesios 6:8 - Nuevo Testamento Uwotjüja

⁸ Isopäi'ünä̧ yotukunä̧ adiu jȩ'kuä̧tu̧ku̧mä̧, Tu̧ru̧wa̧ttü̧ mikuä kuȩmä̧kuo̧tü̧jä̧, pi̧jä̧nä̧ttü̧ u̧ru̧wa̧ kku̧nä̧rü̧ ja̧ pä'ü'i̧nä̧, u̧ru̧wa̧ to̧'a̧ ja̧ pä'ü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

⁸ Täcö huo̧juä̧tö̧jä̧ ucutumä, ttu̧ru̧hua̧cu̧ aditätö'inä, ttu̧ru̧hua̧ to'ätö'inä Tu̧ru̧hua̧ Jesucristo iyä̧cuȩ ttȩmä̧cuo̧tö̧do adiu ttaditinö micuä.

Efesios 6:8 ပူးပေါင်းရင်းမြစ်များ

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 20:7

Jä̧ȩpä̧u̧ ttädätinä̧ku̧: Ya̧tȩ'i̧nä̧ tadita pä'ümä̧ wȩo̧ko̧u̧ päjä'kotü kka̧kuä̧tü̧jä̧. Ttädätäku päinä̧u̧: Jua̧u̧nu̧mä̧ ukutu'i̧nä̧ chi'ätta uwa pättara̧'a̧ aditäjätukui, adiwomȩnä̧ chi̧mi̧tä̧kuä̧u̧jä̧.

San Mateo 5:12

Eseutä eseäkuäwätukui, jua'amä̧ mo̧ro̧jä̧ra̧'a̧ttü̧ rü̧ȩnä̧ jü̧ premio pättü kuȩmä̧tü̧kuä̧kua̧'a̧ttü̧; ja̧'wa̧ta̧nü̧ ukuturu jü̧ta̧'a̧nü̧ usinä̧tü̧ suronä̧ jȩtta̧ pä'ümä̧, kuä'kojituku kka̧kui̧nä̧tü̧ profeta-rü'i̧nä̧.

San Mateo 6:1

Ttü̧ja̧ ttä'kattü, juätü tottatü pä'ütä adiumä̧ jȩ'kuä̧tu̧ku̧ juiyü'anü̧ ja̧'a̧, ja̧'wa̧nü̧ jȩ'kuä̧tu̧ku̧ttü̧mä̧ Kuä'otuku mo̧ro̧jä̧ra̧'a̧ kkü̧mä̧ ji̧yȩtȩ premio'i̧nä̧ i̧yo̧ko̧u̧ kuäkuotüjä̧.

San Mateo 6:4

ja̧'wa̧nü̧ jikuäwoka'atä ppä'ädi. Ja̧'wa̧nü̧ yä̧wä̧i̧nä̧ kuiyüttümä̧, Kuä'o yä̧wä̧i̧ jäwä'i̧nä̧ wo̧jua̧ ja̧'a̧ttü̧ premio-mä̧ i̧yä̧kua̧jä̧.

San Lucas 14:14

Ja̧'wa̧nü̧ jȩ'kuo̧mȩnä̧ rü̧ȩnä̧ eseäkuäwä kkä̧kua̧'a̧ ukuru; juätümä̧ mikuä jȩttü̧ juiyünä̧ ja̧'a̧ttü̧ ja̧'wa̧nü̧ ja̧'a̧nä̧ adiu jȩpi̧nä̧tü̧ ttottächomȩnä̧, jua̧u̧nü̧ kuȩmä̧kua̧jä̧ jua̧u̧ mikuämä̧.

San Lucas 6:35

Ja̧'wa̧nü̧ ja̧'a̧ttü̧ kuaboiyotürümä̧ eseu, adiutä jȩpü̧ pärowätukui juätüttü mikuä tta̧kuä̧rä̧tu̧kuo̧ka̧'a̧; ja̧'wa̧nü̧ jȩ'kuä̧tu̧kuo̧mȩnä̧ mikuäwächünä̧mä̧ rü̧ȩnä̧ iyäwäkua'a. Ja̧'wa̧ta̧nü̧ Mo̧ro̧jä̧ Ru̧wa̧ i̧tti̧mü̧ kuäkuotüjä̧. Jua̧u̧mä̧ ppättäda'anä̧ esewokotüru'i̧nä̧, suronä̧ jȩpä̧tü̧rü̧'i̧nä̧ rȩrü̧jü̧ toäkuäwä i̧sa̧ ja̧'a̧ttü̧.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Colosenses 3:24

Ukutumä̧ wo̧juä̧tü̧jä̧ Tu̧ru̧wa̧ mikuä i̧yä̧kuȩmä̧, i̧tti̧mü̧rü̧ iya päinü̧mä̧. Jua'amä̧ Crito-rü, Tu̧ru̧wa̧rü̧ ukuotü jȩta̧'a̧ttü̧.

Colosenses 3:25

Ja̧'wa̧nü̧ ja̧'a̧nä̧, surojü jȩpü̧rü̧mä̧ ro̧ȩkuä̧kua̧'a̧, jȩi̧nü̧'a̧kuä̧, isopäi'ünä̧ Dio-mä̧ yoräteunä̧tä̧ jȩa̧'a̧ttü̧.

Hebreos 10:35

Ja̧'wa̧nü̧ ja̧'a̧ttü̧, Dio-rü kua̧'kua̧ ku̧wȩnä̧rä̧tu̧ku̧mä̧ käkuädi'ätukuä, jua̧u̧ mikuämä̧ kuȩmä̧kuo̧tü̧jä̧.

Hebreos 11:26

Jesucrito usurä ȩmä̧wä̧kuȩ ji̧nü̧ta'anü̧, usurä ȩmä̧kuä̧wä̧mä̧, Egito ruwottü'i̧nä̧ abonä̧nü̧ rü̧ȩnä̧ mikuäu jü̧nä̧ topinü̧; jua'amä̧ Dio i̧yä̧kuȩ u̧wo̧jua̧'a̧ttü̧.