Efesios 6:10 - Nuevo Testamento Uwotjüja

¹⁰ Ja̧'wa̧ta̧nü̧ chawaruwä chi̧jä̧wa̧tü̧, kujurutukumä̧ Tu̧ru̧wa̧nä̧ ȩmä̧tu̧kui̧, jua̧u̧tä̧ ujuruttü.

TÄ̧DO Ä̧CUÄ̧ I̧HUȨNȨ

¹⁰ Jitämä chö̧jä̧hua̧tö̧, Dios ujurunä cuami 'qui'ächi'ätucui Tu̧ru̧hua̧rö̧ esetö.

Efesios 6:10 ပူးပေါင်းရင်းမြစ်များ

1 Corintios 16:13

Kua̧'kua̧ ku̧wȩnä̧rä̧tu̧ku̧mä̧, to̧pä̧rä̧kuä̧u̧ 'kiyünä̧ kka̧kuä̧tu̧kui̧. Kujurutuku kkü̧nä̧ kka̧kuä̧tu̧kui̧, u̧mä̧tü̧ 'kua̧rü̧nä̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

Efesios 1:19

Ja̧'wa̧ta̧nü̧ uruwo, churutä esetätürü i̧yä̧kuȩmä̧ ya̧'a̧nü̧ rü̧a̧'a̧ tä̧jí̧ pä'ü ku̧wo̧juä̧tu̧kua̧ pä'ü. Jua'amä̧ chutä Dio ujuru adita'aku.

Efesios 3:16

Epíritu jäwänä̧, chutä uruwo kka̧'a̧ku̧, kujurutuku iyätukuaku pä'ü ukuokusä, kua̧'kua̧rü̧ jakuänä̧.

Filipenses 3:1

Chawaruwä chi̧jä̧wa̧tü̧, kkoro päi'ünä̧mä̧, Tu̧ru̧wa̧nä̧ eseäkuäu ku̧jä̧tu̧kua̧ pä'üsä. Ukuturu chi̧wȩyu̧ti̧nü̧ pä'äjita'anü̧ chi̧wȩyu̧ta̧ pä'ü'i̧nä̧ ü̧tä̧ri̧jo̧ko̧ku̧sä̧, jua̧u̧mä̧ ukuturu ppädü ja̧'a̧ttü̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

Filipenses 4:8

Chawaruwä chi̧jä̧wa̧tü̧ amükuädätukui jueü wȩnȩnä̧tä̧, yapareäkuäwokünä̧tä̧, adiwomȩnä̧ jȩä̧kuä̧wä̧nä̧tä̧, surojü juiyünä̧ jȩä̧kuä̧wä̧nä̧tä̧, eseu ppädäkuäwänä̧tä̧, adiu ukuowunä̧tä̧. O'kajuiyünä̧ adiwäjuei oäwänänä̧tä̧ amükuädü jȩpä̧tu̧kui̧, üadiwä eseäkuäu ttü̧ja̧'a̧nü̧ jü̧nä̧tä̧.

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

2 Timoteo 2:1

Ja̧'wa̧ta̧nü̧ chi̧tti̧ ukumä̧, Dio rü̧ä̧nä̧ repeäkujä̧, jua'amä̧ Jesucrito-rü kuesetina̧'a̧ttü̧. Kkorojuei'i̧nä̧ kua̧mi̧ 'kikuächi'äkua'anü̧ kujurutä jä'epirü.

2 Timoteo 4:17

Ja̧'wa̧nü̧ ja̧'a̧nä̧ chu̧ru̧wa̧tä̧ ji̧na̧'a̧ chujuru'i̧nä̧ iyü ppä'ädinü̧mä̧, o'katoi'ünä̧ judío pokotü surojüttü kki̧'i̧kuä̧ wȩnȩ jidäwa ttä̧ju̧kua̧ päümä̧. Ja̧'wa̧nü̧ jȩpü̧tä̧ Chü̧ä̧nä̧wa̧mä̧ mü̧yä̧wi̧tü̧ ttä jakuättü rä'epü ikuinä̧ku̧sä̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

1 Pedro 5:10

Ja̧'wa̧nü̧ ja̧'a̧nä̧ ukutu usurä kuȩmä̧wä̧tu̧kua̧'a̧ttü̧mä̧ a̧'u̧kua̧'a̧tä̧ mo̧ro̧ o'ka'a Dio-mä̧ surojü juikuätukunä̧'i̧nä̧, 'kiyünä̧ ku̧jä̧tu̧ku̧nä̧'i̧nä̧, kujuruwätukunä̧'i̧nä̧ ja̧'wa̧ta̧nü̧ jo̧mȩnü̧ kuätukunä̧'i̧nä̧ jȩä̧kuä̧u̧jä̧. Dio-mä̧ chutätä Crito-nä̧ rü̧ȩnä̧ eseunä̧ uruwo beipokü ku̧ju̧nä̧rä̧tu̧kua̧ pä'ü woinä̧u̧jä̧.

1 Juan 2:14

Ukuturu wȩyu̧ti̧nü̧sä̧ chi̧tti̧mü̧ wotürü, jua'amä̧ Jä'o Dio-rü ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu ttä̧'o̧tü̧rü̧ wȩyu̧ti̧nü̧sä̧ jua'amä̧ ä̧kuo̧mȩnä̧tä̧ päi'ünä̧ kki̧nü̧rü̧ ku̧wo̧jui̧yä̧tu̧kuä̧ku̧ cha'attü. Ja̧'wa̧ta̧nü̧ ukutu mü̧ä̧yotürü wȩyu̧ti̧nü̧sä̧, kujuru ku̧ju̧nä̧ri̧yä̧tu̧kuä̧ku̧ ja̧'wa̧ta̧nü̧ kua̧mi̧'iso'kitukunä̧ Dio i̧wȩnȩ ku̧ju̧nä̧ri̧yä̧tu̧kuä̧ku̧, ja̧'wa̧nü̧ jȩpü̧ äwettärü kkȩdü̧ kuikuiniyä̧tu̧kuä̧ku̧ cha'attü.