Efesios 5:8 - Nuevo Testamento Uwotjüja

⁸ isopäi'ünä̧ ji̧yȩnü̧ mo̧ro̧mä̧ yo̧ü̧nä̧ kka̧kui̧nä̧tü̧jä̧, ja̧'wa̧nü̧ ja̧'a̧nä̧ jitämä̧, Tu̧ru̧wa̧nä̧mä̧ tȩya̧u̧ wotüjä̧; ja̧'wa̧nü̧ ja̧'a̧ttü̧ tȩya̧u̧ i̧tti̧mü̧ jü̧nä̧ kka̧kuä̧tu̧kui̧.

TÄ̧DO Ä̧CUÄ̧ I̧HUȨNȨ

⁸ Pä'äji yo̧ö̧cu̧ ka̧cui̧nä̧tö̧jä̧ ucutumä. Jitätä Tu̧ru̧hua̧rö̧ esetö, tȩa̧u̧nä̧ ka̧cuä̧tö̧jä̧. Adiunä ka̧cuä̧tu̧cui̧, tȩa̧u̧nä̧ ttö̧ja̧cu̧ ta'anö.

Efesios 5:8 ပူးပေါင်းရင်းမြစ်များ

San Mateo 3:8

Isopäi'ünä̧, surojü käkuädi'ätukuttümä̧, tottünä̧ jȩpü̧ kka̧kuä̧tu̧kui̧,

San Mateo 4:16

Ttü̧ja̧ yo̧ü̧nä̧ kka̧kui̧nä̧tü̧mä̧ rü̧ȩnä̧ tȩya̧u̧ tottäkuotü; ji̧yȩtȩ tȩya̧u̧, kkä̧dȩpä̧kua̧'a̧ wa'are isoppanä̧ kka̧kuä̧tü̧rü̧.

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

San Lucas 16:8

Ja̧'wa̧nü̧ ja̧'a̧ttü̧, suronä̧mä̧ jȩä̧'i̧ja̧'a̧nä̧ ja̧'wa̧nü̧ jȩä̧ji̧yä̧ku̧ u̧ru̧wa̧mä̧ rü̧ȩnä̧ esewinä̧ku̧. Isopäi'ünä̧ pi̧jä̧ jäwä i̧tti̧mü̧mä̧, jitütä ttaditäwä jo̧mȩnä̧mä̧, tȩya̧u̧ i̧tti̧mü̧ttü̧'i̧nä̧ abonä̧nü̧ ttawaruwärümä̧ adiwa'a, 'kua̧rü̧nä̧ jȩpä̧tü̧.

San Juan 1:9

Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.

San Juan 12:35

Pättäku Jesú-mä̧ päinä̧u̧: —Tȩya̧u̧mä̧ ukutu ku̧'kä̧tȩtu̧ku̧nä̧mä̧ a̧'u̧kua̧'a̧tä̧ kkä̧kua̧'a̧. Ja̧'wa̧nü̧ ja̧'a̧ttü̧ tȩya̧u̧ kkä̧i̧tä̧, jua̧u̧ tȩya̧u̧nä̧mä̧ kue'ächätukui, yo̧ü̧ kuieruwätukua'anä̧ rȩbȩä̧kuä̧wä̧tu̧kuä̧ku̧; isopäi'ünä̧ yo̧ü̧nä̧ kue'ächümä̧, i̧'cho̧mȩ'i̧nä̧ jȩru̧pa̧.

San Juan 12:36

Tȩya̧u̧nä̧ esetätukui, ji̧nä̧ tȩya̧u̧ ku̧ju̧nä̧rä̧tu̧kuä̧i̧tä̧, jua̧u̧ tȩya̧u̧ i̧tti̧mü̧ kuätukuäkua'anü̧. Pi̧yȩ pä'ü kä'ädi'ipütä, Jesú-mä̧ rä'opächü, juätürü dajawächinü̧.

San Juan 12:46

Ttü, tȩya̧u̧mä̧ pi̧jä̧ra̧'a̧ ichinü̧sä̧; Ttürü esetätümä̧ yo̧ü̧nä̧ ttü̧jü̧ juiya pä'ü.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Romanos 1:21

Ja̧'wa̧nü̧ Dio-rümä̧ ttu̧wo̧jui̧na̧'a̧nä̧, Dio-rü ttü̧ä̧nä̧wa̧ jü̧nä̧ tteseäkuäwoka'a, ye adiwa'a pä'ü'i̧nä̧ pä'ü jui'ü, jitütä ttamu̧kuäda'akutä surojuottächa'attü, adiu tta̧mü̧kuädokomȩnä̧ tta̧mi̧so'ki yo̧ä̧chi̧nä̧u̧.

Romanos 13:12

Täkü yodomä̧ 'kuao'a'a, mo̧ro̧ juoa pä'ütä; ja̧'wa̧nü̧ ja̧'a̧ttü̧ täkü yo̧ü̧ jäwämä̧ kätädi'ätukua, tȩya̧u̧ jäwätä tü̧'ka̧tä̧wi̧'ä̧tu̧kua̧.

Romanos 2:19

Ja̧'wa̧ta̧nü̧ kua̧mü̧nä̧ wo̧juä̧u̧mä̧, ä̧to̧kä̧tü̧rü̧ oikuä i̧sa̧sä̧ pä'äkuäu kkä̧nü̧, yo̧ü̧nä̧ kka̧kuä̧tü̧rü̧'i̧nä̧ tȩya̧u̧ku̧ oikuä i̧sa̧sä̧ pä'äkuäujä̧.

1 Corintios 1:30

Ja̧'wa̧nü̧ ja̧'a̧nä̧, Chutä Dio-tä ja̧'a̧ ukuturu Jesucrito-ku ji̧nä̧ ji̧yȩtȩ päi'ünä̧ jȩpi̧nü̧mä̧ ja̧'wa̧nü̧ jȩpü̧ Crito-nä̧mä̧ wo̧juä̧wä̧ kkü̧nä̧, adiwomȩnä̧ jȩä̧kuä̧wä̧ kkü̧nä̧, 'kȩ'ȩpü̧ ȩmä̧wo̧tü̧ jü̧nä̧'i̧nä̧ ja̧'wa̧ta̧nü̧ mitäu ȩmi̧nä̧u̧ jü̧nä̧'i̧nä̧, jȩi̧nä̧u̧jä̧.

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

2 Corintios 6:14

Jesucrito-rü esetokotü jȩttü̧nä̧mä̧ ppäkuächä̧rä̧tu̧kuä̧, ji̧yȩtȩnä̧'i̧nä̧. Adiwä jueimä̧, surojükumä̧ i̧mi̧ku̧ jäwä ja̧'a̧. Ja̧'wa̧ta̧nü̧ yo̧ü̧'i̧nä̧, tȩya̧u̧ku̧mä̧ ji̧nä̧ ji̧yȩtȩmä̧ jo̧ka̧'a̧.

Gálatas 5:25

Isopäi'ünä̧ ta̧'kua̧rü̧ Epíritu iyüttümä̧, Epíritu oipa'anä̧tä̧ ti̧'cha̧ pä'ü ja̧'a̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 4:18

Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Colosenses 1:12

Jä'o Dio-rü kuesewäkuotüjä̧, i̧tti̧mü̧rü̧ i̧yä̧kuȩ jäwä tȩya̧u̧ ruwo ȩmü̧.

Colosenses 1:13

Dio-mä̧ yo̧ü̧ ujuruttü rä'epü iku I̧tti̧ ru̧wa̧ eseäkuäwänä̧ weomȩku̧ u̧ju̧ni̧nä̧u̧jä̧,

Tito 3:3

Isopäi'ünä̧ ujutu'i̧nä̧ ä'kojimä̧, amükuädäwä̧mä̧ jui'inä̧tü̧jä̧ ja̧'wa̧ta̧nü̧ pä̧i̧kui̧nä̧tü̧jä̧; re'tewächinä'kotü kue'ächü kkä̧nü̧ tidepä weü ujuturu kkü'kekutä o'kajuiyünä̧ jȩpü̧ kka̧kui̧nä̧tü̧jä̧. Surojünä̧ kkä̧nü̧, kkorotü ttu̧ju̧nä̧ri̧yä̧u̧ kkü'kokotü pinä̧tü̧jä̧, ttüjü'koko̧u̧mä̧, kkorotüku pä'ä'chäkuäutä kka̧kui̧nä̧tü̧jä̧.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.