Efesios 5:29 - Nuevo Testamento Uwotjüja

²⁹ Isopäi'ünä̧ ya̧tȩ'i̧nä̧ chutä a̧mü̧nä̧ pa̧ja̧tü̧ idepä a̧mi̧suru topäkuäumä̧ toa'a, pärokua'aku u̧kuȩ kuä̧nü̧tä̧ tta̧'ä̧rä̧kuä̧u̧, Crito'i̧nä̧ igresia isotürü tta̧wä̧rü̧ta'anü̧,

TÄ̧DO Ä̧CUÄ̧ I̧HUȨNȨ

²⁹ Ya̧tȩ'i̧nä̧ yoröiso toa'a chutä amönä jä̧ttä̧pä̧ya̧ kö'cocömä. Chutä adiu jȩpö̧ tta̧'ä̧rä̧cuä̧u̧, u̧cuȩ'i̧nä̧ cuä̧nö̧. Cristo ja̧'hua̧ta̧nö̧ jȩpö̧ Diosrö esetätörö.

Efesios 5:29 ပူးပေါင်းရင်းမြစ်များ

San Mateo 23:37

¡Jerusarȩ́ ttü̧ja̧, Jerusarȩ́ ttü̧ja̧, profetas wotürü'i̧nä̧ kuä'äu iku kkä̧nü̧, Dio wȩä̧u̧ru̧mä̧ inä̧dunä̧ ikuäu ikuätüjä̧! ¡kko̧ro̧nü̧ jü̧ta̧'a̧nü̧, äkärä isaju kki̧tti̧mü̧rü̧ kkujuabä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧, ji̧nä̧ yo̧mȩtȩ chü̧tä̧ra̧ päda'anä̧ kkü'kokotü pinä̧tü̧jä̧!

San Mateo 6:26

Mo̧ro̧jä̧nä̧ ko̧'ä̧rä̧tü̧ ppi̧yu̧ru̧ topätukui, kku̧nu̧'i̧nä̧ tu̧ju̧no̧ka̧'a̧nä̧, kuäkuäwä ka̧ka̧kuo̧mȩ'i̧nä̧ ka̧ka̧tü̧ ttu̧ju̧no̧ka̧'a̧nä̧; Kuä'otuku Dio mo̧ro̧jä̧ ru̧wa̧mä̧ u̧kuä̧jȩ'ä̧u̧. ¿Ukutumä̧ juätüttü'i̧nä̧ abonä̧nü̧ mikuäwokotüjä̧ tä̧jí̧?

Romanos 1:31

wo̧jui̧'ü̧'i̧nä̧ wo̧jui̧'o̧ko̧tü̧, tta̧'kua̧ ttu̧wȩnä̧rü̧ juiyü'anü̧ wotü, re kkä̧kuä̧wä̧'i̧nä̧ jui'ätü.

Efesios 5:28

Ja̧'wa̧nü̧ ji̧nü̧ta'anü̧ ubomä̧ irekuarü repeü'anü̧ ja̧'a̧, chutä a̧mü̧nä̧ repeäkuäuta'anü̧. Irekuarü eseu repe'ümä̧ chutä a̧mü̧nä̧ pa̧ja̧tü̧ repe'äkuäu.

Efesios 5:30

Isopäi'ünä̧ ujutu yotukunä̧mä̧, Crito jä̧ttä̧pä̧ya̧rü̧ todepätüjä̧.

Efesios 5:31

Ja̧'wa̧nü̧ ja̧'a̧ttü̧ ubomä̧, jä'ottü'i̧nä̧, ja̧ju̧ttu̧'i̧nä̧, 'kȩ'i̧pä̧chü̧ irekuaku ppächi̧'ä̧kua̧, ja̧'wa̧nü̧ jo̧mȩnä̧ ta̧ju̧kuäyotü ttidepänä̧ ji̧nä̧ ji̧yȩtȩ pätti'akuotü.