Efesios 5:25 - Nuevo Testamento Uwotjüja

²⁵ Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧ta̧nö̧ Cristo Diosrö esetätörö repe'ö 'corupäi'inö ta'anö, u̧mä̧tö̧'i̧nä̧ ttirecuarö repettäcua'a̧nö̧.

Efesios 5:25 ပူးပေါင်းရင်းမြစ်များ

San Mateo 20:28

Ttü, Ubo I̧tti̧ chüta'anü̧, ttümä̧ weda pä'ümä̧ ichokü pinü̧sä̧, pärokua'aku ttu̧mü̧wä̧ya̧ jü̧nä̧tä̧, rekuätürü ppä'ädü iku cha̧'kua̧rü̧ iyäu ichinü̧sä̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Gálatas 1:4

Jä'o Dio-rü pä̧wä̧rü̧jo̧mȩnä̧, suronä̧ jȩtü̧ mikuäwächünä̧, pi̧jä̧ surojüttü rä'epü ikua pä'ü a̧mü̧nä̧ pa̧ja̧tü̧ iyäwinü̧rü̧tä̧,

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:24

Ja̧'wa̧nü̧ igresia isotü Crito-rü ttukuotüta'anü̧, tti̧rȩkua̧mü̧mä̧ ttirekuorü ttukuota pä'ü ja̧'a̧.

Efesios 5:28

Ja̧'wa̧nü̧ ji̧nü̧ta'anü̧ ubomä̧ irekuarü repeü'anü̧ ja̧'a̧, chutä a̧mü̧nä̧ repeäkuäuta'anü̧. Irekuarü eseu repe'ümä̧ chutä a̧mü̧nä̧ pa̧ja̧tü̧ repe'äkuäu.

Efesios 5:33

Kkoromä̧ ja̧'a̧nä̧, yotukunä̧ repe'ätukui kuirekuamü̧tu̧ku̧ru̧, kua̧mü̧nä̧ pa̧ja̧tü̧ repekuäwätukuta'anü̧, ja̧'wa̧ta̧nü̧ nä̧tü̧mä̧ kuirekuorü ukuotätukui.

Colosenses 3:19

Ja̧'wa̧ta̧nü̧ ukutu u̧mä̧tü̧'i̧nä̧, kuirekuatukurumä̧ eseu repe'ätukui, juätürümä̧ pä̧i̧ku̧nä̧mä̧ wekuätukuä.

1 Timoteo 2:6

Ja̧'wa̧ta̧nü̧ jua̧u̧mä̧ wa'arera̧'a̧ iyäwinü̧, o'katoi'ünä̧ pi̧jä̧ ttü̧ja̧ ra̧wä̧pi̧jü̧ttü̧ ttü̧ji̧pa̧ pä'ümä̧ Jua'atäku chutä ütü'kü ji'äkuäwinü̧ u̧mo̧ro̧ mo̧ro̧ päi'omȩnä̧.

1 Pedro 3:7

Ja̧'wa̧ta̧nü̧ ukutu ttirekuomü̧mä̧, kuirekuamü̧tu̧ku̧ku̧ wo̧juȩku̧nä̧ kka̧kuä̧tu̧kui̧. Isajurumä̧ i̧sä̧yu̧ i̧so̧'ta̧ 'kuäo'ta̧ jä̧'i̧nü̧'a̧nü̧ ukuotätukui, juätü'i̧nä̧ kkä̧kuä̧wä̧ Dio iyinü ukutuku ttiya pä'ü woinä̧u̧ Dio iäre ju'to i̧yä̧kuȩttü̧, Dio-rü kukuokuomȩnä̧ tto̧ȩpä̧rü̧ juiyaku pä'ümä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.