Efesios 5:17 - Nuevo Testamento Uwotjüja

¹⁷ Amükuädäkuäwä jui'ätü jȩttü̧'a̧nü̧mä̧ jȩ'kuä̧tu̧kuä̧; Dio-rü pä̧wä̧rü̧jü̧tä̧ amükuädü jȩpä̧tu̧kui̧.

TÄ̧DO Ä̧CUÄ̧ I̧HUȨNȨ

¹⁷ Ja̧'a̧tä̧ra̧'a̧ cuecuhuächätucuä'. Tu̧ru̧hua̧rö̧ pä̧huä̧ rö̧jö̧ amöcuädö huo̧jui̧pä̧tu̧cui̧.

Efesios 5:17 ပူးပေါင်းရင်းမြစ်များ

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

Romanos 12:2

Jitä pä̧nä̧, pi̧jä̧ ttü̧ja̧ tta̧mü̧kuäda'akumä̧ ku̧ja̧kuä̧tu̧kuä̧; ja̧'wa̧nü̧ ja̧jü̧jueimä̧, pärokua'aku ku̧wo̧jui̧'ä̧tu̧kua̧'a̧ku̧tä̧ pärowächätukui, jȩpü̧ ku̧jä̧tu̧ku̧'i̧nä̧ pärowächünä̧ Dio-rü pä̧wä̧rü̧jü̧, Dio eseu, jo̧mȩnü̧ adiwä juei ku̧wo̧juä̧tu̧kuä̧kua̧'a̧nü̧.

Efesios 5:15

Ja̧'wa̧nü̧ ja̧'a̧ttü̧, tta̧'ä̧rä̧kuä̧u̧ kkä̧wi̧; tta̧mü̧kuädü jui'ätü ttü̧jü̧'a̧nü̧mä̧ kkü̧jä̧, pärokua'aku amükuädätü ttü̧jü̧'a̧nü̧tä̧ kkä̧wi̧.

Colosenses 1:9

Ja̧'wa̧nü̧ ja̧'a̧ttü̧ ujutumä̧, tä̧ju̧kui̧nü̧tä̧ päi'ünä̧, Dio-rü ukuokuätüjä̧ kätädi'oka'a ukuturumä̧, 'kuäopünä̧ Dio-rü jä'epätüjä̧ churutä pä̧wä̧rü̧jü̧ u̧wo̧juȩtä̧tu̧kua̧ku̧ pä'ü ja̧'wa̧ta̧nü̧ wo̧juä̧wä̧'i̧nä̧ o'kajuiyünä̧ iyätukuaku pä'ü Epíritu Sa̧tu̧ üjü'komȩnä̧.

Colosenses 4:5

Wo̧juȩku̧nä̧ ttu̧'ȩpä̧rü̧nü̧ kka̧kuä̧tu̧kui̧ kkorotü Dio-rü esetokotuku. Ja̧'wa̧nü̧ jȩ'kuä̧tu̧ku̧ jü̧'a̧nü̧ jo̧mȩnä̧mä̧, adiu jȩpä̧tu̧kui̧.

1 Tesalonicenses 5:18

Jü̧mä̧ o'kajuiyünä̧ Dio-rü esewätukui. Isopäi'ünä̧ jua̧u̧ ja̧'a̧ Dio-rü pä̧wä̧rü̧jü̧mä̧, Crito Jesú-ru kuesetinä̧tu̧kua̧'a̧ttü̧.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.