Efesios 5:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧ pä'a: Ukú ä'ümä̧, porächi'i; ja̧'wa̧ta̧nü̧ wa'ü ikuinä̧tü̧ttü̧ ä̧rä̧mi̧'i̧, ja̧'wa̧nü̧ jȩ'kuo̧mȩnä̧ Crito i̧tȩjä̧dä̧kua̧jä̧.

TÄ̧DO Ä̧CUÄ̧ I̧HUȨNȨ

¹⁴ Ja̧'hua̧nö̧ ja̧'a̧ttö̧ päa'a: Ucu ä̧'ä̧rö̧mä̧, porächi'i. 'Corupätti'inomettö tto'ächi'i. Cristo i̧tȩjä̧dä̧cua̧jä̧.

Efesios 5:14 ပူးပေါင်းရင်းမြစ်များ

San Lucas 1:78

Tü̧ä̧nä̧wa̧ Dio-mä̧ rü̧ȩnä̧ rȩrü̧jü̧ topü mo̧ro̧jä̧ra̧'a̧ttü̧ do'ächü i̧chä̧kuä̧u̧jä̧ jareünä̧ mo̧ro̧ juoa'a jä̧'i̧nü̧'a̧nü̧,

San Lucas 15:24

Isopäi'ünä̧ pide chi̧tti̧mä̧, 'korujuoächina̧'a̧nä̧, tto'ächäji ja̧'a̧; ja̧'wa̧ta̧nü̧ ire'tewächina̧'a̧nä̧ tü̧'o̧kui̧'ä̧jä̧ku̧ ja̧'a̧. Ja̧'wa̧nü̧ päja'a, pä'käri kku̧nu̧ eseäkuäwinä̧tü̧.

San Juan 8:12

Jesú-mä̧ pä'äjita'anü̧ ttü̧ja̧rü̧ pä'inü̧: Ttütäsä pi̧jä̧ttü̧ tȩya̧u̧mä̧; ttüku ichümä̧, yo̧ü̧nä̧mä̧ kue'ächokü jä̧kua̧, pärokuä tȩya̧u̧ tta̧'kua̧rü̧tä̧ u̧ju̧nä̧rä̧kua̧.

San Juan 9:5

Ji̧nä̧ pi̧jä̧nä̧ chü̧jä̧i̧mä̧, Ttütäsä pi̧jä̧ i̧tȩya̧u̧sä̧.

Hechos 13:47

Tu̧ru̧wa̧mä̧, pa̧'a̧nü̧ pä'ü weinä̧u̧jä̧: «Ukurumä̧ kku̧nu̧sä̧, judío pokotürü tȩya̧u̧ kkȩdȩpü̧nä̧ ku̧ja̧ pä'ü, pi̧jä̧ beipomȩbü päi'ünä̧ surojüttü kki̧'ä̧kuä̧wä̧ ȩpü̧ kuiya pä'ü,».

Romanos 6:13

Ja̧'wa̧ta̧nü̧ surojüra̧'a̧ku̧ oipa'anä̧mä̧ kuiyäwätukuä. Ja̧'wa̧nü̧ ja̧jü̧ jueimä̧, wa'ü ikui'ü'kotü tto'ächätü jü̧nä̧tä̧ Dio-rümä̧ iyäwätukui, adiwä juei ukuotätü jü̧nä̧tä̧.

1 Corintios 15:34

Porächätukui, suronä̧ jȩ'kuä̧'i̧jä̧tu̧ku̧ käkuädächätukua pä'ü rekuä rü̧ja̧'a̧; ukututtü yotüte Dio-rü jerupätü kka̧kuä̧tü̧ pätta'a ä̧ju̧ku̧sä̧, dä'ä ttukuätukunä̧ pädäu̧jä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

Efesios 2:5

surojünä̧ kkä̧nü̧ wa'ü ikuinä̧tü̧ ta'anä̧, Crito-ku yo̧mȩtȩnä̧ ta̧'kua̧rü̧ iyinä̧u̧jä̧ (mikuä juiyünä̧ surojüttümä̧ kka̧kui̧pi̧nä̧tü̧jä̧),

Colosenses 3:1

Isopäi'ünä̧ Crito-ku ttokuächinä̧tu̧ku̧ttü̧mä̧, mo̧ro̧jä̧ jäwätä usätukui, Crito jä'o Dio u̧wo̧jua̧'a̧ku̧nä̧ ü̧'a̧'a̧ jäwätä.

1 Tesalonicenses 5:6

Ja̧'wa̧nü̧ ja̧'a̧ttü̧, kkorotü jü̧'a̧nü̧mä̧ tä'eku juiyätukua. Pärokua'akutä, tta̧'a̧rä̧kuä̧u̧, ttu̧'ȩpä̧rü̧nü̧ to̧tä̧rä̧tu̧kua̧.

2 Timoteo 1:10

Ja̧'wa̧nü̧ ja̧'a̧nä̧ jitämä̧ tu̧ru̧wa̧ surojüttü ttü̧ji̧pü̧nä̧ ppädäkuäwä i̧sa̧ Jesucrito i̧jȩkuä̧cho̧mȩnä̧ repeümä̧ i̧jȩkuä̧chi̧na̧'a̧. Isopäi'ünä̧ jua̧u̧tä̧ ja̧'a̧ wa'arerü si'epü ikuinü̧'i̧nä̧, ja̧'wa̧nü̧ jȩpü̧ jareü wȩnȩnä̧mä̧ kkä̧kuä̧wä̧ i'kotä iyinä̧u̧jä̧.

2 Timoteo 2:26

Jua̧u̧ wo̧jui̧'ü̧tä̧ äwettä ttä̧tȩkuä̧ jȩpü̧ u̧ju̧ni̧no̧mȩmä̧ ttü̧ttȩpä̧ri̧'ä̧kuo̧tü̧, ja̧'wa̧nü̧ jo̧mȩnä̧ juorümä̧ tüttipächäkuotü. Jitätämä̧ ji̧nä̧ äwettämä̧ kärenä̧ rü̧tä̧rü̧ kkä̧nü̧ churutä pä̧wä̧rü̧jo̧mȩnä̧ jȩä̧u̧.