Efesios 4:9 - Nuevo Testamento Uwotjüja

⁹ ¿Toku pä'ü, kä'ekuächinü̧ pä'ajä̧ttü̧? jua'amä̧ pi̧jä̧nä̧ttü̧, ji̧nä̧so täkuomȩra̧'a̧bü päi'ünä̧ mȩyȩwi̧nü̧ pä'ü pä'a.

TÄ̧DO Ä̧CUÄ̧ I̧HUȨNȨ

⁹ Cä'ecuächinö jö̧nä̧mä̧ ¿tta̧'a̧nö̧ pä'ö päa'attö? Ja̧'hua̧nö̧ pä'ömä päa'a, pi̧jä̧ dȩa̧'a̧nä̧ mȩyȩhui̧nö̧do äcuomenä.

Efesios 4:9 ပူးပေါင်းရင်းမြစ်များ

San Mateo 12:40

Ja̧'wa̧nü̧ ja̧'a̧ttü̧, wäbodäkuä mo̧ro̧ jo̧mȩnä̧, wäbodäkuä yodó jo̧mȩnä̧ büó po̧i̧sa̧ üakuä jakuä Joná ȩki̧nü̧ta̧'a̧nü̧, ubo I̧tti̧'i̧nä̧ rȩjȩ jakuä ȩkä̧kua̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

San Juan 3:13

Ya̧tȩ'i̧nä̧ mo̧ro̧jä̧ra̧'a̧ i̧u̧ i̧wi̧nü̧mä̧ toa'a; jua̧u̧ ja̧jü̧jueimä̧ mo̧ro̧jä̧ttü̧ mȩyȩwi̧nü̧tä̧ ja̧'a̧, Ttü ubo i̧tti̧tä̧.

San Juan 6:33

Isopäi'ünä̧ kuäkuäwä Dio iyümä̧, mo̧ro̧jä̧ra̧'a̧ttü̧ mȩyȩwi̧nü̧tä̧ ja̧'a̧ ja̧'wa̧ta̧nü̧ jua̧u̧tä̧ ja̧'a̧ pi̧jä̧ ttü̧ja̧ tta̧'kua̧rü̧ iyümä̧.

San Juan 6:38

Isopäi'ünä̧ ttümä̧, mo̧ro̧jä̧ra̧'a̧ttü̧mä̧ mȩyȩwo̧kü̧ pinü̧sä̧ ttürü pä̧wä̧rü̧jü̧ jȩcha̧ pä'ümä̧, suro Chä'orü, ttürü we'inü̧rü̧ pä̧wä̧rü̧jü̧tä̧ jȩpü̧ ichinü̧sä̧.

San Juan 6:41

Ja̧'wa̧nü̧ ja̧'a̧ttü̧ judío-mä̧ Jesú-ru ya̧'ä̧wä̧'chi̧nä̧tü̧: Ttütäsä kuäkuäwä, mo̧ro̧jä̧ra̧'a̧ttü̧ mȩyȩwi̧nü̧mä̧ päjiyä̧u̧.

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

San Juan 6:58

Pide ja̧'a̧ kuäkuäwä mo̧ro̧jä̧ra̧'a̧ttü̧ mȩyȩwi̧nü̧mä̧. Pide kuäkuäwämä̧, ku̧tä̧mü̧ mi̧nä̧tu̧ku̧ ttikuinü̧ maná ji̧na̧'a̧nümä̧ jo̧kü̧, kuinü̧'kotümä̧ wa'ü ikuinä̧tü̧; ja̧'wa̧nü̧ ja̧'a̧nä̧ pi̧yȩ kuäkuäwättü kumä̧ 'kuäopünä̧tä̧ ü̧jä̧kua̧.

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Juan 8:14

Jesú ädätinä̧u̧: —Ttü cha̧mü̧nä̧ pa̧ja̧tü̧ chüadiwä jidäkuäuttu'i̧nä̧, ttü jidäkuäumä̧ isopäi'ünä̧ jäwä ja̧'a̧. Jua'amä̧ chichinomȩ'i̧nä̧, chi̧'chä̧kuo̧mȩ'i̧nä̧ chu̧wo̧jua̧'a̧ttü̧; ja̧'wa̧nü̧ ja̧'a̧nä̧ ukutumä̧ chichinomȩ'i̧nä̧, chi̧'chä̧kuo̧mȩ'i̧nä̧ jerupätüjä̧.

Hebreos 2:7

á̧gȩrȩ-tü̧'i̧nä̧ yoräteunä̧ päi'ünä̧ jȩ'kui̧nä̧u̧jä̧, turuwo'i̧nä̧ iyü kkä̧nü̧, tukuo'i̧nä̧ kuiyinä̧u̧jä̧;

Hebreos 2:9

Ja̧'wa̧nü̧ ji̧na̧'a̧nä̧ topätüjä̧ chu Jesú-ru, ya'utenä̧mä̧ á̧gȩrȩ-tü̧ttü̧'i̧nä̧ tti̧dȩa̧'a̧nä̧ jurunä̧tä̧ jȩi̧nä̧ku̧ru̧ ja̧'a̧nä̧, jitämä̧ uruwo iyü kkä̧nü̧ ukuo'i̧nä̧ iyinä̧ku̧ wa'ü ikuino̧mȩttü̧, Dio re ü̧jü̧nä̧ o'katoi'ünä̧rü̧ ppäda pä'ü.