Efesios 4:2 - Nuevo Testamento Uwotjüja

² Ukuo tekuäwätukuoka'a, kurowäwätukuoka'a, kua̧mi̧ 'ki'ächi'ü, eseunu̧ repe'äkuäu ppä'ädäkuäwätukui;

TÄ̧DO Ä̧CUÄ̧ I̧HUȨNȨ

² Usurä isotö ttö̧ja̧cu̧'a̧nö̧ ka̧cuä̧tu̧cui̧. Adiu jȩpö̧, ppä'ädö ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧. Korotörö adiu amöcuädö repe'ätucui.

Efesios 4:2 ပူးပေါင်းရင်းမြစ်များ

San Mateo 11:29

Ttü wedümä̧ jȩpä̧tu̧kui̧, ttüttü wo̧jui̧pätu̧kui̧ cha̧mi̧so'kinä̧ ra̧wä̧rü̧ ukuo tedäwoka'a; ja̧'wa̧nü̧ jȩpü̧ ku̧'o̧kui̧'ä̧kuo̧tü̧jä̧ kua̧'kua̧rä̧tu̧ku̧ a̧'kua̧ ȩma̧ pä'ümä̧.

San Marcos 9:19

Ja̧'wa̧nü̧ päku, Jesú-mä̧ ädätinü̧: —¡Tta̧'kua̧ wȩnä̧rä̧kuä̧wä̧ jui'ätü ttü̧ja̧jä̧! ¿Ti̧yȩnü̧bü päi'ünä̧ ukutumä̧ chü̧jä̧kua̧'a̧jä̧ttü̧? ¿Ti̧yȩnü̧bü ukuturumä̧ cha̧mi̧ 'kidächi'äkua'ajä̧ttü̧? poku i'kächirü.

Hechos 20:19

Tu̧ru̧wa̧ weäwä aditümä̧, ukuotünü̧'i̧nä̧, ajuäunü̧'i̧nä̧ aditä'ijüsä ja̧'wa̧ta̧nü̧ ttünä̧ ichina̧'a̧ kka̧kuä̧mü̧ toäkuäwä, judío suronä̧ jȩtta̧ttü̧ pä'ü tta̧mü̧kuädomȩnä̧.

Romanos 15:1

Ja̧'wa̧nü̧ ja̧'a̧ttü̧, ujutu ta̧'kua̧ wȩnä̧rä̧kuä̧wä̧nä̧ tujuru kku̧nä̧rä̧tü̧mä̧, kkorotü jiyupätürü ppätädü'anü̧ ja̧'a̧, ujutu jäwätämä̧ tta̧mü̧kuädoka'a.

1 Corintios 13:7

O'kajuiyünä̧ usurä ȩmä̧wä̧kuä̧wä̧ ja̧'a̧, o'kajuiyünä̧ esetäkuäwä ja̧'a̧, o'kajuiyünä̧ tta̧wä̧rä̧kuä̧wä̧ ja̧'a̧, o'kajuiyünä̧ tta̧mi̧'kiächi'äkuäwä ja̧'a̧.

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

1 Timoteo 6:11

Ja̧'wa̧nü̧ ja̧'a̧nä̧ uku Dio u̧mü̧wä̧ya̧mä̧, o'kajuiyünä̧ pi̧yȩ surojüttü̧mä̧ 'kȩ'i̧pä̧chi̧, 'kȩ'i̧pä̧chü̧mä̧ adiu jȩä̧kuä̧wä̧tä̧, rȩrü̧jü̧ toäkuäwänä̧tä̧, tta̧'kua̧ wȩnä̧rä̧kuä̧wä̧nä̧tä̧, eseu repeäkuäwänä̧tä̧, usurä ttȩmä̧wo̧mȩnä̧ tta̧mi̧ 'kiächi'äkuä̧wä̧nä̧tä̧ ja̧'wa̧ta̧nü̧ kkorotürü'i̧nä̧ kua̧mi̧so'kittü rȩrü̧jü̧ toäkuäwänä̧tä̧ täi.

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Santiago 1:21

Ja̧'wa̧nü̧ ja̧'a̧ttü̧ o'kajuiyünä̧ surojü jȩ'kuä̧tu̧ku̧ttu̧'i̧nä̧, pi̧jä̧nä̧ttü̧ surojü rü̧ä̧chü̧ttü̧'i̧nä̧ kä'ädi'ü, Dio i̧wȩnȩ ukuru iyinü̧tä̧ esetü ukuo teäwäkuäwä juiyünä̧ ȩmi̧; jua̧u̧tä̧ jä̧kua̧'a̧ surojüttü'i̧nä̧ kua̧'kua̧rü̧ kki̧'i̧pü̧nä̧ jȩü̧mä̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

1 Pedro 3:8

Rüjinä̧mä̧, o'katoi'ünä̧tä̧ eseäkuäwänä̧ kka̧kuä̧tu̧kui̧, ji̧nä̧ ji̧yȩtȩnä̧tä̧ amükuädü, ja̧'wa̧ta̧nü̧ tti̧jä̧wa̧tü̧ 'kua̧rü̧nä̧ repe'äkuäunü̧. Adiwä isotü jü̧nä̧tä̧, ukuo tekuäwätukuoka'atä.