Efesios 4:18 - Nuevo Testamento Uwotjüja

¹⁸ Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁸ Jahuätömä yo̧ö̧nä̧ amöcuädätö. Ja̧'hua̧ta̧nö̧ jerupätö ttami iso'qui 'quitta'attö. Ja̧'hua̧nö̧ ja̧'a̧ttö̧ yoröiso Dios iyähuä kä̧cuä̧huä̧ jui'ätö.

Efesios 4:18 ပူးပေါင်းရင်းမြစ်များ

San Mateo 13:15

Isopäi'ünä̧ pitü ttü̧ja̧mä̧ tta̧mi̧ 'ki'ächächinä̧tü̧, ttä̧ja̧wi̧yä̧nä̧'i̧nä̧ tä̧ju̧kua̧ pä'okotü, ja̧'wa̧ta̧nü̧ tti'äriyä'i̧nä̧ mu̧chä̧wä̧chi̧nä̧u̧; tottü juiya pä'ü, ä̧ju̧ku̧'i̧nä̧ ttä̧ju̧ku̧ juiya pä'ü, tta̧mi̧so'kinä̧ ttu̧wo̧jui̧pü̧ juiyünä̧nä̧tä̧, ttu̧wo̧jui̧pü̧ttü̧mä̧ ttü'ärowächomȩnä̧ aditü chiku juiyatü pä'ü.

San Marcos 3:5

Ja̧'wa̧nü̧ jä̧ku̧, Jesú-mä̧ juȩnȩ kka̧kuä̧tü̧rü̧ üjü'kü juiyünä̧ toa'anä̧, a̧'kua̧tta̧nü̧'i̧nä̧ toinä̧u̧, ttesetü juiyünä̧ juottächini̧yä̧ku̧. Ja̧'wa̧nü̧ ja̧'a̧nä̧ päinä̧ku̧: —Ku̧mü̧ te'ädi. Päku, teädomȩnä̧ u̧mü̧nä̧ adiwächi'inä̧ku̧.

San Juan 12:40

Tti'äriyä ä̧to̧dü̧ iku. Ja̧'wa̧ta̧nü̧ tta̧mi̧ 'kittädäkuäunä̧ jȩi̧nä̧u̧, Tti'ärenä̧ tottü juiya pä'ü, ja̧'wa̧ta̧nü̧ tta̧mi̧so'kinä̧ ttu̧wo̧jui̧pü̧ juiya pä'ü. Ttü'ärowächomȩnä̧, ttü aditü chiku juiyatü pä'ü.

Hechos 17:30

Ja̧'wa̧nü̧ ja̧'a̧ttü̧, Dio-mä̧ ttü̧ja̧ ttieruwiyäku ja̧'a̧tä̧ toinü̧ mo̧ro̧ ji̧na̧'a̧nä̧, jitämä̧ o'katoi'ünä̧rü̧ ttü̧ja̧kuo̧mȩ pünä̧mä̧ surojüttü kättädi'a pä'ü.

Hechos 3:17

Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, jerupü jȩpi̧nä̧tü̧ pä'ümä̧ wo̧jua̧sä̧, kuruwotuku'i̧nä̧ ja̧'wa̧ta̧nü̧ jerupü jȩpi̧nä̧tü̧ pä'ü.

Romanos 1:28

Dio-rümä̧ ttu̧wo̧jua̧rü̧ pättokoku, surojü tta̧mü̧kuäda'aku jȩpü̧ ttü̧jü̧nä̧tä̧ iyipinä̧u̧, jȩä̧kuä̧wo̧kü̧nä̧ jȩpü̧ ttü̧jü̧nä̧tä̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Romanos 11:7

¿Jua̧u̧nu̧mä̧ toku ji̧na̧'a̧jä̧ttü̧? Irae ttü̧ja̧mä̧ ttusinü̧mä̧ po̧kui̧po̧ko̧tü̧ pinä̧tü̧ ja̧'wa̧nü̧ ja̧'a̧nä̧ pojopü ȩmi̧nä̧u̧tä̧ ji̧na̧'a̧ po̧kui̧pi̧nä̧tü̧mä̧. Kkorotümä̧ tta̧mi̧ 'kittädäkuäwa'anä̧;

Romanos 2:19

Ja̧'wa̧ta̧nü̧ kua̧mü̧nä̧ wo̧juä̧u̧mä̧, ä̧to̧kä̧tü̧rü̧ oikuä i̧sa̧sä̧ pä'äkuäu kkä̧nü̧, yo̧ü̧nä̧ kka̧kuä̧tü̧rü̧'i̧nä̧ tȩya̧u̧ku̧ oikuä i̧sa̧sä̧ pä'äkuäujä̧.

1 Corintios 1:21

Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

Gálatas 4:8

Pä'äjimä̧, Dio-rü ku̧wo̧juä̧tu̧ku̧ juiyäimä̧, yapareäkuäwä isotü ttü̧ä̧nä̧wo̧tü̧rü̧ ukuotü kka̧kui̧nä̧tü̧jä̧.

Efesios 2:1

Ä'kojimä̧, ukutumä̧ wa'ü ikuinä̧tü̧tä̧ winä̧tü̧jä̧, surojü jȩpü̧ ku̧ja̧kuä̧tu̧kuo̧mȩnä̧;

Efesios 2:12

Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

Colosenses 1:21

Ja̧'wa̧ta̧nü̧, ukutu'i̧nä̧, ji̧yȩnü̧ mo̧ro̧mä̧ kko̧ro̧jä̧ ttü̧ja̧ winä̧tü̧rü̧, kuamükuädätuku'i̧nä̧ aboiyotütä winä̧tü̧rü̧, surojütä jȩpü̧ kka̧kui̧nä̧tü̧rü̧ jitämä̧ eseku ikuinä̧u̧jä̧,

1 Tesalonicenses 4:5

Dio-rü jerupätü 'kua̧rü̧nä̧mä̧, nä̧tü̧rü̧'i̧nä̧, u̧mä̧tü̧rü̧'i̧nä̧ usäwä oipa'anä̧mä̧ ku̧jä̧tu̧kuä̧.

Hebreos 5:2

Jua'amä̧ sacerdote'i̧nä̧ ttü̧ja̧ i̧sa̧ ja̧'a̧ttü̧ a̧mi̧ 'kuä'ü, re ü̧ja̧ pä'ü ja̧'a̧ jerupü surojuo'ächinä̧tü̧rü̧;

Hebreos 9:7

Ja̧'wa̧nü̧ ja̧'a̧nä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧, suro sacerdote-tü̧ ttu̧ru̧wa̧tä̧, ji̧yȩtȩ año-nä̧mä̧, ya'utenä̧tä̧ do'ächinü̧; churutä kkü̧ surojü jȩä̧chü̧nä̧'i̧nä̧ ja̧'wa̧ta̧nü̧ ttü̧ja̧ ttieruwa'anä̧ suronä̧ jȩttä̧'i̧jü̧ mikuäwächünä̧, isotü ttukuojanä̧ riripü 'chi̧nü̧.

Santiago 4:4

¡Ukutu ttü̧ja̧ ukuotokotümä̧! ¿Yoriso jerupätüjä̧, pi̧jä̧nä̧ jäwä awaruwä juo'ächätümä̧ Dio aboiyotü ja̧'a̧ pä'ümä̧? Ya̧tȩ pi̧jä̧ jäwä a̧wa̧ru̧wa̧ juo'ekumä̧ Dio a̧bo̧i̧ya̧ jü̧nä̧tä̧ juoächü.

1 Pedro 1:14

Ukuotäkuäwä i̧tti̧mü̧ jü̧nä̧, Dio-rü ku̧wo̧juä̧tu̧kuä̧kua̧'a̧ ä'kanä̧ kkü'kekuinü̧nä̧mä̧ ku̧jä̧tu̧kuä̧.

1 Juan 2:11

Ja̧'wa̧nü̧ ja̧'a̧nä̧, a̧wa̧ru̧wa̧ ü̧jä̧wa̧rü̧ üjü'kü juiyüttümä̧, yo̧ü̧nä̧ kkä̧nü̧, yo̧ü̧nä̧tä̧ kue'ächü; i̧'cho̧mȩ'i̧nä̧ jȩru̧pa̧, yo̧ü̧ ä̧to̧dü̧ ikuinä̧ku̧ ja̧'a̧ttü̧.