Efesios 4:17 - Nuevo Testamento Uwotjüja

¹⁷ Ja̧'wa̧nü̧ ja̧'a̧ttü̧ ukuturu pä'üsä, Tu̧ru̧wa̧ i̧mi̧nä̧ jä'epünü̧: täkü, ukutumä̧ Dio-rü esetokotü ttü̧jü̧'a̧nü̧mä̧ ku̧ja̧kuä̧tu̧kuä̧, juätümä̧ ttamu̧kuäda'akutä surojü jȩpü̧ kka̧kuä̧tü̧,

TÄ̧DO Ä̧CUÄ̧ I̧HUȨNȨ

¹⁷ Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

Efesios 4:17 ပူးပေါင်းရင်းမြစ်များ

San Lucas 16:28

jua'amä̧ chi̧jä̧wa̧tü̧ ji̧mü̧tȩnü̧ wotürü kku̧nä̧rü̧sä̧, jiäwiyattü pä'ü, po usurä ȩmä̧kuä̧wa̧'a̧ ttichü juiyäkua'anü̧.

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

Hechos 18:5

Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.

Hechos 2:40

Peduru-mä̧ pi̧yȩ'i̧nä̧ pä'ükkä̧nü̧, kkoro'i̧nä̧ pa̧'a̧nü̧ päinä̧u̧: —Pitü ttü̧ja̧rü̧ ro̧ȩkuä̧kuȩ surojüttü rä'opächü kki̧'ä̧tu̧kui̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Romanos 1:21

Ja̧'wa̧nü̧ Dio-rümä̧ ttu̧wo̧jui̧na̧'a̧nä̧, Dio-rü ttü̧ä̧nä̧wa̧ jü̧nä̧ tteseäkuäwoka'a, ye adiwa'a pä'ü'i̧nä̧ pä'ü jui'ü, jitütä ttamu̧kuäda'akutä surojuottächa'attü, adiu tta̧mü̧kuädokomȩnä̧ tta̧mi̧so'ki yo̧ä̧chi̧nä̧u̧.

1 Corintios 1:12

Ukututtü, yotüte pättü pä'üsä: «Ttümä̧ Pauru umüwäyotü i̧sa̧sä̧»; kkorotü pä'ätü: «Ttümä̧ Aporo umüwäyotü i̧sa̧sä̧»; kkorotütä pä'ätü: «Ttümä̧ Cefa umüwäyotü i̧sa̧sä̧,» ja̧'wa̧ta̧nü̧ ttümä̧: «Crito umüwäyotü i̧sa̧sä̧,» jü̧nä̧.

1 Corintios 15:50

Chawaruwä chi̧jä̧wa̧tü̧, pi̧yȩ pä'üsä ukuturu: Ttidepä'i̧nä̧, ttukuoja jäwä'i̧nä̧, ru̧wa̧ Dio weükumä̧ wiwawächoka'a; surojuoächü jäwämä̧, beipächokükumä̧ weoka'a.

2 Corintios 9:6

Pi̧yȩ amükuädätukui: a̧'u̧ku̧nä̧tä̧ kku̧nu̧mä̧, a̧'u̧ku̧nä̧tä̧ ü̧ka̧ka̧tä̧kua̧ u̧wä̧ju̧mä̧; ja̧'wa̧ta̧nü̧ rü̧ȩnä̧ kku̧nu̧mä̧, rü̧ȩnä̧ ü̧ka̧ka̧tä̧kua̧, u̧wä̧ju̧mä̧.

Gálatas 3:17

Ja̧'wa̧ta̧nü̧ pi̧yȩ pä'üsä: Dio-mä̧ pacto pättünä̧ Abraha̧-rü̧ eseku chi̧yä̧kua̧jä̧ päinü̧mä̧ jȩpi̧nü̧. Ja̧'wa̧nü̧ ji̧nü̧ o'ka'a, Moisé-rü weinü̧mä̧, weäwä wȩnȩ jü̧nä̧tä̧ pärowächina̧'a̧, cuatrocientos treinta años jo̧mȩnä̧ 'kuäopinü̧ o'ka'atä, ja̧'wa̧nü̧ ji̧na̧'a̧nä̧ jua̧u̧mä̧ Dio iya päinü̧mä̧ si'epümä̧ ikuoka'a.

Gálatas 5:3

Pä'äjita'anü̧ pädäu̧jä̧: o'katoi'ünä̧ circuncisión pättü jȩpä̧kuä̧wä̧tü̧mä̧ weäwä wȩnȩ päümä̧ o'kajuiyünä̧tä̧ ttukuota pä'ü ja̧'a̧.

Efesios 1:22

Dio-mä̧, o'kajuiyünä̧tä̧ Crito weü jü̧nä̧tä̧ kku̧ni̧nü̧ ja̧'wa̧ta̧nü̧ igresia-rümä̧ kkorojuei o'kajuiyünä̧ u jü̧nä̧ kku̧ni̧nü̧.

Efesios 4:22

Ja̧'wa̧nü̧ ja̧'a̧ttü̧, ä̧kuo̧mȩnä̧ jȩpü̧ ku̧ja̧kui̧nä̧tu̧ku̧ttü̧mä̧ kko̧'ä̧dä̧kuä̧u̧ ikuätukui, surojü yapare wea'akumä jȩpü̧ ku̧ja̧kuä̧tu̧ku̧mä̧.

Colosenses 2:18

Ja̧'wa̧nü̧ ja̧'a̧ttü̧ adiwä juei kuȩmä̧tu̧kuä̧kuȩ, kuȩmä̧tu̧ku̧ juiyünä̧ jȩtta̧'a̧nä̧ ja̧'a̧tä̧ to'kuätukuä, juätü á̧gȩrȩ-tü̧rü̧ esetü, adiu esetätü 'kua̧rü̧nä̧ jȩpä̧tü̧rü̧mä̧. Visión pättü topätüjä̧ pä'ü ukuo te'äutä suronä̧ jȩpä̧tü̧rü̧mä̧.

Colosenses 2:4

Pi̧yȩmä̧ ukuturu pä'üsä, kuju'kächi'ätukunä̧ adiu ji'äu ottipächätukuäku pä'ü.

1 Tesalonicenses 4:6

Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.

1 Timoteo 5:21

Dio'i̧nä̧, Jesucrito'i̧nä̧ á̧gȩrȩ pojopü ȩmä̧wo̧tü̧'i̧nä̧ ttä'ka jo̧mȩttü̧ pi̧yȩ jȩ'kua̧ pä'ü wedinü̧mä̧ o'kajuiyünä̧ ukuoti ja̧'wa̧ta̧nü̧ o'katoi'ünä̧tu̧ku̧tä̧ adiu jȩpü̧ jü̧nä̧tä̧, ya̧tȩrü̧tä̧mä̧ kuesekuoka'a.

1 Timoteo 6:13

Jitämä̧, ttü̧ja̧ o'katoi'ünä̧ pi̧jä̧nä̧ kka̧kuä̧tü̧ tta̧'kua̧rü̧ iyäwä i̧sa̧ Dio'i̧nä̧ ä'ka jo̧mȩttü̧ ja̧'wa̧ta̧nü̧ Jesucrito Poncio pilato-rü, Jä'o Dio-rü a̧'kua̧ u̧wȩnä̧rü̧ ji'äwinü̧'i̧nä̧ ä'ka jo̧mȩttü̧ wedäkujä̧.

2 Timoteo 4:1

Jesucrito Ru̧wa̧ Rey jü̧nä̧ ichomȩnä̧mä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'äkua̧. Ja̧'wa̧nü̧ jo̧mȩttü̧ Dio'i̧nä̧, Jesucrito'i̧nä̧ ttä'ka jo̧mȩttü̧ iyü kku̧nu̧ wedäkujä̧.

1 Pedro 1:18

Ja̧'wa̧nü̧ ja̧'a̧ttü̧ Dio-mä̧ ukuturu rä'epü ikuinä̧u̧jä̧ ku̧tä̧mü̧mi̧nä̧tu̧ku̧ pä̧wä̧rü̧ja̧'a̧ku̧ ttü̧ja̧kui̧nü̧ ku̧jä̧tu̧kua̧'a̧nä̧; ukutumä̧ adiu wo̧juä̧tü̧jä̧ rä'epü ikuinü̧ mikuämä̧ kkorojuei toe'ächa'anü̧ jü̧, oro-nä̧mä̧, pärätänä̧mä̧ mitäwoka'a ji̧na̧'a̧.

2 Pedro 2:18

Kkorojueimä̧ pä̧i̧ku̧nä̧ pätta'anä̧ jui'ätü, ja̧'wa̧ta̧nü̧ ji̧yȩnä̧tä̧ juoächäkuäwänä̧, ttü̧ja̧rü̧ pä̧wä̧rü̧jü̧nä̧, suronä̧ jȩttü̧ttü̧ rättopächa pä'ü kka̧kuä̧tü̧rü̧ ttesetipünä̧ jȩpä̧tü̧.