Efesios 4:12 - Nuevo Testamento Uwotjüja

¹² Jua'amä̧ I̧tti̧mü̧ juo'ächinä̧tü̧rü̧ jo̧mȩnü̧ juottepa pä'ü, ttaditäwä jo̧mȩnü̧ ttadita pä'ü, ja̧'wa̧nü̧ jȩpü̧ igresia wotürü ttäräbe'a pä'ü.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

Efesios 4:12 ပူးပေါင်းရင်းမြစ်များ

San Lucas 22:32

Ja̧'wa̧nü̧ ja̧'a̧nä̧, ttümä̧ jä'epäjisä, kua̧'kua̧ ku̧wȩnä̧rü̧tä̧ juikuächi'ü juiya pä'ü. Ja̧'wa̧nü̧ ja̧'a̧ttü̧ pä'äjita'anü̧ ttüku ppa̧kuä̧cho̧mȩnä̧mä̧, kuawaruwä kuijä̧wa̧tü̧rü̧ ji̧yȩtȩnä̧tä̧ ti̧'chü̧nä̧ jikuäwajä̧.

Hechos 1:17

Isopäi'ünä̧ Juda-mä̧ ujutu i̧sa̧ ji̧na̧'a̧ ja̧'wa̧nü̧ ujututäku ji̧nä̧ ji̧yȩtȩnä̧ aditinü̧.

Hechos 1:25

pi̧yȩ kuaditäwä, apótore jäwänä̧, Juda i̧'cha̧ päina̧'a̧ 'chä̧nü̧, aditino̧mȩ o'komȩ aditäkua'anü̧.»

Hechos 11:23

Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Romanos 12:5

Ja̧'wa̧nü̧ jü̧ta̧'a̧nü̧, rekuätü ta'anä̧ ujutu'i̧nä̧ Crito-nä̧mä̧ ji̧nä̧ya̧tȩtä̧ wotüjä̧ ja̧'wa̧ta̧nü̧ kkorotükumä̧ todepätüjä̧.

Romanos 12:7

iyäwä iyinä̧ku̧mä̧, re juiyünä̧ iyi; ku̧wo̧juȩta̧ pä'ü iyinü̧ttü̧mä̧, wo̧juȩti̧;

Romanos 14:19

Ja̧'wa̧nü̧ ja̧'a̧ttü̧, wȩnȩ juiyünä̧ kkä̧kuä̧wä̧nä̧tä̧ jȩpü̧ ti̧'chä̧tu̧kua̧ ja̧'wa̧ta̧nü̧ ujutu tä̧rä̧mü̧nä̧ ppädünä̧tä̧.

Romanos 15:14

Chawaruwä chü̧jä̧wa̧tü̧ ukuturumä̧ isopäi'ünä̧ wo̧jua̧sä̧ adiwä juei jȩ'kuä̧tu̧ku̧'i̧nä̧, jo̧mȩnü̧ ku̧wo̧juä̧tu̧ku̧'i̧nä̧, jü̧nä̧. Ja̧'wa̧ta̧nü̧ isopäi'ünä̧ ji'äkuä̧wä̧rü̧ kka̧kuä̧tü̧jä̧.

Romanos 15:2

Ujutu yotukunä̧mä̧ ta̧wa̧ru̧wa̧rü̧mä̧ adiwä jueitä jȩtü̧'a̧nü̧ ja̧'a̧, ä̧rä̧ma̧ pä'ü ppä'ädütä.

Romanos 15:29

Täkü chu̧wo̧juö̧nä̧ jä̧ku̧sä̧ ukuturu topi'ü 'kuädopomȩnä̧, Crito jäwä jareü wȩnȩ rü̧ȩnä̧ ppä̧dä̧kuä̧u̧ pä'ümä̧.

1 Corintios 12:27

Ukutu'i̧nä̧ Crito-nä̧ todepätüjä̧ ja̧'wa̧nü̧ jo̧mȩnä̧ igresia-nä̧mä̧ ji̧nä̧ yotüte jü̧nä̧ todepätüjä̧, yotukunä̧ ttaditäwä kkü̧nä̧.

1 Corintios 12:7

Ja̧'wa̧nü̧ ja̧'a̧nä̧ yotukunä̧rü̧ iyäwi'ina̧'a̧ Epíritu Sa̧tu̧ ujuru i̧jȩkuä̧chü̧nä̧, o'katoi'ünä̧rü̧ rekuä rü̧ji̧yä̧ku̧.

1 Corintios 14:12

Ja̧'wa̧nü̧ ja̧'a̧ttü̧, epíritu iyü jäwä ku̧ju̧nä̧ra̧ päkuätukua'amä̧, yabonü̧tä̧ usätukui igresia ä̧rä̧mü̧nä̧ pädü jäwätä.

1 Corintios 14:14

Ja̧'wa̧ta̧nü̧ chi̧wȩnȩ jo̧kü̧nä̧ Dio-rü chukuokuttümä̧, cha̧'kua̧rü̧ i̧sa̧mä̧ ukuokua'anä̧ chukuokumä̧ wo̧jui̧'o̧kü̧sä̧.

1 Corintios 14:26

¿Toku päta'ajä̧ttü̧ chawaruwä chü̧jä̧wa̧tü̧?, ka̧ka̧kui̧pü̧ ukutu, yotukunä̧ salmos ra̧tto̧mȩnä̧, kkorotümä̧ kkä̧kuä̧wä̧ ttu̧wo̧juȩto̧mȩnä̧ ja̧'wa̧ta̧nü̧ tti̧wȩnȩ jo̧kü̧nä̧ ttukuokuomȩnä̧, Dio i̧jȩpü̧ jittäwomȩnä̧, rä'epü iku jittäwomȩnä̧mä̧. Jȩpä̧tu̧kui̧, ja̧'wa̧nü̧ ja̧'a̧nä̧ o'kajuiyünä̧tä̧ ukuturu äräbe'ütä.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

2 Corintios 13:11

Täkü kkoromä̧ juiya'a, chawaruwä chi̧jä̧wa̧tü̧, eseäkuäwuötä, jue'ekuächünü̧tä̧, ro̧'ȩku̧tä̧, ji̧nä̧ ji̧yȩtȩnä̧tä̧, wȩnȩ juiyünä̧tä̧ kka̧kuä̧tu̧kui̧; wȩnȩ jui̧'a̧, eseäkuäwä kkä̧ku̧ Dio-tä ü̧jä̧kua̧ ukutunä̧mä̧.

2 Corintios 13:9

Ja̧'wa̧nü̧ ja̧'a̧ttü̧, ujutu tijuiyuwomȩnä̧mä̧ esewätüjä̧, pärokua'aku ukutu kujuruwätukua'anä̧; ja̧'wa̧ta̧nü̧ yabokutä Dio-rü ukuokuätüjä̧ Crito-rü ukuotü juekuekuächätukunä̧.

2 Corintios 3:8

¡Juȩnȩ abonä̧nü̧ i̧tȩya̧u̧ i̧jȩkuä̧kua̧'a̧, Epíritu aditäwämä̧!

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

2 Corintios 5:18

Jua̧u̧mä̧ o'kajuiyünä̧ Dio-ttü ichütä ja̧'a̧; Chutä a̧mü̧nä̧ pa̧ja̧tü̧ esekuinä̧u̧jä̧ Crito-nä̧tä̧ ja̧'wa̧nü̧ jȩpü̧ ujuturu iyinä̧u̧jä̧ eseku ikuäwä wȩnȩ tadita pä'ü;

2 Corintios 6:3

Ya̧tȩ'i̧nä̧ suronä̧ ukuokua pä'okotüjä̧ ujutu taditäwämä̧ ja̧'wa̧nü̧ ji̧yä̧u̧ adiutä aditätüjä̧ suronä̧ ti̧jȩpü̧ juiya pä'ü.

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

Efesios 1:23

Ja̧'wa̧ta̧nü̧ igresia-mä̧ Crito jä̧ttä̧pä̧ya̧ jü̧nä̧ ja̧'a̧, jua̧u̧mä̧ jo̧mȩnü̧tä̧ wa̧ o'kajuiyünä̧tä̧.

Efesios 4:16

Crito-tä ja̧'a̧, igresia isotü yotukunä̧rü̧ ka̧ka̧tü̧mä̧, ttaditäwä jü̧'a̧kuä̧, ja̧'wa̧nü̧ jȩa̧'a̧ttü̧ yo̧mȩtȩnä̧ ttaditünä̧ jȩpü̧ jua̧u̧mä̧, igresia isotü yaboku eseäkuäu kkä̧nü̧ ttä̧rä̧mü̧nä̧.

Efesios 4:29

Surojümä̧ kukuokuä, pärokua'aku adiwäjuei ppädütä ukuokuätukui, ä̧ju̧kuä̧rä̧tü̧rü̧ ppädomȩnä̧.

Efesios 4:4

Ji̧nä̧ ya̧tȩ jäwänä̧tä̧ ja̧'wa̧ta̧nü̧ Epíritu'i̧nä̧ ji̧nä̧ ya̧tȩnä̧tä̧, yo̧mȩtȩnä̧ a̧mü̧kuä̧rü̧ kkä̧kuä̧wä̧nä̧ woina̧'a̧ku̧tä̧ kka̧kuä̧tu̧kui̧;

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

Colosenses 1:28

Jua̧u̧ Crito-rü ja̧'a̧ ujutu jitäumä̧ o'katoi'ünä̧rü̧ tä̧bo̧tü̧, o'kajuiyünä̧ wo̧juȩku̧nä̧, Crito jü̧ta̧'a̧nü̧ jo̧mȩnü̧ wotü juottächa pä'ü.

Colosenses 4:17

Arquipo-rü'i̧nä̧ ji'äwätukui: Tu̧ru̧wa̧ weinü̧ aditäwä adiwomȩnä̧ aditäkua'anü̧.

1 Timoteo 1:12

Chujuru iyinü̧ chu̧ru̧wa̧ Jesucrito-rü eseusä, jua'amä̧ aditäwänä̧ chadita pä'ü a̧'kua̧ i̧wȩnä̧ri̧no̧mȩttü̧,

2 Timoteo 4:11

Ya̧tȩtä̧ Ruka-tä ja̧'a̧ ttüku kki̧'i̧nü̧mä̧. Maruku-rümä̧ ukutäku icha o'ipächü ichirü, isopäi'ünä̧ jua̧u̧mä̧ chaditäwä aditü rü̧ä̧nä̧ ppädü'anü̧ wa̧sä̧.

2 Timoteo 4:5

Ja̧'wa̧nü̧ ja̧'a̧nä̧ ukumä̧ 'kuäopünä̧ adiwomȩnä̧ usurä emäwäkuäwämä̧ kua̧mi̧'ki'ächi'ü, jareü Dio i̧wȩnȩtä̧ ji'äu, kuaditäwämä̧ adiwomȩnä̧ aditi.

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,