Efesios 3:20 - Nuevo Testamento Uwotjüja

²⁰ Dio-mä̧ ujuru rü̧ȩnä̧ kku̧nä̧rü̧ jätepomȩttü̧'i̧nä̧ abonä̧nü̧ iya pä'ü, ¡tamükuädüttü'i̧nä̧ u̧wä̧mȩnä̧ wa̧, chutä üjü'komȩnä̧ adita'attü ujutunä̧!

TÄ̧DO Ä̧CUÄ̧ I̧HUȨNȨ

²⁰ Jitämä teseäcuähuätucuaja Diosrö. Dios ujuruhua'attö, Diosrö jätepöttö'inä, tamöcuädöttö'inä abonänö rö̧ȩnä̧ i̧yä̧cua̧, chutä ujuru tu̧ju̧nä̧ro̧mȩnä̧.

Efesios 3:20 ပူးပေါင်းရင်းမြစ်များ

San Mateo 3:9

Ja̧'wa̧ta̧nü̧ kua̧mü̧nä̧tu̧ku̧mä̧: Ujutumä̧ Abraha̧ i̧tti̧mü̧ isotüjä̧, pä'ümä̧ kuamükuädätukuä; isopäi'ünä̧ pädäu̧jä̧: Dio-mä̧ po'ki ido'kittü'i̧nä̧, Abraha̧ i̧tti̧mü̧rü̧mä̧ rä'epü u̧ju̧nu̧'a̧nü̧ ja̧'a̧.

San Juan 10:10

Nä̧u̧kuä̧rä̧kuä̧wä̧ i̧sa̧mä̧: nä̧u̧ku̧tä̧, kuä'äu ikutä, si'epü ikutä ichü; ja̧'wa̧nü̧ ja̧'a̧nä̧ ttümä̧ a̧'kua̧rä̧kuä̧wä̧, rü̧ȩnä̧ ttu̧ju̧nä̧ra̧ pä'ü ichinü̧sä̧.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

Romanos 4:21

Jo̧mȩnü̧tä̧ Abraha̧-mä̧ wo̧jui̧nü̧, Dio iya päinü̧mä̧ o'kajuiyünä̧ ujuru u̧ju̧nä̧ra̧'a̧ttü̧ i̧yä̧kua̧sä̧ pä'ü.

1 Corintios 2:9

Ja̧'wa̧nü̧ ja̧'a̧ttü̧, wȩyu̧kuä̧ wȩnȩmä̧ pä'a: «Dio-mä̧, churutä repe'ätürümä̧ ya̧tȩ'i̧nä̧ tookü juei, ä̧ju̧kuä̧kuä̧wo̧kü̧ juei, ja̧'wa̧ta̧nü̧ yoriso amükuädäkuäwokü juei, jo̧mȩnü̧ jȩpü̧ kku̧ni̧nü̧ iya pä'ümä̧.»

2 Corintios 9:8

Ja̧'wa̧ta̧nü̧ Dio-mä̧ o'kajuiyünä̧ ujuru kku̧nä̧rü̧ ja̧'a̧ttü̧, ukuturu rü̧ä̧chü̧nä̧ iyä̧u̧jä̧; kkorotürü ppäkuädätukua pä'ümä̧;

Efesios 1:19

Ja̧'wa̧ta̧nü̧ uruwo, churutä esetätürü i̧yä̧kuȩmä̧ ya̧'a̧nü̧ rü̧a̧'a̧ tä̧jí̧ pä'ü ku̧wo̧juä̧tu̧kua̧ pä'ü. Jua'amä̧ chutä Dio ujuru adita'aku.

Efesios 3:7

Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.

Colosenses 1:29

Jua̧u̧ ja̧'a̧tȩ'ü̧ usurä ȩmä̧u̧sä̧, Crito ujurunä̧, chutä chujuru iya'anä̧.

1 Timoteo 1:14

Ja̧'wa̧nü̧ ja̧'a̧ttü̧ Dio-mä̧ rü̧ä̧nä̧ repe'ümä̧ suronä̧ jȩchä̧'i̧jü̧'i̧nä̧ jȩpü̧ iku, Jesucrito-nä̧tä̧ tta̧'kua̧ wȩnä̧rä̧kuä̧wä̧'i̧nä̧ eseu repeäkuäwä'i̧nä̧ iyinä̧ku̧sä̧.

Hebreos 11:19

Jua'amä̧ Abraha̧-mä̧ wo̧juö̧ jȩpi̧nü̧, Dio-mä̧ wa'ü ikuinä̧tü̧rü̧'i̧nä̧ ttoäda pä'ü ujuru kku̧nä̧rü̧ pä'ü; ja̧'wa̧nü̧ ja̧'a̧ttü̧ Abraha̧-mä̧ pä'äjita'anü̧ i̧tti̧rü̧ ȩmi̧nü̧, jitä ji̧yȩtȩnä̧ wȩnȩkuä̧chä̧kua̧'a̧mä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Santiago 4:12

Ya̧tȩtä̧ Dio-tä ja̧'a̧ Juez'i̧nä̧ ja̧'a̧nä̧, weäwä wȩnȩ'i̧nä̧ iyinü̧mä̧ ja̧'wa̧ta̧nü̧ jua̧u̧mä̧ surojüttü tü̧ji̧pü̧nä̧ jȩa̧'a̧nä̧'i̧nä̧ ja̧'wa̧nü̧ jü̧juiyüttümä̧ ro̧'ȩpü̧; Jua̧u̧nu̧mä̧ ¿dikuättü̧ kua̧wa̧ru̧wa̧rü̧ suronä̧ päkuä'cha pä'ümä̧?

2 Pedro 1:11

Ja̧'wa̧nü̧tä̧ tu̧ru̧wa̧ Jesucrito surojüttü tü̧ji̧pü̧nä̧ jȩpi̧nü̧ ruwo beipokü weomȩ doächäkuäwomȩ bawekuächäkua'a.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,