Efesios 3:19 - Nuevo Testamento Uwotjüja

¹⁹ Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

TÄ̧DO Ä̧CUÄ̧ I̧HUȨNȨ

¹⁹ Ja̧u̧ repeömä cu̧huo̧juä̧tu̧cua̧'a̧ttö̧, Dios cuami iso'quitucunä suhuädi'önä ö̧ja̧ pä'ö jä'epösä Diosrö. Ihueye rȩbȩhuo̧co̧tö̧jä̧ o'ca juiyönä tu̧huo̧jua̧ pä'ö ja̧u̧ repeömä.

Efesios 3:19 ပူးပေါင်းရင်းမြစ်များ

San Mateo 5:6

Eseäkuäwä kka̧'a̧ adiwomȩnä̧ jȩä̧kuä̧wä̧ rekuä rü̧jä̧u̧ru̧, jua'amä̧ jo̧mȩnü̧tä̧ ttü̧'o̧kui̧'ä̧kua̧'a̧ttü̧.

San Juan 1:16

Isopäi'ünä̧ Jua̧u̧ u̧ju̧nä̧rü̧ttü̧tä̧ o'katoi'ünä̧ ȩmi̧nä̧tü̧jä̧, rettü ppädina̧'a̧mä̧, jua'a yabo ppädinä̧u̧jä̧.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Romanos 8:35

¿Ditä jä̧kua̧'a̧jä̧ttü̧ Crito eseu repeüttü ujuturu 'kȩ'ȩpü̧ i̧kuä̧kua̧mä̧? ¿Usurä ȩmä̧kuä̧wä̧, jȩtü̧ juiyünä̧ jü̧, kuä'ü ttikua pä'ü ttu̧sä̧rü̧, ppäi ttuäwä, tü̧'ka̧tä̧wä̧ti̧yu̧ juitü, ra̧wä̧pi̧jü̧, wa'are?

Romanos 8:39

mo̧ro̧jä̧ ujuru'i̧nä̧, täkua'a jäwä'i̧nä̧, kkoro Dio aditäwä'i̧nä̧. ¡Yorisotä juiya'a Dio ttürü, Crito Jesú Tu̧ru̧wa̧nä̧ repeüttü 'kȩ'ȩpü̧ ikumä̧!

2 Corintios 5:14

Isopäi'ünä̧ Crito eseu repeümä̧, rü̧ȩnä̧ ujuturu 'chu̧ä̧ra̧'a̧, pi̧yȩ tamükuädomȩnä̧: Ujuturu ja̧'a̧tȩ'ü̧mä̧ ya̧tȩtä̧ 'korujuoächina̧'a̧nä̧, jua̧u̧nü̧ o'ka'amä̧ ujutu o'katoi'ünä̧ 'korujuo'ächinä̧tü̧jä̧;

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Efesios 1:23

Ja̧'wa̧ta̧nü̧ igresia-mä̧ Crito jä̧ttä̧pä̧ya̧ jü̧nä̧ ja̧'a̧, jua̧u̧mä̧ jo̧mȩnü̧tä̧ wa̧ o'kajuiyünä̧tä̧.

Efesios 3:18

Kkorotü Dio-rü esetätuku, Crito rȩrü̧jü̧ toinü̧, ü̧rü̧ä̧'i̧nä̧, üoto'i̧nä̧, ütäku'i̧nä̧, ükäwe'i̧nä̧ ku̧wo̧jui̧pä̧tu̧kuä̧kua̧'a̧nü̧;

Efesios 5:2

Eseäkuäutä kka̧kuä̧tu̧kui̧, Crito ujuturu esewinü̧ta'anü̧; ja̧'wa̧nü̧ repe'ümä̧, ujutu jäwänä̧ ofrenda jü̧nä̧, sacrificio jü̧nä̧, Dio-rü adiu a̧mȩu̧nä̧ iyäkuäwinü.

Efesios 5:25

Ttirekuomü̧mä̧, kuirekuamü̧tu̧ku̧ru̧ eseunu̧ repe'ätukui, Crito igresia-rü eseu repe'ü a̧'kua̧rü̧ iyäwinü̧ta̧'a̧nü̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Filipenses 4:7

Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

1 Pedro 1:8

Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.