Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Efesios 3:17 - Nuevo Testamento Uwotjüja

17 Kua̧'kua̧ ku̧wȩnä̧rä̧tu̧ku̧nä̧ ji̧yȩnä̧tä̧ Crito-rü kua̧mi̧ iso'kitukunä̧ ü̧ja̧ pä'üsä, kuesewätukumä̧ kkada'ka jü̧nä̧tä̧ 'chu̧ä̧rü̧nä̧.

အခန်းကိုကြည့်ပါ။ ကော်ပီ

TÄ̧DO Ä̧CUÄ̧ I̧HUȨNȨ

17 Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

အခန်းကိုကြည့်ပါ။ ကော်ပီ




Efesios 3:17
24 ပူးပေါင်းရင်းမြစ်များ  

Ja̧'wa̧nü̧ ja̧'a̧nä̧ kkä̧wa̧ räo'a'a du'i'omȩnä̧ joi'inü̧, jua'amä̧ ujupo'tiyä adinä̧ juiya'attü̧.


Ya̧tȩ ojusode aditü, 'kiyünä̧ 'chu̧ä̧rä̧kuȩ o'ka, rȩjȩ 'kiyomȩ täkunä̧ sa'ü kku̧ni̧nü̧'anü̧ wa̧. Ja̧'wa̧nü̧ ja̧'a̧, aje suwädi'omȩnä̧, ajiya rü̧ȩnä̧ dü'ü ikuomȩnä̧, yoriso 'kiyünä̧ wi̧na̧'a̧, jua'amä̧ 'kiyomȩ aditü wȩnä̧wa̧'a̧ttü̧.


isopäi'ünä̧ i̧sa̧ Epíritu-ru, Dio-rü esetokotümä̧ ttȩmü̧ juiyünä̧ wa̧rü̧. Topü'i̧nä̧ tottokoku, jerupü'i̧nä̧ ttieruwäku. Ja̧'wa̧nü̧ ja̧'a̧nä̧ ukutumä̧ ku̧wo̧juä̧tu̧kuä̧ku̧, ukututäku ü̧ja̧'a̧ttü̧.


Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.


Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.


Chidepä kumä̧ ja̧'wa̧ta̧nü̧ chukuoja aumä̧, ttütäku todeunä̧ kkü̧, ja̧'wa̧ta̧nü̧ ttü'i̧nä̧ jua̧u̧ku̧ todeunä̧ wa̧sä̧.


Jua̧u̧ tta̧'ä̧rü̧ kkä̧kuä̧wä̧mä̧ dä'ä ttuwepokü; isopäi'ünä̧ Dio eseu repeümä̧, Dio ta̧mi̧'iso'kinä̧ iyinü̧ ja̧'a̧ttü̧, Epíritu Sa̧tu̧nä̧, chutä iyinä̧ku̧nä̧.


Ttümä̧ Jesucrito jäwä jareü wȩnȩ jidäwa'anä̧ Aporo-mä̧ yabonü̧ Jesucrito-rü tta̧'kua̧ ttu̧wȩnä̧rü̧nä̧ wo̧juȩti̧nü̧ ja̧'wa̧nü̧ ja̧'a̧nä̧ ji̧nä̧so tä̧mü̧ juottünä̧ jȩpi̧nü̧mä̧ Dio-tä ja̧'a̧.


Ja̧'wa̧ta̧nü̧ ttu̧kuȩ, ttü̧ä̧nä̧wo̧tü̧ tti̧mi̧nä̧ ukuoku jȩä̧kuä̧wä̧ tü'kümä̧, isopäi'ünä̧ o'katoi'ünä̧tä̧ wo̧juä̧tü̧jä̧. Ja̧'wa̧nü̧ ja̧'a̧nä̧, wo̧juä̧wä̧mä̧ ukuo tettäunä̧tä̧ juoepü, pärokua'aku eseäkuäwämä̧, äräbe'ü wȩnȩ ja̧'a̧.


Isopäi'ünä̧ tta̧'kua̧ wȩnä̧rä̧kuä̧wä̧nä̧ ku̧jä̧tu̧kua̧ja̧ pä'ü, kua̧mü̧nä̧tä̧ topäkuäwätukui; ukututä kka̧kuä̧mä̧kuä̧u̧ topäkuäwätukui. ¿Jesucrito ukutunä̧ ü̧ja̧'a̧mä̧ kuieruwätukua'a tä̧jí̧? ¡ja̧'wa̧nü̧ jo̧ka̧'a̧ jü̧ttü̧mä̧ Crito-mä̧ ukutunä̧mä̧ kko̧kü̧!


Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»


Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.


Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.


Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.


Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.


Chuttutä kkada'ka jü̧nä̧ 'chu̧ä̧rü̧nä̧ kka̧kuä̧tu̧kui̧. Yabonü̧ kua̧'kua̧ wȩnä̧rä̧tu̧kui̧rü̧ ku̧wo̧jui̧'i̧nä̧tu̧ku̧'a̧kuä̧, 'kuäopünä̧ Dio-rü eseu.


Ja̧'wa̧nü̧ Dio ujuturu eseu repeü wo̧jui̧'i̧nü̧'kotümä̧, Jua̧u̧ru̧tä̧ esetinä̧tü̧jä̧. Dio-mä̧ eseu repeäkuäwätä wa̧ pä'ü. Ja̧'wa̧nü̧ ja̧'a̧ttü̧ eseu repeäkuäwänä̧ kkü̧mä̧ Dio-ku kkü̧ ja̧'wa̧ta̧nü̧ Dio'i̧nä̧ jua̧u̧nä̧tä̧ kkü̧.


Chi̧tti̧mü̧ wotü, ukutumä̧ Dio-ku kka̧kuä̧tü̧jä̧ ja̧'wa̧nü̧ ja̧'a̧ttü̧, täkü juätü yaparewätürümä̧ kkȩdü̧ ikuinä̧tü̧jä̧. Isopäi'ünä̧ ukutuku kkü̧mä̧, pi̧jä̧nä̧ kkü̧ttü̧'i̧nä̧ abonä̧nü̧ ujuru kku̧nä̧rü̧.


Ttümä̧ äpatenä̧ kkä̧nü̧ wopüsä; ya̧tȩ wochü ä̧ju̧ku̧ äpate bawepüttümä̧, jua̧u̧ ojusodenä̧ do'ächü, jua̧u̧tä̧ku̧ yo̧mȩtȩnä̧ chu̧kuä̧kua̧sä̧.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ