Efesios 3:1 - Nuevo Testamento Uwotjüja

¹ Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ ttö Pablo, Cristo Jesúsru esetö ucutu judíos huocotörö ppädäda'attö cärenä chö̧'o̧mȩnä̧, Diosrö ucuocu jä'epösä ucuturu.

Efesios 3:1 ပူးပေါင်းရင်းမြစ်များ

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

Hechos 21:33

Ja̧'wa̧nü̧ ja̧'a̧, su̧ro̧do̧u̧ ttu̧ru̧wa̧mä̧, Pauru-rü 'chuttäda pä'ü we'ünü̧, kärenä̧sa̧ to̧sa̧rȩnä̧ ttü̧nü̧'karü pä'ü we'inü̧. Ja̧'wa̧nü̧ jȩttü̧nä̧ wȩ'ä̧ji̧'ka̧ jä'epü ä̧ju̧kui̧nü̧, jua̧u̧mä̧ tidejua̧'a̧ ja̧ pä'ü ja̧'wa̧ta̧nü̧ däjé jȩä̧ja̧ ja̧ pä'ü.

Hechos 23:18

Jua̧u̧, su̧ro̧do̧u̧ ttu̧ru̧wa̧mä̧, jua'a yabo u̧ru̧wa̧ comu̧da̧te pättäku ü̧ja̧'a̧ o'ipäji̧'ka̧, 'chä̧wi̧'ü̧ pä'inü̧: —Kärenä̧ pü̧ Pauru-mä̧, ttürü wopäji'ka̧ jäepäjäkusä, pide mü̧ä̧ya̧rü̧ kuä'ka jo̧mȩ chi'kächiyarü pä'ü, ukuru ji̧yȩtȩ jiäwa'anä̧.

Hechos 26:29

Päiyäku Pauru-mä̧ pä'inü̧: —A̧'u̧ku̧nä̧tä̧ ja̧ pä'ü'i̧nä̧, rü̧ȩnä̧ ja̧ pä'ü'i̧nä̧, ¡chu̧ru̧wa̧ ukuo i̧sa̧!, Dio-rü pä̧wä̧rü̧ja̧'a̧, o'katoi'ünä̧ ttü jü̧'a̧nü̧ juokuächätukua pä'ü, jua'akumä̧ pi̧sa̧ kärenä̧sa̧ juiyünä̧tä̧.

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

2 Corintios 1:6

Ja̧'wa̧nü̧ ja̧'a̧ttü̧, ujutu usurä tȩmä̧u̧mä̧, a̧'u̧ ttukuätuku jȩä̧cha̧ pä'ü ja̧'a̧ ja̧'wa̧ta̧nü̧ surojüttü ku̧ji̧pä̧tu̧kua̧ pä'ü; ja̧'wa̧nü̧ ja̧'a̧nä̧ Dio-tä ja̧'a̧ ja̧'wa̧nü̧ ukutu a̧'u̧ ttukuätukua'a ppätädünä̧ jȩpü̧mä̧; ja̧'wa̧ta̧nü̧ ukuturu'i̧nä̧ usurä kuȩmä̧wä̧tu̧kua̧'a̧nä̧ kua̧mi̧ 'kikuächi'ätükunä̧ pä̧dä̧kuä̧u̧jä̧.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

Gálatas 5:11

Chawaruwä chi̧jä̧wa̧tü̧, circuncisión pättü jȩttä̧kuä̧wa̧ pä'ü jidäwuttümä̧, chabo iyotümä̧ suronä̧ pä'ümä̧ ttusokoku pajüsä. Ja̧'wa̧ta̧nü̧ ü̧jo̧kä̧ jäinä̧ kkä̧nü̧ 'korupäi'inü̧ wȩnȩ tta̧mi̧ surunä̧ topokotü pa̧ja̧tü̧.

Gálatas 5:2

Ttü Pauru pädü ä̧ju̧kuä̧tu̧kui̧: isopäi'ünä̧ circuncisión pättü jȩpä̧kuä̧wä̧tü̧rü̧mä̧, Crito i̧mi̧täwinü̧mä̧ mikuäwokü ja̧'a̧.

Gálatas 5:24

Isopäi'ünä̧ Jesucrito-ku juo'ächinä̧tü̧mä̧, täkü ü̧jo̧kä̧ jäinä̧ kuä'ü ikuinä̧tü̧ ttidepä kkü'kekumä̧.

Efesios 3:11

Pi̧yȩtä̧ ja̧'a̧, ä̧kuo̧mȩnä̧ttü̧tä̧ päi'ünä̧ Dio amükuädü u̧ju̧ni̧nü̧mä̧, ja̧'wa̧ta̧nü̧ jua̧u̧mä̧ Tu̧ru̧wa̧ Jesucrito-nä̧tä̧ iso juo'epinü̧.

Efesios 3:13

Ja̧'wa̧nü̧ ja̧'a̧ttü̧, ukutu jäwänä̧ usurä chȩmä̧wa̧'a̧mä̧ kua̧'kua̧ tta̧kuȩkuä̧tu̧kuä̧, pärokua'aku jua̧u̧mä̧ kuesewätukua pä'ütä ja̧'a̧.

Efesios 3:8

Ttümä̧ o'katoi'ünä̧ Dio pojopü weinä̧u̧ttü̧'i̧nä̧ tti̧dȩ'a̧nä̧ cha'anä̧, pi̧yȩ mippoünä̧ iyinä̧ku̧sä̧, judío pokotürü Crito ukuo jäwä jidäwiyarü pä'ü.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Efesios 6:20

Tu̧ru̧wa̧mä̧ weinä̧ku̧sä̧ kko̧ro̧jä̧ ttü̧ja̧sa̧ jü̧nä̧ pi̧yȩ wȩnȩ jidäwa pä'ü, ja̧'wa̧nü̧ jo̧mȩttü̧ kärenä̧ pü̧sä̧ jitämä̧. Dio-rütä jä'epätukui, jua̧u̧ ütü'kü yekuäkuäwä juiyünä̧ chujuruku jidäwäkua'anü̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Colosenses 1:24

Jitämä̧ eseusä ukutu jäwänä̧ usurä ȩmä̧u̧, ja̧'wa̧nü̧ jo̧mȩnä̧mä̧ ttü chidepänä̧, Crito usurä ȩmä̧wi̧nü̧ yabonü̧ usurä ȩmä̧u̧sä̧, igresia wotünä̧. Jua̧u̧ igresia-mä̧ chutä jä̧ttä̧pä̧ya̧ ja̧'a̧ttü̧.

Colosenses 4:18

Ttütä, Pauru, chu̧mü̧nä̧ wȩyu̧tu̧ te'äusä: kärenä̧ chü̧'a̧'a̧ amükuädätukui. Cha̧mi̧ iso'ki o'kajuiyünä̧ pä̧wä̧rü̧jä̧ku̧sä̧, Dio repeü jo̧mȩnü̧ ku̧ju̧nä̧rä̧tu̧kua̧ pä'ü.

Colosenses 4:3

Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

2 Timoteo 1:16

Tü̧ä̧nä̧wa̧tä̧ Onesíforo awaruwärümä̧ rȩrü̧jü̧ to̧ä̧kua̧, jua'amä̧ kko̧ro̧nü̧ jü̧ta̧'a̧nü̧ cha̧'kua̧ chȩmu̧nä̧ ppä'ädinü̧ kärenä̧ chü̧'a̧'a̧'i̧nä̧ dä'ättuwoka'a ji̧no̧mȩttü̧.

2 Timoteo 1:8

Ja̧'wa̧ta̧nü̧ ku̧ru̧wa̧ Jesucrito ütü'kü jikuäwomȩnä̧'i̧nä̧; ja̧'wa̧ta̧nü̧ chu̧ru̧wa̧ Jesucrito jäwänä̧ kärenä̧ pü̧ chütü'kü jikuäwomȩnä̧'i̧nä̧ kudäpekuä, ja̧'wa̧nü̧ ja̧jü̧ jueimä̧ jareü wȩnȩ ji'äu kkä̧nü̧ Dio ujuru päü'anü̧ usurä ȩmä̧wi̧.

Filemón 1:1

Ttü Pauru, Jesucrito jäwänä̧ kärenä̧ pä̧nü̧ kkä̧nü̧ ja̧'wa̧ta̧nü̧ cha̧wa̧ru̧wa̧ chi̧jä̧wa̧ Timoteo-ku te'äusä, ujuturu ppä'ädä̧rä̧'i̧jü̧ Filemó̧-rü̧,

Filemón 1:23

Epafra pä'ü mi̧kua̧, Crito jäwänä̧ chuku kärenä̧ chü̧'ä̧ku̧'i̧nä̧ teäwäkujä̧,

Filemón 1:9

täkü bü̧o̧sa̧ cha'attü, Crito jäwänä̧ kärenä̧ pä̧nü̧ kkä̧nü̧, jä'epütä jädepäkujä̧ ppäkuäda pä'ü,

Apocalipsis 2:10

Usurä kuȩmä̧wä̧kuȩmä̧ yekuekuätukuä. Äwettämä̧ ukututtü yotüterü kärenä̧ra̧'a̧ 'chuttädünä̧ jȩä̧kua̧, kka̧kuä̧mü̧ toätukuaku pä'ü ja̧'wa̧ta̧nü̧ to̧mü̧rȩ mo̧ro̧ jo̧mȩnä̧ usurä kuȩmä̧wä̧kuo̧tü̧jä̧. Wa'ü kuikuomȩbü päi'ünä̧, kua̧mi̧ 'ki'ächi'ü kkä̧wi̧ ja̧'wa̧nü̧ jo̧mȩnä̧ a̧'kua̧rä̧kuä̧wä̧ premio pättü chi̧yä̧kua̧jä̧.