Efesios 2:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

TÄ̧DO Ä̧CUÄ̧ I̧HUȨNȨ

¹⁰ Diostä ujuturu aditinä̧u̧jä̧. Cristo Jesúsnä aditinä̧u̧jä̧, adihuä juäi jȩpö̧ tö̧ja̧cua̧ pä'ö, chutä täbocö pi̧jä̧ juiyäi amöcuädinö ta'anö.

Efesios 2:10 ပူးပေါင်းရင်းမြစ်များ

San Mateo 5:16

Ja̧'wa̧nü̧ jü̧ta̧'a̧nü̧, ukutu'i̧nä̧ kui̧tȩya̧u̧tu̧ku̧mä̧ ttü̧ja̧ ttä'ka jo̧mȩ kkä̧dȩpü̧nä̧ kka̧kuä̧tu̧kui̧, adiu jȩ'kuä̧tu̧ku̧ topü, o'katoi'ünä̧ Kuä'otuku mo̧ro̧jä̧nä̧ kkü̧rü̧ ttesewäkua'anü̧.

San Juan 3:21

Ja̧'wa̧nü̧ ja̧'a̧nä̧, jueü wȩnȩnä̧ jȩpü̧ kka̧kuä̧tü̧mä̧ tȩya̧u̧ra̧'a̧ku̧ ichätü, Dio a̧'kua̧ iweyenä̧ jȩpü̧ ttü̧jä̧'i̧jü̧ i̧jȩkuä̧chü̧nä̧.

Hechos 9:31

Ja̧'wa̧nü̧ jo̧mȩnä̧, Judea rȩjȩttü̧'i̧nä̧, Galirea rȩjȩttü̧'i̧nä̧ ja̧'wa̧ta̧nü̧ Samaria rȩjȩttü̧'i̧nä̧ o'katoi'ünä̧ igresia wotümä̧ rü̧ȩnä̧ eseäkuäwä kku̧nä̧ri̧nä̧tü̧; Dio-rü ukuotäkuäwänä̧ ttä̧rä̧ma̧'a̧ttü̧, Epíritu Sa̧tu̧ ppädäkuäwänä̧ yaboku rü̧'ä̧chi̧nä̧tü̧.

Hechos 9:36

Ji̧yȩnü̧ pä̧nä̧ Jope ütawiyänä̧ kki̧nä̧ju̧, Jesucrito-rü esetäju Tabitá pä'ü mi̧kuaju, Grecia ttü̧ja̧ tti̧wȩnȩnä̧mä̧ Dorca pä'ü mikuinä̧ju̧. Juäju rü̧ȩnä̧ ppä'ädinä̧ju̧, rü̧ȩnä̧ rekuä rü̧jä̧u̧ru̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

1 Corintios 3:9

Isopäi'ünä̧ ujutumä̧, Dio aditäwätä adikuä isotüjä̧ ja̧'wa̧ta̧nü̧ ukutumä̧ Dio u̧kuȩ kuäwä jü̧nä̧, ojusode jü̧nä̧ wotüjä̧.

2 Corintios 5:17

Ja̧'wa̧nü̧ ja̧'a̧ttü̧, ya̧tȩ Crito-nä̧ ü̧jü̧ttü̧mä̧, jareünä̧ uwäbe'äkuäwa̧ ja̧'a̧. Täbo jäwä ji̧nü̧mä̧ 'kuäopina̧'a̧; o'kajuiyünä̧tä̧ jareünä̧ pärotü ikuäwätä ja̧'a̧.

2 Corintios 5:5

Ja̧'wa̧ta̧nü̧ pi̧yȩ pätetü jȩpi̧nü̧mä̧ Dio-tä ja̧'a̧, Epíritu Sa̧tu̧rü̧ iyinä̧u̧jä̧ jueünä̧ ukuokua'attü.

2 Corintios 9:8

Ja̧'wa̧ta̧nü̧ Dio-mä̧ o'kajuiyünä̧ ujuru kku̧nä̧rü̧ ja̧'a̧ttü̧, ukuturu rü̧ä̧chü̧nä̧ iyä̧u̧jä̧; kkorotürü ppäkuädätukua pä'ümä̧;

Gálatas 6:15

Isopäi'ünä̧ circuncisión jȩtta̧ja̧ pä'ü'i̧nä̧, jȩttü̧ juiyaja pä'ü'i̧nä̧ mikuäwoka'a; ji̧nä̧somä̧ pärokuänä̧ ttuwäpächütä ja̧'a̧ mikuäumä̧.

Efesios 1:1

Ttü Pauru, Dio üjü'komȩnä̧, Jesucrito-mä̧ apóto jü̧nä̧ weinä̧ku̧ cha'attü, Éfeso ütawiyä ttü̧ja̧rü̧ te'äusä, Jesucrito-rü esetätü, surojü jui'ätürü.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Efesios 2:13

Ja̧'wa̧nü̧ Dio-ttümä̧ otó kuinä̧tu̧kua̧'a̧nä̧, jitämä̧ tü'kü juo'ächinä̧tü̧jä̧ Crito Jesú ukuojanä̧tä̧.

Efesios 2:15

Weäwä wȩnȩ ji̧nü̧mä̧ si'epü ikuinü̧, Chutä weü wȩnȩ jȩpü̧ kku̧nu̧. Pi̧yȩmä̧ jȩpi̧nü̧ Chutä a̧mü̧nä̧ pa̧ja̧tü̧, tosare isotü winä̧tü̧ttü̧mä̧ ji̧nä̧ ya̧tȩ ttü̧ja̧sa̧ ja̧rȩpa̧rü̧ uwäbe'ü kku̧nu̧, chunä̧tä̧, wȩnȩ juiyü jäwä uwäbe'ü kku̧ni̧nü̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 2:6

ja̧'wa̧ta̧nü̧ Crito-ku ttotächünä̧ jȩpü̧, Jua̧u̧tä̧ku̧tä̧ mo̧ro̧jä̧nä̧ tü̧'ä̧mä̧dü̧nä̧ jȩi̧nä̧u̧jä̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Efesios 4:24

ja̧'wa̧ta̧nü̧ ttü̧ja̧sa̧ ja̧rȩpa̧nä̧ pärowächätukui, Dio uwäbe'inä̧ku̧nä̧, surojü jui̧'a̧nä̧, jueü wȩnȩnä̧ kkä̧kuä̧wä̧ i̧sa̧nä̧.

Filipenses 1:6

Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

Colosenses 1:10

Ja̧'wa̧nü̧ jo̧mȩnä̧, Tu̧ru̧wa̧rü̧ pä̧wä̧rü̧jo̧mȩnä̧ ku̧ja̧kuä̧kuo̧tü̧jä̧, adiwäjuei o'kajuiyünä̧ jȩ'kuä̧tu̧ku̧mä̧ u̧wä̧ju̧ kkü̧nä̧'i̧nä̧, Dio ütü'kü'i̧nä̧ yaboku ku̧wo̧jui̧'ä̧kuo̧tü̧jä̧.

Colosenses 3:10

täkü pärokuä 'ka̧tä̧wä̧tu̧kui̧. Isopäi'ünä̧ pi̧yȩmä̧, Dio ukuturu uwäbe'inü̧ a̧'kua̧juä̧, yabonü̧ rü̧ä̧chä̧kua̧'a̧nü̧, Churutä jo̧mȩnü̧ ku̧wo̧juä̧chä̧tu̧ku̧nä̧.

2 Tesalonicenses 2:17

'kuäkuächi'ätuku juiyünä̧ kujurutuku ttiyätukuaku pä'ü 'kuäopünä̧ adiwäjueitä kukuokuätukuä ja̧'wa̧ta̧nü̧ adiwäjueitä jȩ'kuä̧tu̧kua̧.

1 Timoteo 2:10

adiwomȩnä̧ tta̧di̧kuä̧rü̧mä̧ kkorotürü äräbe'ünä̧, nä̧tü̧ Dio-rü ttukuota pä'ätü ttü̧ja̧ku̧ta̧'a̧nü̧ pätekuächäkua'a.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

1 Timoteo 5:25

Ja̧'wa̧nü̧ jü̧ ta̧'a̧nü̧ adiwä jueimä̧ jü̧ttü̧'i̧nä̧ i̧jȩkua̧'a̧; ja̧'wa̧ta̧nü̧ adiwäjuei jo̧kü̧mä̧ 'kuäopünä̧tä̧mä̧ dajawä̧ru̧mä̧ kko̧kü̧ jä̧kuȩ.

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

2 Timoteo 2:21

Ujutunä̧'i̧nä̧, ja̧'wa̧nü̧ jä̧'i̧nü̧ta̧'a̧nü̧ wȩnȩkuä̧cha̧'a̧; suronä̧ jȩtä̧'i̧jü̧ kä'ädi'ü, isopäi'ünä̧ jo̧kü̧ wo̧juȩkuä̧ tunu̧chi̧'ü̧ttü̧mä̧, ja̧u̧ o̧'ta̧wi̧yä̧ ukuo jäwä jä̧'i̧nü̧'a̧nü̧ täkuotüjä̧. Dio-tä ta̧'kua̧rü̧nä̧ aditäkua̧ ta̧'kua̧rü̧ 'chü̧ä̧rä̧kuä̧wä̧ i̧sa̧ ja̧'a̧ttü̧, kkorojuei o'kajuiyünä̧ adiwäjuei jȩta̧ pä'ü jo̧mȩnü̧ tü̧ja̧kuä̧kuo̧tü̧jä̧.

2 Timoteo 3:17

ja̧'wa̧nü̧ jo̧mȩnä̧ Dio umüwäyotümä̧ adiwäjuei jȩtta̧ pä'ümä̧ jo̧mȩnü̧ wo̧juȩkuo̧tü̧ ttü̧ja̧kuä̧kuo̧tü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Tito 2:7

O'kajuiyünä̧, ukutä kua̧mü̧nä̧ pa̧ja̧tü̧ wȩnȩku̧ i̧jȩkui̧ adiwäjueimä̧ pa̧'a̧nü̧ jȩä̧kuä̧wä̧ pä'ü, wo̧juȩtü̧mä̧ adiutä jȩpü̧ kua̧'kua̧pü̧nü̧ kkä̧nü̧ i̧jȩkui̧.

Tito 3:1

Kkorotürümä̧ ji'äwi, ru̧wa̧ weümä̧, ja̧'wa̧ta̧nü̧ ukuo isotü wettümä̧ ttukuota; ja̧'wa̧ta̧nü̧ juätü wettümä̧ ttukuotäkua'anü̧ 'kuäopünä̧tä̧ adiwäjuei jȩä̧kuä̧wä̧ isotü jü̧nä̧ ttü̧ja̧kua̧.

Tito 3:14

Ja̧'wa̧ta̧nü̧ ujututtümä̧ adiu jȩä̧kuä̧wä̧'i̧nä̧ tawaruwä rekuä rü̧jä̧u̧ru̧ ppädäkuäwä'i̧nä̧ ttu̧wo̧jui̧'ü̧'a̧nü̧ ja̧'a̧, ja̧'wa̧nü̧tä̧ ttü̧jü̧nä̧mä̧ ppädäkuäwä isotü ttäkuotü.

Tito 3:8

Pi̧yȩmä̧ isopäi'ünä̧tä̧ ja̧'a̧, juätürümä̧ ppa̧'a̧dä̧rü̧ ku̧wo̧juȩta̧ pä̧wä̧rü̧jä̧ku̧sä̧, Dio-rü esetätümä̧ adiwäjueitä jȩttä̧kua̧'a̧nü̧. Pi̧yȩmä̧ ttü̧ja̧ o'katoi'ünä̧rü̧ ppädü adiwäjuei ja̧'a̧.

Hebreos 10:24

Yotukunä̧ repe'äkuäwätukui, eseäkuäwä yabonü̧ rü̧ä̧chü̧nä̧ adiu ppä'ädäkuäu jȩ'kuä̧tu̧ku̧nä̧.

Hebreos 13:21

surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

1 Pedro 2:12

Judío pokotü ttü̧'kä̧tȩttü̧mä̧ adiunä̧ o'ikuätukui. Ja̧'wa̧nü̧ jü̧nä̧tä̧, jitämä̧ ukuturu suronä̧ jȩpä̧tü̧rü̧ 'kua̧rü̧nä̧ ttukuokua'anä̧, adiu jȩ'kuä̧tu̧kua̧'a̧ topü chutä o'katoi'ünä̧rü̧ jä'epü mo̧ro̧ päi'omȩnä̧ Dio-rü ttesewäkuotü.

1 Juan 1:7

Ja̧'wa̧nü̧ ja̧'a̧nä̧, Dio tȩya̧u̧nä̧ ü̧jü̧ta̧'a̧nü̧, ujutu'i̧nä̧ tȩya̧u̧nä̧ kue'ächü, kkorotüku ji̧nä̧ ji̧yȩtȩnä̧ tü̧ja̧ku̧ttü̧mä̧, Tu̧ru̧wa̧ Jesucrito, Dio i̧tti̧ ukuojamä̧ tükü i̧kuä̧u̧jä̧.

1 Juan 2:6

Isopäi'ünä̧ Jua̧u̧nä̧ kkü̧sä̧ pä'ümä̧; Chutä Jesucrito ü̧ji̧nü̧ta'anü̧, ü̧ja̧ pä'ü ja̧'a̧.