Efesios 1:9 - Nuevo Testamento Uwotjüja

⁹ Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Efesios 1:9 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Lucas 2:14

«¡Mo̧ro̧jä̧nä̧ttü̧mä̧ Dio-rü uruwo eseäkuäwi'a'a! ¡ja̧'wa̧ta̧nü̧ pi̧jä̧nä̧ttü̧ wȩnȩ juiya'a Dio esewäu̧ru̧mä̧!»

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Hechos 2:23

Ja̧'wa̧nü̧ wa̧rü̧, aboja̧'a̧nä̧ ukuokuäkuäu jȩpü̧ iyü ikú, kuä'ü ikuinä̧tü̧jä̧, ü̧jo̧kä̧nü̧ toe'ächünä̧, suronä̧ jȩpä̧tü̧ ttu̧mü̧nä̧.

Hechos 4:28

Ja̧'wa̧nü̧ ja̧'a̧nä̧, juätü jȩttü̧mä̧ suro uku ku̧wo̧juo̧mȩnä̧ amükuädü ku̧ju̧ni̧nü̧tä̧ 'kuäopa'a.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Romanos 8:28

Ja̧'wa̧ta̧nü̧ wo̧juä̧tü̧jä̧, Dio-rü repe'ü esewätürümä̧ o'kajuiyünä̧tä̧ adiu ppä̧dä̧u̧ pä'ü, churutä pä̧wä̧rü̧jo̧mȩnä̧ woinä̧u̧ru̧mä̧.

1 Corintios 1:21

Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

Gálatas 1:12

Isopäi'ünä̧ ȩmü̧'i̧nä̧, wo̧jui̧pü̧'i̧nä̧, ttü̧ja̧ttü̧mä̧ chȩmo̧kü̧ ji̧nü̧, Jesucrito-tä ji̧na̧'a̧ ttürü i̧jȩpi̧nü̧mä̧.

Gálatas 1:15

Ja̧'wa̧nü̧ ja̧'a̧nä̧, Chu, ttü cha̧ju̧ kküakuä jakuättü 'kȩ'ȩpü̧ ȩmi̧nü̧tä̧ woinä̧ku̧sä̧, eseunu̧ repea'attü̧.

Gálatas 1:16

I̧tti̧'rü̧'i̧nä̧ chu̧wo̧juä̧chi̧'ü̧nä̧ i̧jȩpi̧nä̧ku̧sä̧, judío pokotürü jidäwiyarü pä'ü, ja̧'wa̧nü̧ ja̧'a̧nä̧ yotäkumä̧ ttü̧ja̧rü̧ jä̧'ȩpä̧rü̧ 'cho̧kü̧ pinü̧sä̧;

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

Efesios 1:8

Dio-tä rü̧ȩnä̧ iyinä̧u̧jä̧ wo̧juȩku̧nä̧ o'kajuiyünä̧ u̧wo̧jua̧'a̧ttü̧.

Efesios 3:11

Pi̧yȩtä̧ ja̧'a̧, ä̧kuo̧mȩnä̧ttü̧tä̧ päi'ünä̧ Dio amükuädü u̧ju̧ni̧nü̧mä̧, ja̧'wa̧ta̧nü̧ jua̧u̧mä̧ Tu̧ru̧wa̧ Jesucrito-nä̧tä̧ iso juo'epinü̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.

2 Timoteo 1:9

Dio-mä̧ surojüttü tü̧ji̧pü̧nä̧ ppädinä̧u̧jä̧, ja̧'wa̧nü̧ ppä'ädü umüwäyotü surojü jui'ätü jü̧nä̧ woinä̧u̧jä̧, ujutu adiu jȩtü̧nä̧mä̧kü̧ ja̧'wa̧nü̧ ja̧jü̧ jueimä̧ Dio ä̧kuo̧mȩnä̧ttü̧ kkä̧mä̧dü̧ rȩrü̧jü̧ topü Jesucrito-nä̧ amükuädü uju̧ni̧nü̧'a̧kuä̧ ji̧na̧'a̧.