Efesios 1:5 - Nuevo Testamento Uwotjüja

⁵ Rü̧ȩnä̧ repea'attü̧, ä̧kuo̧mȩnä̧tä̧ päi'ünä̧ pojopü u̧ju̧ni̧nä̧u̧jä̧, I̧tti̧ Jesucrito-nä̧ i̧tti̧mü̧ päi'ünä̧ ȩma̧tü̧ pä'ümä̧, churutä pä̧wä̧rü̧jo̧mȩnä̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ ujuturu repe'ö, Jesucristorö tesetomenä, i̧tti̧mö̧ päti'a pä'ö hue'inö täbocö päi'önä. Ja̧'hua̧nö̧ churutä pä̧huä̧ rö̧jo̧mȩnä̧ hue'inödo.

Efesios 1:5 ပူးပေါင်းရင်းမြစ်များ

San Mateo 1:25

Ja̧'wa̧nü̧ ja̧'a̧nä̧, kki̧tti̧rü̧ kuwäbekuomebü päi'ünä̧, irekua jü̧nä̧mä̧ ä'okokua pinä̧ju̧; ja̧'wa̧ta̧nü̧ jua̧u̧ kki̧tti̧rü̧mä̧ Jesú pä'ü o'inü̧, José-mä̧.

San Mateo 11:26

Iweye ja̧'wa̧nü̧tä̧ ja̧'a̧ Chä'o, ukumä̧ ja̧'wa̧nü̧tä̧ eseujä̧.

San Lucas 10:21

Ji̧yȩnü̧ pä̧nä̧, Jesú Epíritu Sa̧tu̧ jäwänä̧ jo̧mȩnü̧ eseu kkä̧nü̧ pä'inü̧: Chä'o, ukuru eseusä, mo̧ro̧jä̧'i̧nä̧, pi̧jä̧'i̧nä̧ u̧ru̧wa̧rü̧. Isopäi'ünä̧ pi̧yȩmä̧ rü̧ȩnä̧ wo̧juä̧tü̧ttü̧'i̧nä̧, rü̧ȩnä̧ amükuädätüttü'inä̧ dajü iku pärokuotü ppo̧'ä̧tü̧rü̧ kui̧jȩpi̧na̧'a̧ttü̧. A̧, Chä'o isopäi'ünä̧ ja̧'wa̧nü̧tä̧ kuesewomȩnä̧ ja̧'a̧ttü̧.

San Lucas 11:32

Ja̧'wa̧ta̧nü̧ ttü̧ja̧rü̧ pojokuä mo̧ro̧ päi'omȩnä̧ Nínive ttü̧ja̧'i̧nä̧, ä̧rä̧mi̧'ü̧ pi̧yȩ pä̧nä̧ ttü̧ja̧rü̧, usurä ttȩmä̧u̧nä̧ pä'ü ttu̧ju̧nä̧kuo̧tü̧ jua'amä̧ Joná i̧wȩnȩ ä̧ju̧ku̧ surojü kättädi'ina̧'a̧ttü̧. Ja̧'wa̧ta̧nü̧ pȩnȩ́ ukutuku ukuokumä̧ Joná-ttü̧'i̧nä̧ abonä̧nü̧ wa̧sä̧».

San Lucas 12:32

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

San Juan 1:12

Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.

San Juan 11:52

Suro juätü judío-rü ja̧'a̧tȩ'ü̧tä̧mä̧kü̧, kko̧ro̧jä̧nä̧ kka̧kuä̧tü̧ Dio i̧tti̧mü̧ judío-rümä̧ ü̧ka̧ka̧ta̧ pä'ü ja̧'a̧, pä'ü pä'inü̧.

San Juan 20:17

Jesú-mä̧ päinä̧kua̧: —¡Mȩkuä̧ttü̧!, ji̧nä̧ Chä'o ü̧ja̧'a̧mä̧ 'chä̧wi̧'o̧kü̧sä̧; ja̧'wa̧nü̧ ja̧'a̧nä̧ chawaruwä chi̧jä̧wa̧tü̧rü̧ pa̧'a̧nü̧ jikuäwajä̧: Ttümä̧ Chä'o Dio, ukutu'i̧nä̧ Kuä'otuku Dio ü̧ja̧'a̧ 'chä̧nü̧ kä'ekuächüsä.

Hechos 13:48

Pi̧yȩ pätta'a ä̧ju̧ku̧, judío pokotümä̧ rü̧ȩnä̧ eseäkuäwinä̧tü̧, Tu̧ru̧wa̧ i̧wȩnȩmä̧; Ja̧'wa̧ta̧nü̧ kkä̧kuä̧wä̧ i'ko tteseta pä'ü wotümä̧ esetinä̧tü̧.

Romanos 8:23

Suro, pi̧jä̧ jäwätämä̧ usurä ȩmä̧wo̧ka̧'a̧, ujutu Epíritu Sa̧tu̧rü̧ kku̧nä̧rä̧tü̧mä̧ usurä ȩmä̧wä̧tü̧jä̧, Dio i̧yä̧kuȩmä̧ tȩmä̧kuo̧tü̧ ta'anä̧. Jakuänä̧mä̧ amükuä̧rä̧tü̧jä̧ Dio i̧tti̧mü̧ päi'ünä̧ jo̧mȩnü̧ ȩmä̧kuȩ mo̧ro̧.

1 Corintios 1:1

Ttü Pauru, Dio-rü pä̧wä̧rü̧jo̧mȩnä̧, Crito apóto päi'ünä̧ woinä̧ku̧ cha'attü, cha̧wa̧ru̧wa̧ chi̧jä̧wa̧ Sóstenes-ku̧ te'äusä Corinto ütawiyättü Dio iäre igresia wotürü. Jesucrito, Dio-rü usäwäku 'kȩ'ȩpü̧ ȩmü̧, umüwäyotü jü̧nä̧ juoepinä̧u̧ru̧'i̧nä̧, ja̧'wa̧ta̧nü̧ jitü Tu̧ru̧wa̧ Jesucrito i̧mi̧nä̧ jä'epü ukuokuätürü'i̧nä̧, te'äusä, jua̧u̧mä̧ ujutu'i̧nä̧ Tu̧ru̧wa̧ ja̧'a̧nä̧, juätü'i̧nä̧ ttu̧ru̧wa̧ ja̧'a̧.

1 Corintios 1:21

Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

2 Corintios 6:18

Ja̧'wa̧nü̧ jȩ'kuä̧tu̧kuo̧mȩnä̧, Ttümä̧ Kuä'otuku Dio chä̧kua̧sä̧, ja̧'wa̧ta̧nü̧ ukutumä̧, u̧mä̧tü̧'i̧nä̧, nä̧tü̧'i̧nä̧ chi̧tti̧mü̧ kuäkuotüjä̧. Tu̧ru̧wa̧ o'kajuiyünä̧ ju̧ru̧wa̧mä̧ ja̧'wa̧nü̧tä̧ pä'ü.

Gálatas 3:26

Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.

Efesios 1:11

Ja̧'wa̧ta̧nü̧ Crito-nä̧mä̧, Chutä iäre tȩma̧ pä'ü ä'kojitä päi'ünä̧ ü'ojo'inä̧u̧jä̧, Chutä o'kajuiyünä̧ jȩpü̧ ja̧'a̧ttü̧, churutä pä̧wä̧rü̧jo̧mȩnä̧tä̧.

Efesios 1:9

Dio yä̧wä̧i̧nä̧ ä'kojitä päi'ünä̧ amükuädinü̧mä̧, Crito-nä̧tä̧ tu̧wo̧jui̧pü̧nä̧ jȩi̧näu̧jä Churutä pä̧wä̧rü̧jo̧mȩnä̧.

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

Colosenses 1:19

Isopäi'ünä̧ Dio-mä̧ jua̧u̧ Crito-nä̧tä̧, Chutä ujuru o'kajuiyünä̧ kka̧ pä'inü̧,

2 Tesalonicenses 1:11

Ja̧'wa̧nü̧ ja̧'a̧ttü̧ ukutunä̧mä̧ 'kuäopünä̧ Dio-rümä̧ ukuokuätüjä̧, Dio-rümä̧ jä'epätüjä̧ umüwäyotü jü̧nä̧ pojopü ȩma̧tü̧ pä'ü pä̧wä̧rü̧jü̧ toä'ija'attü̧mä̧ ja̧'wa̧ta̧nü̧ ujurunä̧tä̧ ppädätukuaku pä'ü adiwäjuei ukuturu pä̧wä̧rü̧jü̧mä̧, ja̧'wa̧ta̧nü̧ kuaditäwätuku kua̧'kua̧ wȩnä̧rü̧nü̧ jȩ'kui̧nä̧tu̧ku̧mä̧.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

1 Juan 3:1

Topätukui, Tä'o Dio ujuturu rü̧ȩnä̧ repe'ü jȩi̧nü̧, Dio i̧tti̧mü̧ pä'ü ottatü pä'ü. Ja̧'wa̧nü̧ jo̧mȩttü̧ pi̧jä̧ ttü̧ja̧mä̧ ttu̧wo̧juo̧ko̧u̧jä̧, Churutä'i̧nä̧ ttu̧wo̧juo̧ka̧'a̧ ji̧na̧'a̧ttü̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.