Efesios 1:21 - Nuevo Testamento Uwotjüja

²¹ O'katoi'ünä̧tä̧ ruwotürü'i̧nä̧, tturuwo kku̧nä̧rä̧tü̧rü̧'i̧nä̧, ttujuru kku̧nä̧rä̧tü̧rü̧'i̧nä̧, we'ü 'chu̧'ä̧rä̧tü̧rü̧'i̧nä̧, kkorotürü'i̧nä̧ tti̧mi̧nä̧ jä̧ttȩpä̧'i̧jä̧u̧ru̧mä̧ ttu̧wä̧mȩnä̧ jü̧nä̧ ütinä̧ku̧, suro jitä ttü̧ja̧ku̧ pä̧nä̧tä̧mä̧kü̧, ja̧'wa̧ta̧nü̧ yodoji ttü̧jä̧kuȩ pä̧nä̧'i̧nä̧.

TÄ̧DO Ä̧CUÄ̧ I̧HUȨNȨ

²¹ O'ca juiyönä ruhuotö hueähuä'inä, ttujuru'inä, kä̧cuä̧huä̧'i̧nä̧, o'ca juiyönä jitä'inä, yodoji'inä ucuocuäcuähuä'inä huea pä'ö hue'inödo Cristorö.

Efesios 1:21 ပူးပေါင်းရင်းမြစ်များ

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

Efesios 2:2

Mo̧ täbokümä̧ jua̧u̧nä̧tä̧ kue'ächinä̧tü̧jä̧, pi̧jä̧nä̧ isoppanä̧ we'ü wea'akutä. Epíritu jü̧nä̧ uwäpokü jua̧u̧mä̧ jitä'i̧nä̧ ukuotokotürü we'ü.

Efesios 3:10

Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

Colosenses 2:10

Ja̧u̧nä̧tä̧ ujurumä̧ o'kajuiyünä̧ kka̧kuä̧mü̧ topü Dio-mä̧, ja̧'wa̧ta̧nü̧ Crito-tä ja̧'a̧, o'katoi'ünä̧ epíritu-tu̧ juruwätü'i̧nä̧, pi̧jä̧nä̧ttü̧ ruwo we'ätü'i̧nä̧ ttu̧wä̧mȩnä̧ wa̧mä̧.

Colosenses 2:15

Dio-mä̧ ttujuru jȩpü̧ ikuinü̧ isotü uwäpokotü ttukuo kku̧nä̧rä̧tü̧rü̧mä̧, ja̧'wa̧ta̧nü̧ Jesucrito-nä̧tä̧ o'katoi'ünä̧ ttä'ka jo̧mȩttü̧ i̧jȩpü̧ ikuinü̧, ü̧jo̧kä̧nü̧ jäinä̧ 'korujuoächomȩnä̧ juätüttü'i̧nä̧ ttu̧wä̧mȩnä̧ pä'i'inü̧.

Hebreos 1:4

Á̧gȩrȩ-rü ttu̧wä̧mȩnä̧ päi'ünä̧ jȩpü̧ kku̧nu̧, i̧mi̧'i̧nä̧ juätü abonä̧nü̧ ukuo i̧sa̧ päi'ünä̧ Dio-mä̧ iyinä̧ku̧.

Hebreos 2:5

Dio-mä̧, á̧gȩrȩ-rü̧mä̧ juä̧jä̧ tukuokuä̧jä̧ wetta pä'ümä̧ pä̧o̧ko̧u̧ pinä̧tü̧;

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.