Colosenses 4:3 - Nuevo Testamento Uwotjüja

³ Ja̧'wa̧nü̧ kukuokuätukuomȩnä̧mä̧ ujuturu'i̧nä̧ Dio-rü ukuokuätukui, Tu̧ru̧wa̧ bawepätü, Crito amükuädinü̧ ttieruwuö wȩnȩ jitäwa, ttü'i̧nä̧ jua̧u̧ jäwänä̧tä̧ kärenä̧ pü̧sä̧.

TÄ̧DO Ä̧CUÄ̧ I̧HUȨNȨ

³ Ujuturu'inä Diosrö ucuocuätucui, Tu̧ru̧hua̧ ppäda pä'ö adiu jitähuäcua'a̧nö̧ i̧huȩnȩ, Cristorö ttieru huȩnȩ. Ja̧u̧ huȩnȩ jidähua'attö, cärenä pö̧sä̧ jitämä.

Colosenses 4:3 ပူးပေါင်းရင်းမြစ်များ

San Mateo 13:11

Pättäku ädätinä̧u̧: Ukuturumä̧ i̧yä̧wi̧'i̧nä̧u̧jä̧ mo̧ro̧jä̧ ru̧wa̧ weü wo̧juä̧wo̧kü̧ ku̧wo̧juä̧tu̧kua̧ pä'ü; ja̧'wa̧nü̧ ja̧'a̧nä̧ jitüjarümä̧ i̧yä̧wi̧'o̧ko̧u̧ pinä̧tü̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Romanos 16:25

¡Dio-rü teseäkuäwätukua! jua̧u̧tä̧ ja̧'a̧ yaboku kui'chä̧tu̧ku̧nä̧ ppä'ädümä̧ jareü wȩnȩ jidäu ja̧'wa̧nü̧ pä'a ja̧'wa̧ta̧nü̧ Jesucrito'i̧nä̧ ja̧'wa̧nü̧tä̧ wo̧juȩti̧nü̧. Ja̧'wa̧nü̧tä̧ ja̧'a̧ Dio ttieruwuönä̧ amükuädinü̧mä̧, mo̧ täbokü pi̧jä̧ kkä̧kua̧'a̧ a'kojitä päi'ünä̧ wo̧jui̧'ä̧kuä̧wo̧kü̧ ji̧nü̧.

1 Corintios 16:9

Chadita pä'ümä̧ äpate rü̧ȩnä̧ bawekuächäja'a, yabokutä ja̧'wa̧nü̧ ja̧'a̧nä̧ rekuätü chaboiyotü'i̧nä̧ rekuätü ja̧'a̧.

1 Corintios 4:1

Ja̧'wa̧nü̧ ja̧'a̧ttü̧, ujuturumä̧ Crito aditäwä ppä'ädä̧rä̧tü̧ jü̧nä̧tä̧ topätukuitü, Dio jäwä ttieruwü wȩnȩ adikuä isotü jü̧nä̧tä̧.

2 Corintios 2:12

Ja̧'wa̧nü̧ ja̧'a̧ Tróade ütawiyättümä̧, jareü wȩnȩ Crito i̧wȩnȩ jidäwa pä'ü bawekuächäja'anä̧,

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.

Efesios 3:3

Ttürümä̧ chu̧wo̧jui̧pü̧nä̧ i̧jȩkuä̧chi̧nä̧ku̧sä̧ yä̧wä̧i̧nä̧ jäwämä̧, jua̧u̧ tü'kümä̧ a̧'u̧ku̧nä̧ wȩyu̧tu̧ we'äjisä.

Efesios 3:4

Jua̧u̧ chi̧wȩyu̧tä̧ji̧ kukuokuätukuttümä̧, ku̧wo̧jui̧päkuo̧tü̧jä̧, Crito jäwä yä̧wä̧i̧nä̧ jäwä chu̧wo̧jua̧'a̧mä̧,

Efesios 3:9

Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.

Efesios 4:1

Ttü Tu̧ru̧wa̧ jäwänä̧ kärenä̧ pä̧nü̧ kkä̧nü̧, ukuturu jä'epüsä, Dio ukuturu woina̧'a̧ku̧, ukuotü ku̧ja̧kuä̧tu̧kua̧ pä'üsä.

Filipenses 1:19

pi̧yȩmä̧ o'kajuiyünä̧tä̧, Dio-rü kukuokuätukua'attü̧, Jesucrito a̧'kua̧ru̧wa̧ Epíritu-nä̧ ppäda'attü rädopä̧kua̧sä̧ kärenä̧ttü̧mä̧ pä'ü wo̧jua̧sä̧.

Filipenses 1:7

Ukuturumä̧ o'katoi'ünä̧rü̧ ja̧'wa̧nü̧ adiwomȩnä̧ chamükuädünä̧ jä̧ku̧sä̧, cha̧mi̧so'kinä̧ chamükuä̧rä̧u̧ kuätukua'attü; isopäi'ünä̧ kärenä̧ chü̧'o̧mȩnä̧'i̧nä̧, ruwotü ttä'kattü jidäwomȩnä̧'i̧nä̧, jareü wȩnȩ jo̧mȩnü̧ rü̧ä̧chü̧nä̧, ukutumä̧ o'katoi'ünä̧ ttürü Dio iyinü̧ ppä'ädü usurä ȩmä̧wä̧tü̧jä̧.

Colosenses 1:26

Jua̧u̧ jitäumä̧ rekuo mo̧ro̧ jo̧mȩnä̧ wo̧jui̧'ä̧kuä̧wo̧kü̧ ji̧nü̧, Dio-mä̧ yä̧u̧nä̧ u̧ju̧nä̧ra̧'a̧ttü̧. Ja̧'wa̧nü̧ ja̧'a̧nä̧ Dio-mä̧ i̧tti̧mü̧ ȩmi̧nä̧u̧ru̧ i̧jȩpi̧nü̧.

Colosenses 4:18

Ttütä, Pauru, chu̧mü̧nä̧ wȩyu̧tu̧ te'äusä: kärenä̧ chü̧'a̧'a̧ amükuädätukui. Cha̧mi̧ iso'ki o'kajuiyünä̧ pä̧wä̧rü̧jä̧ku̧sä̧, Dio repeü jo̧mȩnü̧ ku̧ju̧nä̧rä̧tu̧kua̧ pä'ü.

1 Tesalonicenses 5:25

Chawaruwä chi̧jä̧wa̧tü̧, ujuturu'i̧nä̧ Dio-rü ukuokuätukui.

2 Timoteo 1:16

Tü̧ä̧nä̧wa̧tä̧ Onesíforo awaruwärümä̧ rȩrü̧jü̧ to̧ä̧kua̧, jua'amä̧ kko̧ro̧nü̧ jü̧ta̧'a̧nü̧ cha̧'kua̧ chȩmu̧nä̧ ppä'ädinü̧ kärenä̧ chü̧'a̧'a̧'i̧nä̧ dä'ättuwoka'a ji̧no̧mȩttü̧.

2 Timoteo 2:9

Jua̧u̧, adiwäjuei wȩnȩ jäwä jidäwomȩttü̧ rü̧ȩnä̧ usurä ȩmä̧u̧mä̧, kärenä̧ pü̧sä̧; ttü̧ja̧rü̧ kuäwä i̧sa̧ 'kua̧rü̧nä̧, kä̧rȩnä̧sa̧nä̧ nü̧'käwa'amä̧ ttü̧tä̧rä̧ku̧sä̧; ja̧'wa̧nü̧ ja̧'a̧nä̧ Dio i̧wȩnȩmä̧ nü̧'käwa'amä̧ po̧ka̧'a̧.

2 Timoteo 4:2

Pi̧yȩ Dio i̧wȩnȩmä̧ jikuäwajä̧ ttä̧ju̧kua̧ pättomȩnä̧'i̧nä̧, ja̧'wa̧ta̧nü̧ ttä̧ju̧kua̧ pättokomȩnä̧'i̧nä̧. Tesetipünä̧'i̧nä̧, ro̧'ȩpü̧'i̧nä̧ ja̧'wa̧ta̧nü̧ ttesewipünä̧ o'kajuiyünä̧ kua̧mi̧ 'ki'ächi'ü ku̧wo̧juȩta̧ja̧.

Filemón 1:22

Ja̧'wa̧ta̧nü̧ rȩbȩu̧ chä'äkuomȩ'i̧nä̧ aditü kku̧ni̧yi̧ttü̧; Dio-rü kukuokuätukua'a, Dio-mä̧ rä'epü i̧kuä̧kua̧sä̧ 'kua̧ra̧'a̧.