Colosenses 3:3 - Nuevo Testamento Uwotjüja

³ Isopäi'ünä̧ ukutumä̧ 'korujuo'ächinä̧tü̧jä̧ ja̧'wa̧nü̧ ja̧'a̧nä̧ Crito-nä̧ dajäwinä̧tü̧jä̧ Dio jäwättümä̧.

TÄ̧DO Ä̧CUÄ̧ I̧HUȨNȨ

³ Ucutumä pi̧jä̧ jähuättömä Cristocu 'corupä'i'inätöjä. Ja̧'hua̧ta̧nö̧ Diosrö cuesetätucua'attö, Cristocu cua̧'cua̧rä̧tu̧cu̧ dajö icuinö.

Colosenses 3:3 ပူးပေါင်းရင်းမြစ်များ

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Juan 14:19

A̧'u̧ku̧nä̧, mo̧ro̧ o'ka'a, täkü pi̧jä̧ ttü̧ja̧mä̧ tottokoku chä̧kua̧sä̧ ja̧'wa̧nü̧ ja̧'a̧nä̧ ukutumä̧ to'kuätukuäkua̧sä̧, jua'amä̧ cha̧'kua̧ra̧'a̧ttü̧ ja̧'wa̧ta̧nü̧ ukutu'i̧nä̧ kua̧'kua̧rä̧kuo̧tü̧jä̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 5:21

Isopäi'ünä̧ Jä'omä̧ wa'inä̧tü̧rü̧ tto'ädü, tta̧'kua̧rü̧ iyüta'anü̧; I̧tti̧'i̧nä̧ tta̧'kua̧rü̧ iya pä̧u̧ru̧mä̧ iyü.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Juan 5:40

Ja̧'wa̧nü̧ ja̧'a̧nä̧ ukutumä̧, ttüku kuicha pä'okotüjä̧ kkä̧kuä̧wä̧ ku̧ju̧nä̧rä̧tu̧kua̧ pä'ümä̧.

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

Romanos 6:11

Ukutu'i̧nä̧ ja̧'wa̧ta̧nü̧ amükuädü kka̧kuä̧tu̧kui̧, ukuotäkuäwokü surojümä̧ wa'ü ikuinü̧ jü̧nä̧tä̧, jitä ku̧ja̧kuä̧tu̧ku̧mä̧ Dio eseunü̧tä̧ kka̧kuä̧tu̧kui̧ Crito Jesú-nä̧.

Romanos 6:2

¡Isokü̧, ja̧'wa̧nü̧mä̧kü̧! ujutumä̧, isopäi'ünä̧ surojünä̧ jȩti̧nü̧mä̧ wa'ü ikuinä̧tü̧jä̧; ja̧'wa̧nü̧ ja̧'a̧ttü̧ surojümä̧ jȩpü̧ kka̧kuo̧ko̧tü̧jä̧.

Romanos 8:2

Isopäi'ünä̧ Epíritu weäwä wȩnȩ, Crito Jesú-nä̧ tta̧'kua̧rü̧ iyümä̧, ukuotäkuäwokü weü wȩnȩttü̧'i̧nä̧, wa'arettü'i̧nä̧ rä'epü ikuinä̧ku̧sä̧.

1 Corintios 15:45

Wȩyu̧kuä̧ wȩnȩ pä'a: «Ä̧kuo̧mȩnä̧ ttü̧ja̧sa̧ Adá̧, a̧'kua̧rü̧ jä̧ji̧mä̧ ttü̧ja̧sa̧tä̧ pä'i'inü̧»; rüjinä̧ Adá̧-mä̧, epíritu wa̧ päjimä̧ tta̧'kua̧rü̧ iyäwä i̧sa̧ päi'ünä̧tä̧ pä'i'inü̧.

1 Corintios 2:14

Dio i̧sa̧ Epíritu-ru to'ätümä̧, Epíritu jäwämä̧ 'kittünä̧ wotü, juätürümä̧, jua̧u̧mä̧ suräjuä wȩnȩ jü̧nä̧tä̧ ja̧'a̧ttü̧. Ja̧'wa̧nü̧ ja̧'a̧ttü̧ yoriso ttu̧wo̧jui̧pü̧ juiyünä̧tä̧ jä̧u̧, jua'amä̧ Epíritu jäwänä̧tä̧ adiwomȩnä̧ päwä ja̧'a̧ttü̧.

2 Corintios 5:14

Isopäi'ünä̧ Crito eseu repeümä̧, rü̧ȩnä̧ ujuturu 'chu̧ä̧ra̧'a̧, pi̧yȩ tamükuädomȩnä̧: Ujuturu ja̧'a̧tȩ'ü̧mä̧ ya̧tȩtä̧ 'korujuoächina̧'a̧nä̧, jua̧u̧nü̧ o'ka'amä̧ ujutu o'katoi'ünä̧ 'korujuo'ächinä̧tü̧jä̧;

2 Corintios 5:7

Jua'amä̧ ti'ärenä̧ topü ti̧'cho̧ka̧'a̧, tta̧'kua̧ wȩnä̧rä̧kuä̧wä̧nä̧tä̧ ti̧'cha̧'a̧ttü̧;

Gálatas 2:20

Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Efesios 3:9

Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.

Filipenses 4:7

Ja̧'wa̧nü̧ jȩ'kuä̧tu̧kuo̧mȩnä̧, Dio-mä̧ wȩnȩ juiyünä̧ kkä̧kuä̧wä̧ i̧yä̧kuä̧, jua̧u̧mä̧ pi̧jä̧ ttü̧ja̧ jäwättü'i̧nä̧ abonä̧nü̧ jü̧ jäwä; tta̧wä̧rä̧kuȩ kua̧mi̧ iso'kituku'i̧nä̧, kuamükuädätuku'i̧nä̧, Crito Jesú-nä̧tä̧.

Colosenses 1:5

mo̧ro̧jä̧ra̧'a̧ttü̧ ukuturu i̧yä̧wi̧'ä̧kuȩ tta̧kuä̧rä̧tu̧kua̧'a̧ttü̧. Jua̧u̧ ta̧kuä̧rä̧tu̧ku̧mä̧ ä̧ju̧kui̧nä̧tü̧jä̧ jueünä̧ jareü wȩnȩnä̧, Evangelio pä'ü mikunä̧,

Colosenses 2:20

Täkü Crito-ku, ü̧jo̧kä̧nü̧ jäinä̧ ji̧nä̧ ji̧yȩtȩnä̧ 'korujuo'ächinä̧tü̧jä̧ pi̧jä̧ jäwättümä̧. Ja̧'wa̧nü̧ ja̧'a̧nä̧, ¿tta̧'a̧nü̧ pä'ü, pi̧jä̧ jäwänä̧ kkä̧nü̧ jä̧'i̧nü̧'a̧nü̧ kka̧kuä̧tü̧jä̧ttü̧? Pa̧'a̧nü̧

Colosenses 2:3

O'kajuiyünä̧ jua̧u̧nä̧tä̧ kka̧'a̧ wo̧juä̧wä̧ wȩnȩ'i̧nä̧ ja̧'wa̧ta̧nü̧ ttu̧ȩpä̧rä̧kuä̧wä̧ wȩnȩ'i̧nä̧ jü̧nä̧.

Colosenses 3:4

Kua̧'kua̧rä̧tu̧kuä̧ku̧, Crito ichomȩnä̧mä̧. Jua̧u̧tä̧ku̧ ukutu'i̧nä̧ kui̧jȩkuä̧chä̧kuo̧tü̧jä̧, uruwo jäwänä̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

1 Pedro 3:4

ja̧'wa̧nü̧ ja̧jü̧ jueimä̧ kua̧mi̧'iso'ki jakuänä̧ttü̧, üadiwä toe'ächokü tta̧'kua̧rü̧ esewa'anä̧ unichä̧rü̧ kkä̧kuä̧wä̧ ja̧'a̧. Pi̧yȩ üadiwämä̧ Dio ä'kattümä̧ rü̧ȩnä̧ mikuäu.

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

1 Juan 3:2

Chawaruwä chi̧jä̧wa̧tü̧, täkü jitämä̧ Dio i̧tti̧mü̧jä̧ ja̧'wa̧nü̧ ja̧'a̧nä̧, ji̧nä̧ yodoji tä̧kuȩmä̧ wokotüjä̧, Jesucrito ichomȩnä̧mä̧ chutä jü̧ta̧'a̧nü̧ täkuotüjä̧, jua'amä̧ churutä tota'attü̧.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.