Apocalipsis 9:17 - Nuevo Testamento Uwotjüja

¹⁷ Ja̧'wa̧ta̧nü̧ topinü̧sä̧, cabayu-tü̧nä̧ wȩjä̧tü̧ tta̧mü̧kanä̧mä̧ kuoräu tuwuö rü̧nä̧ri̧nä̧tü̧ okurä 'kua̧rü̧nä̧, zafiro pättü jä̧'i̧nü̧'a̧nü̧ ja̧'tu̧wi̧na̧'a̧ ja̧'wa̧ta̧nü̧ amarillo-nü̧ ji̧na̧'a̧ azufre jä̧'i̧nü̧'a̧nü̧. Cabayu̧-tü̧ ttumä̧ jojochäyu u jä̧'i̧nü̧'a̧nü̧ winä̧tü̧ ja̧'wa̧ta̧nü̧ ttättümä̧ räopina̧'a̧ okurä'i̧nä̧, okurä isoppa'i̧nä̧, azufre pättü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹⁷ 'Cuo̧ti̧nä̧ pa̧'a̧nö̧ topinösä ca̧ba̧llo̧stö̧rö̧'i̧nä̧, ca̧ba̧llo̧stö̧nä̧ huä̧mä̧di̧nä̧tö̧rö̧'i̧nä̧. Jahuätömä tta̧mö̧ca̧nä̧ tto̧ȩcuä̧ra̧'a̧ koro tu'inä, ja̧'tu̧'i̧nä̧, tu'unänö'inä tuhuecua'a ru̧nä̧ri̧nä̧tö̧. Ca̧ba̧llo̧stö̧mä̧, ttumä yähui u jä̧'i̧nö̧'a̧nö̧ hui̧nä̧tö̧. Ttättö räopina'a ocurä'inä, isoppa'inä, koro juäi azufre pättö juäi'inä.

Apocalipsis 9:17 ပူးပေါင်းရင်းမြစ်များ

Apocalipsis 11:5

Ja̧'wa̧nü̧ ja̧'a̧ttü̧, juätürü ya̧tȩ suronä̧ jȩa̧ päüttümä̧, juätümä̧ ttänä̧ okurä kuoäkuäu̧, kuo'ü ttikunä̧ ttaboiyotürümä̧, 'koru pätti'ünä̧'i̧nä̧, jü̧nä̧tä̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 21:20

ji̧mü̧tȩ jäwä isä'kamä̧, ónice pättüttü adikuina̧'a̧; kko̧ro̧mü̧ttü̧nü̧ ya'ute isä'kamä̧, rubí pättüttü adikuina̧'a̧; kko̧ro̧mü̧ttü̧nü̧ todäre isä'kamä̧, crisólito pättüttü adikuina̧'a̧; kko̧ro̧mü̧ttü̧nü̧ wäbodäkuä isä'kamä̧, berilo pättüttü adikuina̧'a̧; kko̧ro̧mü̧ttü̧nü̧ pa̧ja̧kuä̧nü̧ isä'kamä̧, topacios pättüttü adikuina̧'a̧; to̧mü̧rȩ jäwä isä'kamä̧, crisoprasa pättüttü adikuina̧'a̧; ttü̧jä̧pü̧ttü̧ ya'ute jäwä isä'kamä̧, jacinto pättüttü adikuina̧'a̧; ja̧'wa̧ta̧nü̧ ttü̧jä̧pü̧ttü̧ todäre jäwä isä'kamä̧, amatista pättüttü adikuina̧'a̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.

Apocalipsis 9:9

Jättäpäyotü kuoräutä 'ka̧tä̧wi̧nä̧tü̧ ja̧'wa̧ta̧nü̧ ttujuabiyämä̧ rä̧mi̧pi̧na̧'a̧ cabayu-tü̧ kurä ttürowäwa pä'ü karukiyä joa'a jä̧'i̧nü̧'a̧nü̧.