Apocalipsis 9:15 - Nuevo Testamento Uwotjüja

¹⁵ Ja̧'wa̧nü̧ ja̧'a̧ttü̧, juätü pa̧ja̧kuä̧nü̧ A̧gȩrȩ-mä̧ ejädü ikuinä̧u̧, pi̧jä̧nä̧ kka̧kuä̧tü̧ ttü̧ja̧rü̧ o'katoi'ünä̧ päi'a pä'ümä̧ a̧'u̧ku̧nä̧tä̧ juiyünä̧ päi'ünä̧ kuä'äu ttikua pä'ü. Jua'amä̧, ä̧tȩkuä̧nä̧ jua̧u̧ hora päi'omȩnä̧, mo̧ro̧ päi'omȩnä̧, kkä̧wa̧ päi'omȩnä̧ ja̧'wa̧ta̧nü̧ año päi'omȩnä̧ pätetü u̧ju̧ni̧nä̧u̧ ji̧na̧'a̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ päomenä, jitöja pa̧ja̧cuä̧nö̧ ángelesrö ejädö icuinö, pi̧jä̧ ttö̧ja̧rö̧ ju'tomecutä cuä'ö tticua pä'ö. Jahuätö ángeles ja̧u̧nu̧ pä̧nä̧ tta̧ttä̧ra̧ pä'ö hue'ähuotö pi̧nä̧tö̧.

Apocalipsis 9:15 ပူးပေါင်းရင်းမြစ်များ

Apocalipsis 20:7

Mil años jo̧mȩnä̧, jo̧mȩnü̧ päi'omȩnä̧, Satanás-mä̧ pä'äjita'anü̧ kärenä̧ ü̧'o̧mȩttü̧mä̧ rä'epü i̧kuä̧wä̧kua̧,

Apocalipsis 8:10

Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.

Apocalipsis 8:7

Ä̧kuo̧mȩnä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ajiya jamara ttawäwina̧'a̧, okurä'i̧nä̧, ttukuojaku wiwaunä̧. Pi̧jä̧ o'kajuiyünä̧ dauwiyä'i̧nä̧, isä'kua'i̧nä̧ jo̧mȩnü̧ kuo'ü ikua pä'ümä̧ a̧'u̧ku̧nä̧tä̧ juiyächi'ünä̧ päi'ünä̧.

Apocalipsis 8:8

Ja̧'wa̧ta̧nü̧ juȩnȩ o'komȩnä̧ á̧gȩ trompeta ppüomȩnä̧, rü̧ä̧ duborara̧'a̧ku̧ mü̧ä̧'ka 'kua̧rü̧nä̧ okurä rü̧a̧rä kuoa'a juiächina̧'a̧; rü̧ä̧ dubora jättäjora päi'a pä'ümä̧ a̧'u̧ku̧nä̧tä̧ juiyina̧'a̧ ttukuojamä̧.

Apocalipsis 8:9

Ja̧'wa̧nü̧ päi'omȩnä̧ rü̧ä̧ duboranä̧ kka̧kuä̧tü̧ a̧'kua̧rä̧tü̧'i̧nä̧, woi'kiyuttü'i̧nä̧ o'kajuiyünä̧ toe'ächa pä'ümä̧, a̧'u̧ku̧nä̧tä̧ kki̧'i̧na̧'a̧.

Apocalipsis 9:10

Ttiwiribiyunä̧mä̧ i̧sa̧ri̧ kku̧nä̧ri̧nä̧tü̧, idiyu jä̧'i̧nü̧'a̧nü̧, ttü̧ja̧rü̧ rarapü surojuottȩpä̧kuȩmä̧ ji̧mü̧tȩ jäwä kkä̧wa̧ jo̧mȩnä̧.

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.

Apocalipsis 9:5

Ja̧'wa̧nü̧ ja̧'a̧nä̧ ttujuru iyäwi'inä̧u̧, kuä'äu ttikuoka'atä, suro usurä ttȩmä̧u̧nä̧tä̧ ji̧mü̧tȩ kkä̧wa̧ jo̧mȩnä̧ jȩtta̧tü̧ pä'ü.