Apocalipsis 8:8 - Nuevo Testamento Uwotjüja

⁸ Ja̧'wa̧ta̧nü̧ juȩnȩ o'komȩnä̧ á̧gȩ trompeta ppüomȩnä̧, rü̧ä̧ duborara̧'a̧ku̧ mü̧ä̧'ka 'kua̧rü̧nä̧ okurä rü̧a̧rä kuoa'a juiächina̧'a̧; rü̧ä̧ dubora jättäjora päi'a pä'ümä̧ a̧'u̧ku̧nä̧tä̧ juiyina̧'a̧ ttukuojamä̧.

TÄ̧DO Ä̧CUÄ̧ I̧HUȨNȨ

⁸ Ka̧ra̧ ángel, ta̧ju̧ päi'omenä, öäre trompeta ppö'inö. Ppöomenä, koro juäi möä'ca, rö̧ä'ca, ocurä cuoä'ca jä̧'i̧nö̧'a̧nö̧ ma̧i̧na̧'a̧, dubora rö̧oranä. Ja̧'hua̧nö̧ ma̧o̧mȩnä̧, dubora rö̧ora ju'tomecutä ttucuoja päi'önä juoächina'a.

Apocalipsis 8:8 ပူးပေါင်းရင်းမြစ်များ

San Marcos 11:23

Isopäi'ünä̧ ukuturu pä'üsä, ya̧tȩ pi'ka mü̧ä̧'ka pätetü: ¡Juorü pporächi'ü rü̧ä̧ duboranä̧ ma̧'ä̧chi̧! päüttümä̧, päüta'anü̧ 'kuäopäkua'a, üdüdüwoka'a a̧'kua̧ wȩnä̧rü̧ päomȩnä̧mä̧.

Apocalipsis 11:6

Pitümä̧ ttujuru kku̧nä̧rä̧tü̧, mo̧ro̧jä̧ttü̧ ajiya ichü juiyünä̧ jȩtta̧ pä'ü'i̧nä̧, jü̧nä̧, jittäu mo̧ro̧mä̧; ja̧'wa̧ta̧nü̧ ajewiyänä̧'i̧nä̧ ttujuru kku̧nä̧rä̧tü̧, ttukuojatä päi'ünä̧ jȩtta̧ pä'ümä̧. Ja̧'wa̧ta̧nü̧ pi̧jä̧nä̧ttü̧ surojünä̧ jȩtta̧ pä'ü'i̧nä̧, ttujuru kku̧nä̧rä̧tü̧, jȩttü̧nä̧tä̧ pä̧wä̧rü̧jo̧mȩnä̧mä̧.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Apocalipsis 8:7

Ä̧kuo̧mȩnä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ajiya jamara ttawäwina̧'a̧, okurä'i̧nä̧, ttukuojaku wiwaunä̧. Pi̧jä̧ o'kajuiyünä̧ dauwiyä'i̧nä̧, isä'kua'i̧nä̧ jo̧mȩnü̧ kuo'ü ikua pä'ümä̧ a̧'u̧ku̧nä̧tä̧ juiyächi'ünä̧ päi'ünä̧.

Apocalipsis 9:15

Ja̧'wa̧nü̧ ja̧'a̧ttü̧, juätü pa̧ja̧kuä̧nü̧ A̧gȩrȩ-mä̧ ejädü ikuinä̧u̧, pi̧jä̧nä̧ kka̧kuä̧tü̧ ttü̧ja̧rü̧ o'katoi'ünä̧ päi'a pä'ümä̧ a̧'u̧ku̧nä̧tä̧ juiyünä̧ päi'ünä̧ kuä'äu ttikua pä'ü. Jua'amä̧, ä̧tȩkuä̧nä̧ jua̧u̧ hora päi'omȩnä̧, mo̧ro̧ päi'omȩnä̧, kkä̧wa̧ päi'omȩnä̧ ja̧'wa̧ta̧nü̧ año päi'omȩnä̧ pätetü u̧ju̧ni̧nä̧u̧ ji̧na̧'a̧.

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.