Apocalipsis 8:10 - Nuevo Testamento Uwotjüja

¹⁰ Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.

TÄ̧DO Ä̧CUÄ̧ I̧HUȨNȨ

¹⁰ Ka̧ra̧ ángel, huämetucuä päi'önä, öäre trompeta ppö'inö. Ppöomenä, ya̧tȩ siri'comä, koro juäi lámpara cuo̧ä̧ra̧ ma̧'a̧ jä̧'i̧nö̧'a̧nö̧, mo̧ro̧jä̧ra̧'a̧ttö̧ ma̧i̧na̧'a̧. Ajehuiyänä'inä, aje i̧sä̧ri̧yä̧nä̧'i̧nä̧ ju'tomecutä ma̧i̧na̧'a̧.

Apocalipsis 8:10 ပူးပေါင်းရင်းမြစ်များ

San Mateo 25:1

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

San Lucas 10:18

Pättiyäku, Jesú-mä̧ päinä̧u̧: —Ttümä̧ topinü̧sä̧, Satanás-rü̧, ku'upä ürowa'a jä̧'i̧nü̧'a̧nü̧, mo̧ro̧jä̧ra̧'a̧ttü̧ ma̧'ä̧chü̧ juiächa'a.

Judas 1:13

Juätümä̧ rowäkuäwätä kkä̧u̧. Suronä̧ jȩttü̧mä̧ o'katoi'ünä̧ to̧ttä̧u̧, rü̧ä̧ aje ppawa'a jä̧'i̧nü̧'a̧nü̧ wotü. Si̧ri̧'kü̧ re'tewächätü jä̧'i̧nü̧'a̧nü̧, rü̧ȩnä̧ yo̧mȩtä̧ 'kuäopünä̧ kue'ächü kka̧kuä̧tü̧.

Apocalipsis 1:20

Ku̧wo̧jui̧pü̧ juiyünä̧ jä̧ji̧, chu̧wo̧jua̧'a̧ku̧nä̧ 'chu̧dä̧rä̧jä̧u̧ kko̧ro̧mü̧ttü̧nü̧ ta̧ju̧ si̧ri̧'ko̧tü̧ päjätümä̧; kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä oro okä jä̧ji̧'i̧nä̧ jü̧nä̧mä̧, pi̧yȩ ja̧'a̧: Kko̧ro̧mü̧ttü̧nü̧ ta̧ju̧ si̧ri̧'kü̧ päjätümä̧, kko̧ro̧mü̧ttü̧nü̧ todäre igresia-ttü á̧gȩrȩ-rü päteta'a; ja̧'wa̧ta̧nü̧ kko̧ro̧mü̧ttü̧nü̧ tokäre tȩya̧u̧ kku̧nä̧wä̧ okä jä̧ji̧mä̧, kko̧ro̧mü̧ttü̧nü̧ todäre igresia-rü päteta'a.

Apocalipsis 12:4

Jua̧u̧ iwiribünä̧ iwi'kuo'ächomȩnä̧ mo̧ro̧jä̧nä̧ttü̧ si̧ri̧'kü̧mä̧ rekuätü juatächi'ü, pi̧jä̧ra̧'a̧ku̧ ma̧'ä̧mi̧nä̧tü̧. Ja̧'wa̧nü̧ ja̧'a̧ dragó̧ pättäkumä̧, isaju kkä'ka jo̧mȩ kkä̧mä̧di̧nü̧, o'kaju juojomȩnä̧, ji̧'chi̧cha̧wa̧rü̧ ukui'a pä'ü.

Apocalipsis 14:7

Jua̧u̧mä̧, pä̧i̧ku̧nä̧ wopinü̧: «Dio-rü ukuotü eseäkuäwätukui, isopäi'ünä̧ pi̧jä̧ ttü̧ja̧rü̧ pojopü ro̧'ȩpü̧ hora-mä̧ rȩbȩä̧kuä̧wa̧'a̧. Ja̧'wa̧ta̧nü̧ kuiwe'kiyutukunä̧ pȩjä̧mü̧ eseäkuäwätukui mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧ ja̧'wa̧ta̧nü̧ ajewiyä kkada'ka'i̧nä̧ aditinü̧rü̧.»

Apocalipsis 16:4

Ja̧'wa̧ta̧nü̧ wäbodäkuänä̧ päi'ünä̧ wa̧ á̧gȩ üäre copa i̧so̧'ta̧ ajewiyänä̧'i̧nä̧, ajewiyä räopomȩ'i̧nä̧ to'inü̧; ja̧'wa̧nü̧ toomȩnä̧ ajiyamä̧ ttukuojatä pärowächi'ina̧'a̧.

Apocalipsis 6:13

Ja̧'wa̧ta̧nü̧ mo̧ro̧jä̧ si̧ri̧'kü̧mä̧ pi̧jä̧ra̧'a̧ku̧ ma̧'ä̧chi̧nä̧tü̧, higuera pättü dauttü, rü̧ȩnä̧ kkä̧rü̧'ko̧wo̧mȩnä̧ u̧wä̧ju̧ ttawäwächa'a jä̧'i̧nü̧'a̧nü̧.

Apocalipsis 8:7

Ä̧kuo̧mȩnä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ajiya jamara ttawäwina̧'a̧, okurä'i̧nä̧, ttukuojaku wiwaunä̧. Pi̧jä̧ o'kajuiyünä̧ dauwiyä'i̧nä̧, isä'kua'i̧nä̧ jo̧mȩnü̧ kuo'ü ikua pä'ümä̧ a̧'u̧ku̧nä̧tä̧ juiyächi'ünä̧ päi'ünä̧.

Apocalipsis 9:1

Ji̧mü̧tȩ jäwä i̧sa̧ á̧gȩ üäre trompeta ppüomȩnä̧, mo̧ro̧jä̧ra̧'a̧ttü̧ pi̧jä̧ra̧'a̧ku̧ ma̧'ä̧ji̧ siri'korü topinü̧sä̧; jua̧u̧ru̧, dȩa̧'a̧ku̧ 'kuȩya̧ppa̧ jäjú rejú llawi iyäwi'ina̧'a̧.

Apocalipsis 9:15

Ja̧'wa̧nü̧ ja̧'a̧ttü̧, juätü pa̧ja̧kuä̧nü̧ A̧gȩrȩ-mä̧ ejädü ikuinä̧u̧, pi̧jä̧nä̧ kka̧kuä̧tü̧ ttü̧ja̧rü̧ o'katoi'ünä̧ päi'a pä'ümä̧ a̧'u̧ku̧nä̧tä̧ juiyünä̧ päi'ünä̧ kuä'äu ttikua pä'ü. Jua'amä̧, ä̧tȩkuä̧nä̧ jua̧u̧ hora päi'omȩnä̧, mo̧ro̧ päi'omȩnä̧, kkä̧wa̧ päi'omȩnä̧ ja̧'wa̧ta̧nü̧ año päi'omȩnä̧ pätetü u̧ju̧ni̧nä̧u̧ ji̧na̧'a̧.

Apocalipsis 9:18

Pi̧jä̧ ttü̧ja̧mä̧, o'katoi'ünä̧ päi'a pä'ümä̧ a̧'u̧ku̧nä̧tä̧ toünä̧ jo̧mȩnä̧ to'e'inä̧tü̧ jua̧u̧ okurättümä̧, jua̧u̧ okurä isoppattümä̧ ja̧'wa̧ta̧nü̧ jua̧u̧ azufre pättüttümä̧.