Apocalipsis 7:4 - Nuevo Testamento Uwotjüja

⁴ Ja̧'wa̧nü̧ ja̧'a̧ sello ttütinä̧u̧mä̧: ciento cuarenta y cuatro mil-nü̧ jo̧mȩnä̧ ji̧na̧'a̧, Irae ttü̧ja̧ttü̧ o'katoi'ünä̧mä̧:

TÄ̧DO Ä̧CUÄ̧ I̧HUȨNȨ

⁴ Ja̧u̧nu̧mä̧ Dios huoinä̧u̧ru̧ pa̧'a̧nö̧ ä̧ju̧cui̧nö̧sä̧. Israel ttö̧ja̧ttö̧ ciento cuarenta y cuatro mil jo̧mȩnä̧ Dios huoinä̧u̧ pi̧nä̧tö̧.

Apocalipsis 7:4 ပူးပေါင်းရင်းမြစ်များ

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

San Lucas 14:22

Ja̧'wa̧nü̧ jä̧ji̧ o'ka'a, ru̧wa̧ u̧mü̧wä̧ya̧mä̧ pä'inü̧: Chu̧ru̧wa̧ wekuäjimä̧ o'kajuiyünä̧ jȩchä̧ja̧'a̧nä̧, ji̧nä̧ pä̧kuä̧wä̧mä̧ kki̧'ä̧ja̧'a̧.

San Lucas 22:30

Ttüku chiäre mesa-nä̧ pä̧mä̧dü̧ au, ku̧kuȩ kukuätukua pä'ü. Ja̧'wa̧ta̧nü̧ Irae ttü̧ja̧ doce-nü̧ wotürü wekuätukua pä'ü, Ttü Ru̧wa̧ jü̧nä̧ wedomȩttü̧.»

Hechos 26:7

Ujutu tü̧tä̧mü̧mi̧nä̧ttü̧ doce-nü̧ wotü judío-mä̧, juätürü iya päinü̧ tta̧'ä̧rü̧mä̧ Dio ü̧rü̧ä̧ eseäkuäwätü, mo̧ro̧'i̧nä̧, yodo'i̧nä̧, jü̧nä̧. Ja̧'wa̧nü̧ jȩcho̧mȩttü̧ judío-mä̧ kuä'ü ttikuattü pättäkusä, ru̧wa̧ rey Agripa.

Romanos 9:27

Ja̧'wa̧ta̧nü̧, Irae ttü̧ja̧ ttütü'kü, Isaía-mä̧ pä'inü̧: «Irae ttü̧ja̧ tti̧tti̧mü̧mä̧ rü̧ä̧dubora rȩba̧ jä̧'i̧nü̧'a̧nü̧ ttirekua'anä̧, juätüttümä̧ a̧'u̧kuo̧tü̧tä̧ jä̧kua̧'a̧ ra̧wä̧pi̧jü̧ttü̧mä̧ ttü̧ja̧kui̧'ä̧kuo̧tü̧.

Santiago 1:1

Dio'i̧nä̧ tu̧ru̧wa̧ Jesucrito'i̧nä̧ ttu̧mü̧wä̧ya̧, Sa̧ti̧a̧ku̧mä̧, Irae ttü̧ja̧ ttü̧jä̧pü̧ttü̧ ta̧ju̧nü̧ wotü tti̧tti̧mü̧ ruwäkuiyä pa̧ja̧ku̧nä̧ pperekuächinä̧tü̧rü̧ te'äusä.

Apocalipsis 14:1

Jua̧u̧nü̧ o'ka'a topinü̧sä̧ oweja mü̧ä̧ya̧ jü̧nä̧ wa̧rü̧, Sión mü̧ä̧'ka wä̧mȩ ü̧ja̧'a̧. Jua̧u̧ku̧mä̧ ttü̧ja̧kua̧'a̧ topinü̧sä̧, ciento cuarenta y cuatro mil jo̧mȩnä̧ ttü̧ja̧rü̧, tti'änä̧ oweja mü̧ä̧ya̧ wa̧ i̧mi̧'i̧nä̧, Jä'o i̧mi̧'i̧nä̧ wȩyu̧kua̧'a̧ rü̧tä̧rä̧tü̧rü̧.

Apocalipsis 14:3

Juätümä̧ jareü ji̧yȩtȩ ra̧'i̧nä̧tü̧, ruwo dȩä̧kä̧ ä'ka jo̧mȩttü̧ ja̧'wa̧ta̧nü̧, pa̧ja̧kuä̧nü̧ wotü a̧'kua̧rä̧tü̧ ttä'kattü'i̧nä̧ ja̧'wa̧ta̧nü̧ A̧ci̧a̧nu̧tu̧ ttä'kattü'i̧nä̧, jü̧nä̧. Jua̧u̧ ra̧ttü̧mä̧ ya̧tȩ'i̧nä̧ ttu̧wo̧jui̧pü̧ juiyünä̧ ji̧na̧'a̧, suro ciento cuarenta y cuatro mil jo̧mȩnä̧ wotü, pi̧jä̧ra̧'a̧ttü̧ surojüttü kka̧kui̧pi̧nä̧tü̧tä̧ wo̧jui̧nä̧tü̧ jua̧u̧mä̧.

Apocalipsis 7:5

Judá i̧tti̧mü̧ttü̧mä̧, doce mil-nü̧ jo̧mȩnä̧ sello rütäwi'inä̧u̧; Ruwȩ́ i̧tti̧mü̧ttü̧mä̧, doce mil-nü̧ jo̧mȩnä̧ sello rütäwi'inä̧u̧; Gad i̧tti̧mü̧ttü̧mä̧ doce mil-nü̧ jo̧mȩnä̧ sello rütäwi'inä̧u̧,

Apocalipsis 9:16

Ja̧'wa̧ta̧nü̧ ä̧ju̧kui̧nü̧sä̧, cabayu-tü̧nä̧ wä̧nü̧ kurä rowäwätümä̧ dosciento millones jo̧mȩnä̧ ji̧na̧'a̧ su̧ro̧do̧u̧mä̧.