Apocalipsis 7:3 - Nuevo Testamento Uwotjüja

³ «¡Mä̧kuä̧tó, rȩjȩra̧'a̧mä̧, rü̧ä̧ duborara'amä̧ ja̧'wa̧ta̧nü̧ dauwiyämä̧ surojuokuepätukuä, ji̧nä̧ Tü̧ä̧nä̧wa̧ Dio umüwäyotürü ttü'änä̧ sello pättü tütä'chü juiyäimä̧!»

TÄ̧DO Ä̧CUÄ̧ I̧HUȨNȨ

³ —Tä̧do̧ ä̧cua̧ Dios umöhuäyotörö ttö'änä sello tatome jubö päi'önä, suronä jȩcu̧'ä̧tu̧cuä̧' pi̧jä̧nä̧'i̧nä̧, dubora rö̧oranä'inä, dauhuiyänä'inä.

Apocalipsis 7:3 ပူးပေါင်းရင်းမြစ်များ

San Mateo 24:22

Ja̧'wa̧nü̧ ja̧'a̧nä̧, ja̧'wa̧nü̧ jä̧kuȩ mo̧ro̧ Dio be'ädü iku juiyüttümä̧, ya̧tȩ'i̧nä̧ surojüttümä̧ ü̧ji̧pü̧ juiya'anü̧ ja̧'a̧; ja̧'wa̧nü̧ ji̧yä̧ku̧ jua̧u̧ mo̧ro̧mä̧ ȩmi̧nä̧u̧ru̧ rettü be'ädü i̧kuä̧kua̧.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

San Juan 12:26

Ya̧tȩ ttü wedü jȩpü̧mä̧, cho'ka'anä̧ ichi; jua̧u̧mä̧ ttü chi̧'cho̧mȩmä̧ i̧'chä̧kua̧. Ttü wedü jȩpü̧rü̧mä̧, Chä'o'i̧nä̧ esewä̧kua̧.

San Juan 3:33

Ja̧'wa̧nü̧ ja̧'a̧nä̧, ya̧tȩ Jua̧u̧ru̧ esetümä̧, Dio-mä̧ Jueü wȩnȩ ja̧'a̧ pä'ü wo̧jui̧'ü̧.

Romanos 6:22

Ja̧'wa̧nü̧ ji̧na̧'a̧nä̧, jitämä̧ surojüttü rä'epü ikuinü̧ o̧'ko̧u̧mä̧, Dio-ku dodepinä̧tü̧jä̧ umüwäyotü kuätukua pä'ü. Ja̧'wa̧nü̧ ja̧'a̧ jua̧u̧ u̧wä̧ju̧mä̧ surojü juiyünä̧ kkä̧nü̧, päjuriyänä̧mä̧, kkä̧kuä̧wä̧ i'ko ȩmä̧wä̧ ja̧'a̧.

Apocalipsis 13:16

We'inü̧ o'katoi'ünä̧rü̧, ppo̧'ä̧tü̧rü̧'i̧nä̧, tä̧mü̧rü̧'i̧nä̧, ruwotürü'i̧nä̧, usurä isotürü'i̧nä̧, ttumüwäyotürü'i̧nä̧, ttu̧wo̧juȩtä̧u̧ pokotürü'i̧nä̧, ttu̧wo̧jua̧'a̧ku̧ i̧sä̧mü̧ ttu̧mü̧nä̧ ja̧'wa̧nü̧ jü̧ juiyüttü'i̧nä̧ tti'änä̧ kkorojuei wȩyu̧ku̧ ttütä'chatü pä'ü.

Apocalipsis 13:17

Jua̧u̧ i̧sa̧ büó betia i̧mi̧'i̧nä̧, iäre número'i̧nä̧ jui̧'a̧ rütäwokürümä̧, mikuä pä'ü iya pä'ü'i̧nä̧, mitü'i̧nä̧ ȩmü̧ juiyünä̧tä̧ jȩpü̧ we'ü kku̧ni̧nü̧.

Apocalipsis 14:1

Jua̧u̧nü̧ o'ka'a topinü̧sä̧ oweja mü̧ä̧ya̧ jü̧nä̧ wa̧rü̧, Sión mü̧ä̧'ka wä̧mȩ ü̧ja̧'a̧. Jua̧u̧ku̧mä̧ ttü̧ja̧kua̧'a̧ topinü̧sä̧, ciento cuarenta y cuatro mil jo̧mȩnä̧ ttü̧ja̧rü̧, tti'änä̧ oweja mü̧ä̧ya̧ wa̧ i̧mi̧'i̧nä̧, Jä'o i̧mi̧'i̧nä̧ wȩyu̧kua̧'a̧ rü̧tä̧rä̧tü̧rü̧.

Apocalipsis 14:9

Juȩnȩ o'komȩnä̧ kka̧ra̧, wäbodäkuä á̧gȩ, pä̧i̧ku̧nä̧ wopinü̧: «Ya̧tȩ, i̧sa̧ büó betia pättäkuru ja̧'wa̧ta̧nü̧ jua̧u̧ a̧'u̧kuä̧ adikuä'karü iwe'kiyunä̧ pä̧mä̧dü̧ eseuttümä̧ ja̧'wa̧ta̧nü̧ u̧mü̧nä̧'i̧nä̧, unä̧'i̧nä̧ ttütünä̧ iyäkuäuttumä̧,

Apocalipsis 19:2

Isopäi'ünä̧ Jua̧u̧ adiwomȩnä̧ jȩü̧mä̧, jueünä̧tä̧, isopäi'ünä̧tä̧ ja̧'a̧; isopäi'ünä̧ kkidepä iyä'chäkuäu jȩpä̧'i̧jä̧ju̧, isaju büarümä̧ pi̧jä̧ ttü̧ja̧rü̧ surojuo'epinä̧ju̧ru̧mä̧; Dio umüwäyotü wa'ü ttikuinü̧ mikuäwächünä̧, juäjuru ro̧'ȩpä̧ji̧ Dio-mä̧.»

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

Apocalipsis 22:4

Pä̧tȩkuä̧kuä̧wä̧nü̧ tottäkuäwäkuotü ja̧'wa̧ta̧nü̧ ti'änä̧mä̧ i̧mi̧tä̧ ttü̧tä̧rä̧kuo̧tü̧.

Apocalipsis 6:6

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ ttü̧'kä̧tȩttü̧ rä̧mi̧pa̧'a̧ ä̧ju̧kui̧nü̧sä̧: «suro, trigo-mä̧ ji̧yȩtȩ kiru-tä pa̧ja̧kuä̧chä̧kua̧'a̧, ya'ute mo̧ro̧ mikuämä̧ ja̧'wa̧ta̧nü̧ wäbodäkuä kiru-tä pa̧ja̧kuä̧chä̧kua̧'a̧ cebada-mä̧, ya'ute mo̧ro̧ mikuämä̧; ja̧'wa̧nü̧ ja̧'a̧nä̧ aceite mikuä'i̧nä̧, vino mikuä'i̧nä̧ jua'a yabonü̧mä̧ 'chakuädätukuä.»

Apocalipsis 7:1

Jua̧u̧ topäji̧'ka̧, pa̧ja̧kuä̧nü̧ wotü á̧gȩrȩ-rü, ruwäkuiyä pa̧ja̧kuä̧chü̧nä̧ kkä̧rü̧'koppiyumä̧ pa̧ja̧kuä̧nü̧ jo̧mȩnä̧ 'chu̧'ä̧rü̧ ttü̧ja̧kua̧'a̧ topinü̧sä̧, pi̧jä̧ra̧'a̧ku̧'i̧nä̧, rü̧ä̧ duboranä̧'i̧nä̧, dauwiyänä̧'i̧nä̧ kkä̧rü̧'koppa ppü'ü iku juiyünä̧.

Apocalipsis 7:2

Ja̧'wa̧ta̧nü̧ kka̧ra̧ á̧gȩ-rü̧, kkä̧wa̧ räopa'akuttü, kkü̧ Dio üäre sello pättü pȩjä̧ku̧ icha'a topinü̧sä̧; Jua̧u̧mä̧ kkorotü pa̧ja̧kuä̧nü̧ wotü á̧gȩrȩ-rü pä̧i̧ku̧nä̧ wopinü̧, pi̧jä̧nä̧'i̧nä̧, rü̧ä̧ duboranä̧'i̧nä̧ surojuottepa pä'ü ttujuru i̧yä̧wi̧'i̧nä̧u̧ru̧:

Apocalipsis 9:4

Juätürü weäwi'ina̧'a̧ pi̧jä̧nä̧ttü̧ isä'kua'i̧nä̧, ja̧'tu̧wü̧'i̧nä̧, dauwiyä'i̧nä̧ surojuottepü juiya pä'ü. Ja̧'wa̧nü̧ ja̧'a̧nä̧ Dio üäre sello tti'änä̧ jui'ätürü surojuottepa pä'ü weäwi̧'i̧nä̧u̧.