Apocalipsis 6:2 - Nuevo Testamento Uwotjüja

² Päku, tochomȩnä̧, ya̧tȩ cabayu tȩ'a̧ kki̧nü̧. Jua̧u̧ru̧ wü̧mä̧ 'po'obü 'chu̧'ä̧ri̧nü̧; Jua̧u̧ru̧ iyäwi'ina̧'a̧ corona pättü (u'uttäwä), ja̧'wa̧nü̧ ja̧'a̧ rä'opinü̧ aboiyotürü abo 'kuä'o'äji̧'ka̧, jua'a yabo'i̧nä̧ abo 'kuao'a pä'ü.

TÄ̧DO Ä̧CUÄ̧ I̧HUȨNȨ

² Ja̧'hua̧nö̧ päa'a topinösä. Ya̧tȩ caballo tȩ'a̧rö̧ topinösä. Ja̧'hua̧ta̧nö̧ ja̧u̧ caballorö huä̧mä̧di̧nö̧mä̧, 'po'obö 'chu̧'ä̧ri̧nö̧ u̧mö̧nä̧. Ppöttähuä iyinätö ja̧u̧ru̧. Ja̧u̧mä̧ korotöttö'inä abonänö juruhuinö. Ja̧'hua̧ta̧nö̧ 'cuäopönä ujuruhua pä'ö rä'opinö.

Apocalipsis 6:2 ပူးပေါင်းရင်းမြစ်များ

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

1 Corintios 15:25

Isopäi'ünä̧ Crito-mä̧ uruwomä̧ wȩä̧kua̧ aboiyotü o'katoi'ünä̧rü̧ kkȩdü̧ ikuomȩbü päi'ünä̧;

Apocalipsis 11:15

Kko̧ro̧mü̧ttü̧nü̧ todäre á̧gȩ iäre trompeta ppüomȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pi̧na̧'a̧: «Täkü rȩbȩä̧kuä̧wa̧'a̧, pi̧jä̧nä̧ Tu̧ru̧wa̧ Dio'i̧nä̧, weinä̧ku̧'i̧nä̧ ruwotü jü̧nä̧ wettü mo̧ro̧ ja̧'wa̧nü̧ ja̧'a̧ttü̧ mo̧ro̧ kki̧ä̧mü̧nä̧ wettäkuotü.»

Apocalipsis 11:18

Ukuru esetokotümä̧, rü̧ȩnä̧ tta̧mi̧ sura'a, ja̧'wa̧nü̧ ja̧'a̧nä̧ ji̧yȩ mo̧ro̧ rȩbȩä̧kuä̧wa̧'a̧, pä̧i̧ku̧nä̧, usurä ttȩmä̧u̧nä̧ ro̧kuȩpä̧kuȩ mo̧ro̧, «Jua̧u̧nü̧ mo̧ro̧mä̧, wa'ü ikuinä̧tü̧ o'katoi'ünä̧rü̧ jȩtti̧nü̧ adiu ja̧ pä'ü'i̧nä̧, surojü ja̧ pä'ü'i̧nä̧ pä'ü ku̧ju̧nä̧kua̧jä̧. Profeta winä̧tü̧rü̧, ku̧mü̧wä̧yotürü, ukuotätürü, ruwotürü'i̧nä̧, usurä isotürü'i̧nä̧ adiwä juei kuiyä'chä̧kua̧jä̧. Ja̧'wa̧nü̧ jȩpü̧ pi̧jä̧ rȩjȩ surojuo'epätürü, si'epü kui̧kuä̧kua̧jä̧.»

Apocalipsis 14:14

Ja̧'wa̧ta̧nü̧ ajiya isoppa teoppa topinü̧sä̧, juoppa wä̧mȩ ya̧tȩ ubó I̧tti̧ 'kua̧ra̧ ü̧'a̧'a̧. Unä̧mä̧ wi̧nä̧ku̧ corona pättü, oro-ttü adikuä u'uttäwä ja̧'wa̧ta̧nü̧ u̧mü̧nä̧mä̧ 'chu̧'ä̧ri̧nü̧ hoz pättäkä so̧ä̧kä.

Apocalipsis 15:2

Ja̧'wa̧ta̧nü̧ topinü̧sä̧, rü̧ä̧ dubora i̧sä̧yu̧ jäwä jä̧'i̧nü̧'a̧nü̧ säruwora, okuräku wiwakua'a jä̧'i̧nü̧'a̧nü̧ jora; juora jäyoranä̧ kka̧kui̧nä̧tü̧, i̧sa̧ büó betia-rü abó 'kuä'o'inä̧tü̧, jua̧u̧ i̧mi̧ número ttütatü pä'ü we'äkuäwokotü pinä̧tü̧, ja̧'wa̧ta̧nü̧ a̧'kua̧juä̧ jü̧nä̧ tätäwä'karü'i̧nä̧ ttiwe'kiyunä̧ pȩjä̧mü̧ esewokotü pinä̧tü̧, juätürü Dio-mä̧ arpa pättü iyinä̧u̧ ji̧na̧'a̧.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 19:14

Mo̧ro̧jä̧nä̧ su̧ro̧do̧u̧, o'ka'anä̧ 'chi̧nä̧tü̧, lino pättü adiwäjuei, rü̧ȩnä̧ teü, idikuokü o̧ta̧ 'ka̧tä̧wä̧tü̧, cabayu-tü̧ te'ätü ttu̧wä̧mȩ wȩjü̧.

Apocalipsis 3:21

Surojü abo 'kuä'o'ü iso juo'epürümä̧, ttütäku churuwo dȩä̧kä̧nä̧ ü̧'ä̧mä̧dü̧nä̧ wȩdä̧kua̧sä̧, Ttütä'i̧nä̧ surojü abo 'kuä'o'inü̧'ka̧, Chä'o uruwo dȩä̧kä̧nä̧ chü̧'ä̧mä̧di̧nü̧ta̧'anü̧.

Apocalipsis 9:7

Juätü ji̧ri̧chu̧tu̧mä̧, cabayu-tü̧rü̧ kurä ttürowäwa pä'ü jo̧mȩnü̧ jȩpü̧ kku̧nä̧wo̧tü̧ jä̧'i̧nü̧'a̧nü̧ winä̧tü̧. Ttünä̧mä̧ corona pättü ttu'uttäwä wȩnä̧ri̧nä̧tü̧, oro jäwä; tti'ämä̧ ttü̧ja̧ tti'ä, i'äwinä̧tü̧.