Apocalipsis 6:12 - Nuevo Testamento Uwotjüja

¹² Ja̧'wa̧ta̧nü̧ topinü̧sä̧, oweja mü̧ä̧ya̧ jü̧nä̧ wa̧ kko̧ro̧mü̧ttü̧nü̧ jü̧ sello bawepomȩnä̧, rü̧ȩnä̧ ttü̧ȩpa̧'a̧ttü̧ rȩjȩ pparächi'a'a. Ja̧'wa̧ta̧nü̧ mo̧ro̧ kkä̧wa̧mä̧, wa'ü tti̧kui̧yä̧u̧ ajuäu ttü̧'ka̧tä̧wä̧ta̧ jä̧'i̧nü̧'a̧nü̧ idikuächi'ina̧'a̧; ja̧'wa̧ta̧nü̧ yodó kkä̧wa̧mä̧ ttukuoja jä̧'i̧nü̧'a̧nü̧ jä̧ttä̧pä̧ya̧ pärowächinü̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ Cordero koro ko̧ro̧mö̧ttö̧nö̧ ya'ute sello jȩpö̧ icuomenä, rȩjȩ rö̧ȩnä̧ ttö̧ä̧hua̧'a̧ topinösä. Mo̧ro̧ kä̧hua̧mä̧, korotö hua'ö tticuomenä, ttahuaruhuä ttö̧'ca̧tä̧huä̧ti̧yu̧ idicuä̧ta̧ ttö̧'ca̧tä̧u̧'a̧nö̧ idicuina'a. Yodo kä̧hua̧mä̧ ttö̧ja̧ ttucuoja jä̧'i̧nö̧'a̧nö̧ hui̧nö̧.

Apocalipsis 6:12 ပူးပေါင်းရင်းမြစ်များ

San Mateo 11:21

¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧.

San Mateo 24:29

Usurä ttȩmä̧wä̧ji̧ mo̧ro̧mä̧ beipächi'a'anä̧, yotäku mo̧ro̧ kkä̧wa̧mä̧ na̧wi̧'ä̧kua̧ ja̧'wa̧ta̧nü̧ yodó kkä̧wa̧'i̧nä̧ na̧wi̧'ä̧kua̧'a̧, si̧ri̧'kü̧'i̧nä̧ mo̧ro̧jä̧ttü̧ ttattäwächäkuotü ja̧'wa̧ta̧nü̧ mo̧ro̧jä̧nä̧ttü̧ ujuru'i̧nä̧ ttü̧ȩpä̧kua̧'a̧.

San Mateo 24:7

Ja̧'wa̧nü̧ ja̧'a̧nä̧'i̧nä̧ kko̧ro̧jä̧ ttü̧ja̧mä̧ kko̧ro̧jä̧ ttü̧ja̧ku̧ ttürowäwäkuotü ja̧'wa̧ta̧nü̧ kko̧ro̧jä̧ ruwotümä̧ kko̧ro̧jä̧ ruwotüku ttürowäwäkuotü; ja̧'wa̧ta̧nü̧ ppäi ttuttäkuotü, rȩjȩ'i̧nä̧ tti̧'ȩpü̧ pparächäkua'a, kkara'a pünä̧mä̧.

San Mateo 27:45

Kkä̧wa̧ jueü kkü̧rü̧, pi̧jä̧ o'kajuiyünä̧ yo̧ä̧i̧ja̧'a̧mä̧, ni̧pä̧ro̧mȩ las tres-bü päi'ünä̧, yo̧i̧na̧'a̧.

San Mateo 27:54

Su̧ro̧do̧u̧ ttu̧ru̧wa̧'i̧nä̧ ja̧'wa̧ta̧nü̧ jua̧u̧tä̧ku̧ Jesú-ru to̧pä̧rü̧ tta̧'a̧rü̧ kka̧kuä̧tü̧'i̧nä̧ terremoto pättü juei o'kajuiyünä̧ 'kuäopa'a topü rü̧ȩnä̧ ye'ü pä'inä̧tü̧: —¡Isopäi'ünä̧ pidemä̧ Dio I̧tti̧ jä̧'i̧ja̧'a̧dä̧!

San Mateo 28:2

Ttu̧ni̧chä̧ra̧'a̧nä̧ rȩjȩ ttü̧ȩpa̧'a̧ttü̧, Tu̧ru̧wa̧ wȩ'ä̧wa̧ á̧gȩ mo̧ro̧jä̧ra̧'a̧ttü̧ mȩyȩwi̧'ü̧ inä̧yu wa'are rütäwäju mü̧ȩkuäyu pporädü juäyutä wä̧mȩ pä̧mä̧di̧nü̧.

San Marcos 15:33

Ja̧'wa̧nü̧ ja̧'a̧mä̧, kkä̧wa̧ jueü kkü̧rü̧ päia'a pi̧jä̧ o'kajuiyünä̧ yo̧i̧'i̧na̧'a̧, ni̧pä̧ro̧mȩ las tres-bü päi'ünä̧.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

Apocalipsis 16:18

Ja̧'wa̧nü̧ päi'omȩnä̧ ku'upä rou kkä̧nü̧ kuäwa'attü, ttü̧ja̧ tti̧wȩnȩ rä̧mi̧pa̧'a̧ttü̧, rȩjȩ tti̧ȩpo̧mȩnä̧ pparächina̧'a̧, pi̧jä̧nä̧ ttü̧ja̧ ttü̧jo̧kui̧no̧mȩttü̧ päi'ünä̧ yorisotä 'kuäopokü jä̧'i̧jü̧.

Apocalipsis 16:8

Ja̧'wa̧ta̧nü̧ pa̧ja̧kuä̧nü̧ päi'ünä̧ wa̧ á̧gȩ üäre copa i̧so̧'ta̧, mo̧ro̧ kkä̧wa̧rü̧ to'inü̧; ja̧'wa̧nü̧ toomȩnä̧, mo̧ro̧ kkä̧wa̧mä̧ ujuru iyäwi'inä̧ku̧ ttü̧ja̧rü̧ kkuwü ikua pä'ü.

Apocalipsis 8:12

Ja̧'wa̧ta̧nü̧ pa̧ja̧kuä̧nü̧ päi'ünä̧ á̧gȩ trompeta ppüomȩnä̧, mo̧ro̧ kkä̧wa̧'i̧nä̧, yodó kkä̧wa̧'i̧nä̧ ja̧'wa̧ta̧nü̧ si̧ri̧'kü̧'i̧nä̧, a̧'u̧ku̧nä̧tä̧ ttü̧ji̧pü̧nä̧ surojuoächina̧'a̧. Ja̧'wa̧nü̧ päi'omȩnä̧ na̧wi̧'o̧mȩnä̧, mo̧ro̧'i̧nä̧, yodo'i̧nä̧ a̧'u̧ku̧nä̧tä̧ kka̧kui̧pi̧na̧'a̧ adiumä̧.

Apocalipsis 8:5

Ja̧'wa̧nü̧ ja̧'a̧ á̧gȩ-mä̧ incienso pättü a̧mȩu̧ ȩko̧'ta̧ ȩmo̧po̧'ü̧, altar wä̧mȩttü̧ okurä isäsa ȩni̧nü̧ su̧'pȩ päi'ünä̧, ȩnä̧ji̧'ka̧ rȩjȩra̧'a̧ do'opü ikuomȩnä̧; dina̧na̧ päi'a'attü, wottü'i̧nä̧ rä̧mi̧pa̧'a̧ttü̧, ku'upä'i̧nä̧ ürowa'attü, rȩjȩ'i̧nä̧ ttü̧ȩpi̧na̧'a̧.