Apocalipsis 4:5 - Nuevo Testamento Uwotjüja

⁵ Juȩnȩ ruwo deäkä kko̧mȩttü̧ räopina̧'a̧, rä̧mi̧pü̧'i̧nä̧, ku'upä ürowü'inä̧, ku'upä kürüächü'i̧nä̧, jü̧nä̧; ja̧'wa̧ta̧nü̧ juȩnȩ, ruwo deäkä ä'ka jo̧mȩmä̧, kko̧ro̧mü̧ttü̧nü̧ todäre jo̧mȩnä̧ ra̧pa̧ra̧ o̧yu̧ kuoina̧'a̧, jua̧u̧mä̧ kko̧ro̧mü̧ttü̧nü̧ todäre jo̧mȩnä̧, Dio isotü epíritu-tu̧ ji̧na̧'a̧.

TÄ̧DO Ä̧CUÄ̧ I̧HUȨNȨ

⁵ Ja̧u̧ dȩä̧cä̧ttö̧ cu'upä rohuinö'inä, cu'upä cöröächa'a'inä, koro rö̧ȩnä̧ ucuocuäcuähuä'inä räopina'a. Ja̧'hua̧ta̧nö̧ dȩä̧cä̧ ä'ca jo̧mȩttö̧ ko̧ro̧möttö̧nö̧ todäre lámparas cuo'ö ki̧na̧'a̧. Ja̧u̧ juäi lámparas ko̧ro̧mö̧ttö̧nö̧ ta̧ju̧nu̧ espíritus huotö Dios jähuä ja̧'a̧.

Apocalipsis 4:5 ပူးပေါင်းရင်းမြစ်များ

San Mateo 25:1

Ja̧'wa̧ta̧nü̧ mo̧ro̧jä̧ ru̧wa̧ weomȩmä̧, ya̧tȩ ü'käu icha'a nä̧tü̧ mü̧ä̧yotü to̧mü̧rȩnü̧ wotü ttiäre ra̧pa̧ra̧ ȩmi̧pü̧ jua̧u̧ru̧ tettäwa pä'ü rä'opächü tti̧'chi̧nü̧'a̧nü̧ ja̧'a̧.

San Mateo 3:11

Isopäi'ünä̧ ttümä̧, Dio-ku ppa̧kuä̧chä̧tu̧kua̧'a̧ kui̧jȩkuä̧tu̧kua̧ pä'ümä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧ ttü cho'komȩnä̧ ichümä̧ Epíritu Sa̧tu̧nä̧'i̧nä̧, okurä jäwänä̧'i̧nä̧ bautizo jȩä̧kua̧. Jua̧u̧mä̧ ttüttü'i̧nä̧ abonä̧nü̧ ujuru kku̧nä̧rü̧, jua̧u̧ ü̧jä̧pü̧ isäya chȩpü̧ juiyü'anü̧'i̧nä̧ wa̧sä̧.

Hechos 2:3

ja̧'wa̧nü̧ päi'omȩnä̧ topäkuäwinä̧tü̧, ttu wä̧mȩ pünä̧ yotükupünä̧rü̧ okuriyä ppo̧ü̧ kka̧kuä̧ma̧'a̧,

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 10:3

Ja̧'wa̧nü̧ ja̧'a̧ pä̧i̧ku̧nä̧ wopi'inü̧, jojochäyu jä̧'i̧nü̧'a̧nü̧. Ja̧'wa̧nü̧ woi'omȩnä̧mä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pi̧na̧'a̧ pä̧i̧ku̧nä̧, ku'upä ürowa'a 'kua̧rü̧nä̧.

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

Apocalipsis 5:6

Ja̧'wa̧nü̧ ja̧'a̧, ruwo dȩä̧kä̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧, a̧ci̧a̧nu̧tu̧'i̧nä̧ ttü̧'kä̧tȩ kkä'ko ü̧ja̧'a̧ topinü̧sä̧, ya̧tȩ oweja mü̧ä̧ya̧ mikuäwächünä̧ kuä'ü ttikuinä̧ku̧, 'kua̧rü̧nä̧ wa̧ ü̧ja̧'a̧. Jua̧u̧mä̧ ä̧ja̧wi̧yä̧ okämä̧ kko̧ro̧mü̧ttü̧nü̧ tokäre jo̧mȩnä̧ kki̧nä̧ku̧ ja̧'wa̧ta̧nü̧ ü'äriyämä̧ kko̧ro̧mü̧ttü̧nü̧ torere jo̧mȩnä̧ kki̧nä̧ku̧, juätütä ji̧na̧'a̧ kko̧ro̧mü̧ttü̧nü̧ ta̧ju̧ jo̧mȩnä̧ Dio isotü epíritu-tu̧ pi̧jä̧ra̧'a̧ o'kajuiyünä̧ wȩi̧nä̧u̧mä̧.

Apocalipsis 8:5

Ja̧'wa̧nü̧ ja̧'a̧ á̧gȩ-mä̧ incienso pättü a̧mȩu̧ ȩko̧'ta̧ ȩmo̧po̧'ü̧, altar wä̧mȩttü̧ okurä isäsa ȩni̧nü̧ su̧'pȩ päi'ünä̧, ȩnä̧ji̧'ka̧ rȩjȩra̧'a̧ do'opü ikuomȩnä̧; dina̧na̧ päi'a'attü, wottü'i̧nä̧ rä̧mi̧pa̧'a̧ttü̧, ku'upä'i̧nä̧ ürowa'attü, rȩjȩ'i̧nä̧ ttü̧ȩpi̧na̧'a̧.