Apocalipsis 3:19 - Nuevo Testamento Uwotjüja

¹⁹ Ttü repedä̧u̧rü̧mä̧ ro̧'ȩpü̧, tä̧bo̧tü̧sä̧ juettekuächünä̧. Ja̧'wa̧nü̧ ja̧'a̧ttü̧ rü̧ȩnä̧ esewächi'ünü̧, surojümä̧ kä'ädäkuäwi.

TÄ̧DO Ä̧CUÄ̧ I̧HUȨNȨ

¹⁹ Ttömä o'ca toi'önärö repedä̧u̧ru̧ ro̧'ȩpö̧ tä̧bo̧tö̧sä̧. Ja̧'hua̧nö̧ ja̧'a̧ttö̧ adiunä amöcuädö jȩpö̧, pärocuäcutä amöcuädi.

Apocalipsis 3:19 ပူးပေါင်းရင်းမြစ်များ

San Mateo 25:7

Ja̧'wa̧nü̧ ä̧ju̧ku̧ nä̧tü̧ müäyotümä̧ o'katoi'ünä̧ po̧rä̧rä̧kuä̧wi̧'ü̧ ttiäre ra̧pa̧ri̧yu̧ jo̧mȩnü̧ aditopo'i̧nä̧tü̧.

San Juan 2:17

Ja̧'wa̧nü̧ jȩi̧yä̧u̧, u̧wo̧juȩtä̧u̧mä̧ wȩyu̧kuä̧ wȩnȩnä̧: «Kuojusode rü̧ȩnä̧ repeda'attü̧, okurä jä'i̧nü̧'a̧nü̧ kuoäkusä» pä'ü wȩyu̧kuä̧'i̧jo̧mȩ amükuädi'inä̧tü̧.

Romanos 12:11

Kuaditätukua pä'ü jü̧mä̧, ü̧tä̧rü̧jo̧ka̧'a̧ aditätukui; eseunü̧tä̧ aditätukui, Tu̧ru̧wa̧ jäwämä̧.

1 Corintios 11:32

ro̧ȩpü̧ttü̧'i̧nä̧, Tu̧ru̧wa̧mä̧ ro̧ȩpä̧u̧jä̧ weye juota pä'ü, pi̧jä̧ ttü̧ja̧ku̧ yo̧mȩtȩnä̧ tote'ächünä̧ ro̧ȩpü̧ juiyäkua'anü̧.

2 Corintios 6:9

tti̧ȩru̧wä̧u̧ 'kua̧ra̧'a̧nä̧, ttu̧wo̧juä̧u̧ jü̧nä̧tä̧; juiyupächätü 'kua̧ra̧'a̧nä̧, ta̧'kua̧rü̧ kku̧nä̧rä̧tü̧tä̧; usurä ttȩmä̧u̧nä̧ jȩttä̧u̧ 'kua̧ra̧'a̧nä̧, wa'ümä̧ ikuokotüjä̧.

2 Corintios 7:11

Kua̧'kua̧ tta̧kuȩkui̧nä̧tu̧ku̧, Dio-rü pä̧wä̧rü̧jo̧mȩnä̧ ji̧na̧'a̧mä̧, ¡topätüjä̧ttü̧, kui̧rȩbȩwi̧nä̧tu̧ku̧mä̧! adiu amükuädü topü, ttürü ppä'ädinä̧tü̧jä̧; jua'akumä̧ kua̧mi̧surächi'inä̧tu̧kua̧'a̧nä̧'i̧nä̧, yekuekui'inä̧tu̧kua̧'a̧nä̧'i̧nä̧; jua̧u̧nü̧ o'ka'amä̧ ttürü to'kuätukua pä'inä̧tü̧jä̧, ttürü ppä'ädümä̧, suronä̧ jȩpä̧ji̧rü̧mä̧ ro̧'ȩpi̧nä̧tü̧jä̧. Ja̧'wa̧nü̧ ji̧na̧'a̧nä̧'i̧nä̧, o'kajuiyünä̧tä̧ i̧jȩkui̧nä̧tü̧jä̧, pi̧yȩ mȩkuä̧tu̧kuo̧kü̧ ji̧nü̧mä̧.

Gálatas 4:18

Ä'kuoyäunü̧ jȩä̧kuä̧wä̧mä̧ iweye adiwa'a, ppä'ädü jȩä̧kuä̧wä̧nä̧mä̧. Jua̧u̧'i̧nä̧ 'kuäopünä̧tä̧, suro ttü ukutuku chü̧jo̧mȩnä̧tä̧mä̧kü̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Santiago 1:12

Surojü kka̧kuä̧mȩ'a̧'a̧nä̧ ujuruku a̧mi̧ 'ki'ächi'ümä̧ eseäkuäwä u̧ju̧nä̧rä̧kua̧, jua'amä̧ ja̧u̧ 'kuä'o'ü jo̧mȩnü̧ pä'i'ümä̧ Dio rȩpȩä̧u̧ru̧ premio pättü chiyäkua̧sä̧ päinü̧ kkä̧kuä̧wä̧ i'ko ȩmä̧kua̧'a̧ttü̧.

Apocalipsis 2:5

Ja̧'wa̧nü̧ ja̧'a̧ttü̧ amükuädi, torü ma̧kuä̧chi̧na̧ja̧ pä'ü ja̧'wa̧nü̧ jȩpü̧ jua̧u̧ttü̧ kä'ädi'ü, pä'äji ji̧nü̧ta'anü̧, ä̧kuo̧mȩnä̧ jȩ'kui̧nü̧ kkä̧mä̧dü̧ jȩpi̧; ja̧'wa̧nü̧ ppa̧kuä̧chü̧ juiyüttümä̧, jitätä ja̧'a̧ ichi'opo'ü, tȩya̧u̧ kku̧nä̧wä̧ kuiäre ku̧ju̧nä̧rü̧ 'cho̧di̧pä̧kua̧jä̧.