Apocalipsis 3:18 - Nuevo Testamento Uwotjüja

¹⁸ Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.

TÄ̧DO Ä̧CUÄ̧ I̧HUȨNȨ

¹⁸ Ja̧'hua̧nö̧ ja̧'a̧ttö̧ ucuru pä'ösä, ttöttö ȩmi̧ adihuä juai oro ocuränä ku ȩmä̧huä̧, iso päi'önä järe ru̧hua̧ päi'önä cu̧ja̧ pä'ö. Ja̧'hua̧ta̧nö̧ ttöttö cu̧'ca̧tä̧huä̧ta̧ tȩä̧ta̧ ȩmi̧ cu̧'ca̧tähuä̧ta̧ pä'ö, cu̧'ca̧tä̧huä̧ta̧ jui'ö dä'äcunu cuecuhuächö juiya pä'ö. Ja̧'hua̧ta̧nö̧ jahuapö isoya ȩmi̧ cu'ärenä da'ecu tocu'a pä'ö.

Apocalipsis 3:18 ပူးပေါင်းရင်းမြစ်များ

San Mateo 13:44

Ja̧'wa̧ta̧nü̧ mo̧ro̧jä̧ ru̧wa̧ weümä̧, pättanä̧ rȩjȩ dajü rütäwä pärätä jä̧'i̧nü̧'a̧nü̧ ja̧'a̧. Jua̧u̧ pärätä po̧kui̧pi̧'ü̧'ka̧, pä'äjita'anü̧ juȩnȩtä̧ dajü rütipü; rü̧ȩnä̧ eseunu̧ i̧wi̧'ü̧ u̧ju̧nä̧rü̧mä̧ o'kajuiyünä̧ mikuänä̧ iyä'chü ikuipü, juȩnȩ rȩjȩmä̧ ȩma̧'a̧ jä̧'i̧nü̧'a̧nü̧ ja̧'a̧.

San Mateo 25:9

Pä̧ttä̧u̧mä̧, nä̧tü̧ mü̧ä̧yotü wo̧juȩku̧nä̧ amükuädätümä̧, ttädätinä̧u̧: Isokü̧, tiyüttümä̧ ujuturu'i̧nä̧, ukuturu'i̧nä̧ pa̧ja̧kuä̧chü̧ juiyü'anü̧ ja̧'a̧. Ja̧'wa̧nü̧ ja̧'a̧ttü̧, ukututä mikuänä̧ ttiyomȩttü̧ ȩmä̧jä̧tu̧kui̧.

San Lucas 12:21

Ja̧'wa̧nü̧ 'kuäopäku, a̧mü̧nä̧ pa̧ja̧tü̧ pärätä ka̧ka̧tü̧rü̧mä̧; ja̧'wa̧ta̧nü̧ Dio-ttümä̧ usurä i̧sa̧tä̧ wa̧.»

2 Corintios 5:3

Ja̧'wa̧nü̧ ja̧'a̧ttü̧, pi̧ta̧ tü̧'ka̧tä̧wä̧ta̧mä̧ jȩä̧cha̧'a̧nä̧'i̧nä̧, jui'ätümä̧ tü̧jo̧kui̧'o̧kä̧kuo̧tü̧jä̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

1 Timoteo 6:18

Adiwäjuei jȩtta̧'a̧nä̧'i̧nä̧ adiwäjuei aditäkuäwänä̧ ruwotü juo'ü ja̧'wa̧ta̧nü̧ ttiäre ttu̧ju̧nä̧rü̧'i̧nä̧ iyü ppädäkuäwämä̧ jo̧mȩnü̧ ttü̧ja̧kua̧ we'itü.

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Pedro 1:7

Isopäi'ünä̧ kua̧'kua̧ ku̧wȩnä̧rä̧tu̧ku̧mä̧ oro jä̧'i̧nü̧'a̧nü̧ jü̧: üadiwämä̧ ukuränä̧ kka̧kuä̧mü̧ tottü jä̧'i̧nü̧'a̧nü̧ ja̧'a̧. Tta̧'kua̧ wȩnä̧rü̧ tta̧mi̧ 'kittächi'ümä̧ oro toe'ächüttü'i̧nä̧ u̧wä̧mȩnä̧nü̧ mikuäu ja̧'a̧. Ja̧'wa̧nü̧ ja̧'a̧ttü̧ Jesucrito i̧jȩkuä̧cho̧mȩnä̧mä̧ Dio-rü kua̧'kua̧ ku̧wȩnä̧rä̧tu̧ku̧mä̧ adiutä ttukuokuäkuotü, isopäi'ünä̧ tta̧'kua̧ wȩnä̧rä̧kuä̧wä̧ kka̧kuä̧mü̧ toäkuäwänä̧ 'kuäopümä̧, ttesewa pä'ü jü̧ ja̧'a̧.

Apocalipsis 16:15

«Ttümä̧, nä̧u̧kuä̧rä̧kuä̧wä̧ i̧sa̧ 'kua̧rü̧nä̧ chi̧chä̧kua̧sä̧. Eseäkuäwä kkä̧kua̧'a̧ ä'i'oka'a to̧pä̧rü̧rü̧ ja̧'wa̧ta̧nü̧ ü̧'ka̧tä̧wä̧ta̧'i̧nä̧ tta̧'ä̧rä̧kuä̧u̧ru̧, ü̧ä̧rȩta̧ jui̧'a̧ tottäku dä'ä ttuwu juiya pä'ü.»

Apocalipsis 19:8

Ja̧'wa̧ta̧nü̧ pü̧jä̧ta̧ lino adiwäjuei i̧sä̧ta̧, tȩä̧ta̧, kkȩdȩpä̧ta̧ kkü̧'ka̧tä̧wa̧ pä'ü weäwi'äjäkua, jua̧u̧ lino o̧ta̧mä̧, chutä umüwäyotü, ȩmi̧nä̧u̧ adiu jȩpü̧ ttü̧ja̧ku̧ tü'kü ja̧'a̧.»

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Apocalipsis 3:17

Ukumä̧ pä'üjä̧: Ttümä̧ ru̧wa̧sä̧, täkü ru̧wa̧ juo'inü̧sä̧, rekuämä̧ rü̧jo̧ko̧ku̧sä̧; päkua'anä̧ usurä i̧sa̧jä̧, ä̧to̧ka̧jä̧, kuä̧ta̧'i̧nä̧ jui̧'a̧jä̧.

Apocalipsis 4:4

Ja̧'wa̧ta̧nü̧ topinü̧sä̧ juäkä, ruwo deäkä jäyänämä̧, kkoro ruwo dȩä̧ki̧yä̧ kka̧kua̧'a̧ veintikuatro-nü̧ jo̧mȩnä̧, jua̧u̧ okänä̧mä̧ Veintikuatro-nü̧ wotü A̧ci̧a̧nu̧tu̧, pȩji̧nä̧tü̧, ttü̧'ka̧tä̧wä̧ti̧yu̧ te'ätü, ttünä̧mä̧ oro jäwä corona pättü wȩnä̧rä̧tü̧.

Apocalipsis 7:13

Ja̧'wa̧nü̧ ja̧'a̧, a̧ci̧a̧nu̧tu̧ttü̧ ya̧tȩ ttürü jä'epü ä̧ju̧kui̧nü̧: «Jitüja ttü̧'ka̧tä̧wä̧ti̧yu̧ teü 'ka̧tä̧wä̧tü̧mä̧ ¿titü juo'otüjä̧ttü̧, torü ichinä̧tü̧jä̧ttü̧?»