Apocalipsis 22:17 - Nuevo Testamento Uwotjüja

¹⁷ Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

TÄ̧DO Ä̧CUÄ̧ I̧HUȨNȨ

¹⁷ Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.

Apocalipsis 22:17 ပူးပေါင်းရင်းမြစ်များ

San Juan 1:37

Ja̧'wa̧nü̧ pä'a ä̧ju̧ku̧, Ju̧a̧ u̧wo̧juȩtä̧u̧ ta̧ju̧kuäyotü, Jesú-ku 'chi̧nä̧tü̧.

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

San Juan 4:11

päkua, kkädätinä̧ku̧: —Chu̧ru̧wa̧, ajiya wäokuä juikua'amä̧ ja̧'wa̧ta̧nü̧ reju'i̧nä̧ täkua'a abotä akua'amä̧ ¿Torü kuȩmä̧kua̧'a̧jä̧ttü̧, ajiya a̧'kua̧rü̧ kkoyamä̧?

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

San Juan 4:29

—Topächätukui, ya̧tȩ ttü̧ja̧sa̧rü̧, ttü jȩchä̧'i̧jü̧mä̧ o'kajuiyünä̧ ji'äwäji. ¿Jua̧u̧tä̧ku̧, Crito-mä̧?

San Juan 7:37

Ukuo mo̧ro̧, pä'käri rüjí kka̧'a̧, Jesú-mä̧ kkä̧mä̧dü̧ pä̧i̧ku̧nä̧ pä'inü̧: —Ya̧tȩ awa a̧di̧ri̧jü̧ttü̧mä̧, ttüku ichü ttüttü awi.

Romanos 3:24

Ja̧'wa̧nü̧ ja̧'a̧nä̧ Dio-mä̧, chutä re kkä̧nü̧ mippoünä̧tä̧ adiwä isotü jü̧nä̧ juoepinä̧u̧jä̧, Jesucrito usurä ȩmä̧u̧ i̧mi̧täwinü̧nä̧.

1 Corintios 2:12

Ja̧'wa̧ta̧nü̧ ujutu'i̧nä̧ ta̧'kua̧rü̧ i̧sa̧rü̧mä̧ pi̧jä̧nä̧ttü̧mä̧ ȩmo̧ko̧tü̧ pinä̧tü̧jä̧ ja̧'wa̧nü̧ ja̧jü̧jueimä̧ Dio-ttü ichinü̧ Epíritu-ru ȩmi̧nä̧tü̧jä̧, Dio iyinü tu̧wo̧jua̧ pä'ümä̧.

Apocalipsis 14:13

Ja̧'wa̧ta̧nü̧ mo̧ro̧jä̧ra̧'a̧ttü̧ ya̧tȩ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pi̧yȩ wȩyu̧ti̧: Eseäkuäwä kkä̧kua̧'a̧ porü yaboku, tu̧ru̧wa̧ku̧ todeunä̧ 'korujuo'ächätürü.» «A̧, iweye ja̧'wa̧ta̧nü̧ jä̧kua̧'a̧ pä'ü Epíritumä̧, juätümä̧ ttaditäwättü 'kuä'ächi'ü ttü̧'ä̧mä̧dä̧kuo̧tü̧, ttaditäwämä̧ juätütäku kkä̧kua̧'a̧.»

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

Apocalipsis 21:2

Ja̧'wa̧ta̧nü̧ ttü Ju̧a̧-mä̧ topinü̧sä̧, surojü juiyü ütawiyä, jareünä̧ Jerusarȩ́, mo̧ro̧jä̧ Dio ü̧jo̧mȩttü̧ mȩyȩwä̧ja̧'a̧. Yajute kkirekuorü kkü'käwa pä'ü kkü̧'ka̧tä̧wi̧'a̧'a̧ jä̧'i̧nü̧'a̧nü̧.

Apocalipsis 21:6

Ja̧'wa̧ta̧nü̧ päinä̧ku̧sä̧: «Täkü jo̧mȩnü̧ päia'a. Ttümä̧ ä̧kuo̧mȩnä̧'i̧nä̧, rüjinä̧'i̧nä̧ wa̧sä̧. Awa ä̧di̧ri̧jä̧ku̧ru̧mä̧, mippoünä̧ kkä̧kuä̧wä̧ ajiyattü awa pä'ü chi̧yä̧kua̧.

Apocalipsis 21:9

Ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü á̧gȩrȩ-ttü̧ ya̧tȩ, kko̧ro̧mü̧ttü̧nü̧ to̧'ta̧rȩ copa o̧'ta̧, kko̧ro̧mü̧ttü̧nü̧ todäre jo̧mȩnä̧ rüjí mo̧ro̧ usurä ȩmä̧kuä̧wä̧ su̧'pȩnü̧ ȩka̧'a̧, 'chu̧ä̧rä̧nü̧ ichi'ü, päinä̧ku̧sä̧: «ichi'i poku, oweja mü̧ä̧ya̧ jü̧nä̧ wa̧ ü'käwäkuajuru, chi̧jȩpa̧ku̧.»

Apocalipsis 22:1

Jua̧u̧ jä̧ji̧ o'ka'a á̧gȩ-mä̧, aje adiwoto, kkä̧kuä̧wä̧ i'ko aje i̧jȩpi̧nä̧ku̧sä̧. Cristal pättü jä̧'i̧nü̧'a̧nü̧ säruwina̧'a̧, juoyamä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧ttü̧ räopina̧'a̧.

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Apocalipsis 7:17

Jua'amä̧ oweja mü̧ä̧ya̧ wa̧mä̧, ruwo deäkänä̧ pü̧mä̧, Ttu̧ru̧wa̧ pató ja̧'a̧ttü̧, Jua̧u̧tä̧tä̧ ȩpä̧kuä̧u̧ ajiya kkä̧kuä̧wä̧ kkoya beipokomȩku̧mä̧, ja̧'wa̧ta̧nü̧ Dio-tä tti̧'chȩrȩja 'ka̧wä̧kua̧mä̧.