Apocalipsis 22:16 - Nuevo Testamento Uwotjüja

¹⁶ «Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

TÄ̧DO Ä̧CUÄ̧ I̧HUȨNȨ

¹⁶ —Ttö, Jesús, pi̧yȩ huȩnȩ o'ca juiyönä, iglesias ruhuärö jiähua pä'ö hue'inösä ya̧tȩ chu̧mö̧huä̧ya̧ ángelrö. Ttö David ahuaruhuättö ä'canä ki̧nö̧sä̧. Ja̧'hua̧ta̧nö̧ David o̧'ca̧ a̧hua̧ru̧hua̧sä̧. Yo̧ȩi̧nä̧ siri'co adiu tȩa̧pa̧mä̧, ttötäsä.

Apocalipsis 22:16 ပူးပေါင်းရင်းမြစ်များ

San Mateo 1:1

Jesucrito-mä̧, Dawi-ttü'i̧nä̧, Abraha̧-ttü̧'i̧nä̧ isotü i̧sa̧ ji̧na̧'a̧ttü̧, ü̧tä̧mü̧ mi̧nä̧ttü̧ kkä̧mä̧dü̧ tti̧mi̧ pi̧yȩmä̧, pa̧'a̧nü̧ ji̧na̧'a̧:

San Mateo 2:2

Juätümä̧, jä'epü ä̧ju̧kui̧nä̧tü̧: —¿Tȩnȩ́ ü̧ja̧'a̧jä̧ttü̧, judío ttu̧ru̧wa̧ Rey uwäpächäjimä̧? Jua̧u̧ uwäpächü siri'ko kkä̧wa̧ räopa'akuttü i̧jȩkua̧'a̧ topäjä'kotü, jua̧u̧ru̧ eseu ichäjätüjä̧.

San Mateo 22:42

Jesú-mä̧ jä'epü ä̧ju̧kui̧nä̧u̧: —¿Toku päkuätukua'ajä̧ttü̧ Crito ütü'kümä̧? ¿Dí i̧tti̧ ja̧'a̧jä̧ttü̧? Päomȩnä̧ ttädätinä̧ku̧: —Dawi i̧tti̧, pä'ätüjä̧.

San Mateo 22:45

¿Toku pä'ü Crito-mä̧, Dawi-ttü ichina̧'a̧jä̧ttü̧, chutä Dawi'i̧nä̧ Chu̧ru̧wa̧ pä'ü oinä̧ku̧ ja̧'a̧nä̧mä̧?

San Lucas 1:78

Tü̧ä̧nä̧wa̧ Dio-mä̧ rü̧ȩnä̧ rȩrü̧jü̧ topü mo̧ro̧jä̧ra̧'a̧ttü̧ do'ächü i̧chä̧kuä̧u̧jä̧ jareünä̧ mo̧ro̧ juoa'a jä̧'i̧nü̧'a̧nü̧,

San Lucas 20:44

¿Jua̧u̧nu̧mä̧, toku pä'ü Crito-mä̧ Dawi-ttü ichinü̧ pä'attü, chutä Dawi'i̧nä̧, Chu̧ru̧wa̧ päinä̧ku̧ ja̧'a̧mä̧?

Romanos 15:12

Ja̧'wa̧ta̧nü̧ Isaía'i̧nä̧ wȩyu̧ti̧nü̧: «Isaí i̧tti̧mü̧ttü̧, räopä̧kua̧ judío pokotürü ttu̧ru̧wa̧ jü̧nä̧ wȩä̧kua̧mä̧; Judío pokotümä̧ jua̧u̧ru̧tä̧ tta̧ttä̧rä̧kuo̧tü̧.»

Romanos 9:5

Ja̧'wa̧ta̧nü̧ juätü tü̧tä̧mü̧mi̧nä̧ttü̧tä̧; Crito-mä̧ ichinü̧ ukuojattümä̧, jua̧u̧mä̧ o'kajuiyünä̧tä̧ u̧wä̧mȩnä̧ wa̧, jua̧u̧tä̧ ja̧'a̧ «Dio, 'kuäopünä̧tä̧ eseäkuä̧wa̧mä̧.» Amȩ́.

2 Pedro 1:19

Pi̧yȩ profeta wotü jittäwinü̧mä̧ isopäi'ünä̧ ja̧'a̧, adiu topü jȩ'kuä̧tu̧ku̧mä̧ ra̧pa̧ra̧ yo̧mȩku̧ tejäda'a jä̧'i̧nü̧'a̧nü̧, mo̧ro̧ juomȩbü päi'ünä̧ ja̧'wa̧ta̧nü̧ mo̧ro̧ päia'a siri'komä̧ tta̧mi̧so'kinä̧ itejäda pä'ü rä'opü.

Apocalipsis 1:1

Dio-mä̧ Jesucrito-rü iyinü̧, umüwäyotürü jitätä ja̧'a̧ 'kuäopä̧kuȩ wȩnȩ i̧jȩpa̧ pä'ü. Ja̧'wa̧nü̧ jo̧mȩttü̧ Jesucrito-mä̧ Ju̧a̧-rü̧ ji'äwinü̧, ya̧tȩ u̧mü̧wä̧ya̧ á̧gȩ-nä̧,

Apocalipsis 1:11

i̧wȩnȩ rä̧mi̧pü̧nä̧ pä'ümä̧, pä'inü̧: «Ukú to'kumä̧ wȩyu̧tu̧ we'í, kko̧ro̧mü̧ttü̧ todärenü̧ jü̧ igresia wotürü, Asia rȩjȩnä̧ kka̧kuä̧tü̧rü̧: Éfeso-ra̧'a̧'i̧nä̧, Esmirna-ra̧'a̧'i̧nä̧, Pégamo-ra̧'a̧'i̧nä̧, Tiatira-ra̧'a̧'i̧nä̧, Sadira̧'a̧'i̧nä̧, Firadefia-ra̧'a̧'i̧nä̧ ja̧'wa̧ta̧nü̧ Laodicea-ra̧'a̧'i̧nä̧,» jü̧nä̧.

Apocalipsis 1:4

Ttü Ju̧a̧, Asia rȩjȩnä̧ kka̧kuä̧tü̧, kko̧ro̧mü̧ttü̧nü̧ todäre igresia wotürü te'äusä: Wȩnȩ juiyü, adiwä juei ukuturu kka̧ pä'üsä. Jitä'i̧nä̧ kkü̧, mo̧'i̧nä̧ kki̧nü̧, pä'ejita'anü̧'i̧nä̧ i̧chä̧kua̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ wotü uruwo dȩä̧kä̧ ä'ka jo̧mȩ kka̧kuä̧tü̧ epíritu-tu̧ru̧'i̧nä̧ kku̧nä̧rü̧ ȩmi̧nä̧u̧ kuätukua'attü,

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.

Apocalipsis 2:17

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Surojü abo 'kuä'o'ü iso juo'epürümä̧, maná pättü dajü kku̧nä̧wä̧ttü̧ ukua pä'ü chi̧yä̧kua̧; ja̧'wa̧ta̧nü̧ ido'ki a̧'u̧kuo'ki teo'ki'i̧nä̧ chi̧yä̧kua̧, ji̧yȩtȩ i̧mi̧ jareü wȩyu̧kua̧'a̧ po̧'ki, jua̧u̧ i̧mi̧mä̧ ya̧tȩ'i̧nä̧ jȩru̧pa̧, chutä juo'ki ȩmü̧tä̧tä̧ u̧wo̧juä̧kua̧.

Apocalipsis 2:7

Ä̧ju̧kuä̧kuä̧wä̧ kku̧nä̧rü̧mä̧, Dio i̧sa̧ Epíritu igresia wotürü jiäu ä̧ju̧kui̧: Pi̧yȩ Isó juo'epürümä̧, kkä̧kuä̧wä̧ dauttü ukua pä'ü chi̧yä̧kua̧, Dio ü̧jo̧mȩ paraíso pättomȩ kkä'ko kkäittü.

Apocalipsis 22:1

Jua̧u̧ jä̧ji̧ o'ka'a á̧gȩ-mä̧, aje adiwoto, kkä̧kuä̧wä̧ i'ko aje i̧jȩpi̧nä̧ku̧sä̧. Cristal pättü jä̧'i̧nü̧'a̧nü̧ säruwina̧'a̧, juoyamä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧ttü̧ räopina̧'a̧.

Apocalipsis 22:11

Suronä̧ jȩpü̧mä̧ wä̧i̧nä̧ yabonü̧ suronä̧ jȩpü̧ kkä̧wi̧, surojünä̧ amükuädümä̧ wä̧i̧nä̧ yabonü̧ surojünä̧ amükuädütä kkä̧wi̧ ja̧'wa̧nü̧ ja̧'a̧nä̧ adiu jȩpü̧mä̧ jua'a yabonü̧ adiutä jȩpü̧ kkä̧wi̧ ja̧'wa̧ta̧nü̧ surojü jui̧'a̧mä̧ jua'a yabonü̧ surojü juikuächächünä̧tä̧ jȩpü̧ kkä̧wi̧.»

Apocalipsis 22:20

Pi̧yȩ jiäumä̧, pä'ü: «A̧, jitätä ja̧'a̧ku̧ ichüsä.» ¡Amȩ́! a̧, chu̧ru̧wa̧ Jesú, ichi.

Apocalipsis 22:6

Ja̧'wa̧ta̧nü̧ á̧gȩ-mä̧ päinä̧ku̧sä̧: «Pi̧yȩ wȩnȩmä̧ isopäi'ünä̧ wȩnȩ ja̧'a̧ ja̧'wa̧ta̧nü̧ jueü wȩnȩ ja̧'a̧. Tu̧ru̧wa̧, Dio profeta wotünä̧ jiäkuäwä i̧sa̧mä̧, u̧mü̧wä̧ya̧ ya̧tȩ á̧gȩ-rü̧ umüwäyotü wotürü jitätä ja̧'a̧ku̧ 'kuäopä̧kuȩ jiäwa pä'ü we'äji.»

Apocalipsis 3:13

¡Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧!

Apocalipsis 3:22

¡Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧!»

Apocalipsis 3:6

¡Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧!

Apocalipsis 5:5

Ja̧'wa̧nü̧ chajawiyäku, a̧ci̧a̧nu̧tu̧ttü̧ ya̧tȩ päinä̧ku̧sä̧: «Täkü yabonü̧mä̧ kuajuäwä, Judá isotü i̧sa̧, León pättäku, Dawi i̧tti̧mü̧ isotü i̧sa̧, surojü abo 'kuä'o'inü̧tä̧ ja̧'a̧ juä'tä kuyäru'tä ba'epü'i̧nä̧, kko̧ro̧mü̧ttü̧nü̧ todäre jo̧mȩnä̧ jü̧ sello pättü'i̧nä̧ jȩpü̧ i̧kuä̧kua̧mä̧.»