Apocalipsis 21:8 - Nuevo Testamento Uwotjüja

⁸ Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ ye'ecuätö'inä, esetocotö'inä, ttahuaruhuärö kö'cocotö'inä, korotörö cuä'ö icuätö'inä, nä̧tö̧rö̧ suronä usätö'inä, märirö esetö jȩpä̧tö̧'i̧nä̧, ttö̧ja̧ i̧sa̧ a̧'u̧cuä̧ ttu̧mö̧nä̧ adicuä esetö ucuocuätö'inä, o'ca toi'önä yapareu ji'ähuätö'inä, ocurä rö̧arära̧'a̧, azufrenä cuoarära̧'a̧ tti̧'chä̧cuo̧tö̧. Ja̧u̧ todärenä 'corupäi'äcuähuä ja̧'a̧.

Apocalipsis 21:8 ပူးပေါင်းရင်းမြစ်များ

San Mateo 10:28

Ja̧'wa̧ta̧nü̧ kuidepätuku kuä'ü ikurumä̧ yekuekuätukuä, jua̧u̧mä̧ kua̧'kua̧rü̧mä̧ kuä'ü ikuokü; ji̧nä̧somä̧ kua̧'kua̧rü̧ kuä'ü ikuru, kuidepä okurä beipokaränä̧ kuä'ü ikurütä ye'ekuätukui.

San Mateo 25:25

Ja̧'wa̧nü̧ ja̧'a̧ttü̧ ye'eku kuiäre pärätämä̧ rȩjȩ dajü ikuinü̧sä̧. Ja̧'wa̧nü̧ ja̧'a̧nä̧, kuiäremä̧ pi̧yȩsä̧ ja̧já̧.

San Mateo 8:26

Pättäku päinä̧u̧: —¿Tta̧'a̧nü̧ pä'ü yekuekuätukua'ajä̧ttü̧, ukutumä̧, Dio-rümä̧ kua̧'kua̧ wȩnä̧ro̧ko̧tü̧jä̧ tä̧jí̧? Pä'ü kkä̧nü̧, ä̧rä̧mi̧'ü̧ kkä̧rü̧'kopparü'i̧nä̧, rü̧ä̧ duborarü'i̧nä̧ ujuruku woi'omȩnä̧ o'kajuiyünä̧tä̧ wirochi'ina̧'a̧.

San Marcos 9:44

[Juȩnȩmä̧ mi̧yü̧'i̧nä̧ 'korupätti'okomȩ ja̧'wa̧ta̧nü̧ okurä'i̧nä̧ yorisotä na̧hui̧po̧ko̧mȩ.]

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

2 Tesalonicenses 2:9

Jua̧u̧ ttü̧ja̧sa̧ surojütä jȩä̧kuä̧wä̧ i̧sa̧mä̧ Satanás-tä̧ ppädäkuäwänä̧ i̧chä̧kua̧; rü̧ȩnä̧ ujuruku i̧rȩbȩwä̧kua̧ ja̧'wa̧ta̧nü̧ señales-ku, jȩtto̧kü̧ juei jä̧'i̧jü̧ yaparetü jȩä̧kua̧.

1 Timoteo 4:2

Yaparetü jȩpä̧tü̧rü̧tä̧ ja̧'wa̧ta̧nü̧ yaparewätürütä, dä'ärü̧jü̧'i̧nä̧ yoriso amükuädokotü wettütä jȩttä̧kuo̧tü̧.

Tito 1:16

Juätümä̧ Dio-rümä̧ wo̧juä̧tü̧mä̧ pä'ätü, ja̧'wa̧nü̧ ja̧'a̧nä̧ suronä̧ jȩtta̧'a̧ topü isopäi'ünä̧ jo̧ka̧'a̧ pä'ü wo̧juä̧tü̧jä̧; juätümä̧ kkü'kokotü, ja̧'wa̧ta̧nü̧ ttukuotokomȩttü̧ kkorojuei adiwäjueimä̧ jȩpo̧ko̧tü̧.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Hebreos 13:4

O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

1 Juan 2:22

¿Díjä̧ttü̧ ya̧pa̧rȩwa̧mä̧?, jua̧u̧ ya̧pa̧rȩwa̧mä̧ Jesú-ru, Crito-mä̧kü̧ pä'ü ukuokutä ja̧'a̧. Jua̧u̧ ja̧'a̧ Crito-rü to'ija̧'a̧ku̧ wa̧mä̧. Jä'o Dio-rü'i̧nä̧, I̧tti̧ Jesucrito-rü'i̧nä̧ esetü jui'ü ya'okutä.

1 Juan 3:15

O'katoi'ünä̧ ttawaruwä tti̧jä̧wa̧tü̧rü̧ kkü'kokotümä̧, ttü̧ja̧rü̧ kuäwä isotü ja̧'a̧; ukutumä̧ wo̧juä̧tü̧jä̧ ttü̧ja̧rü̧ kuäwä i̧sa̧mä̧, 'kuäopünä̧mä̧ kkä̧kuä̧wä̧ i'komä̧ jui̧ä̧kua̧ pä'ü.

1 Juan 5:10

Dio I̧tti̧rü̧ ta̧'kua̧ tu̧wȩnä̧ro̧mȩnä̧mä̧, Dio pä'inü̧ esetätüjä̧. Ja̧'wa̧nü̧ ja̧'a̧nä̧ Dio-rü esetokümä̧, Jua̧u̧ru̧ ya̧pa̧rȩwa̧ jü̧nä̧ kku̧ni̧pü̧, jua'amä̧ Chutä Dio I̧tti̧ Jesucrito ütü'kü ukuokuinü̧ esetoka'attü̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 2:11

Ä̧ju̧kuä̧kuä̧wä̧ kku̧nä̧rü̧mä̧, igresia wotürü Epíritu päü ä̧ju̧kui̧: Wȩnȩttü̧ abo 'kuä'o'ü iso juo'epürümä̧, yȩnȩta̧'a̧nü̧ wa'ü ikuäwämä̧ wa'ü ikuokü jä̧kua̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Apocalipsis 9:17

Ja̧'wa̧ta̧nü̧ topinü̧sä̧, cabayu-tü̧nä̧ wȩjä̧tü̧ tta̧mü̧kanä̧mä̧ kuoräu tuwuö rü̧nä̧ri̧nä̧tü̧ okurä 'kua̧rü̧nä̧, zafiro pättü jä̧'i̧nü̧'a̧nü̧ ja̧'tu̧wi̧na̧'a̧ ja̧'wa̧ta̧nü̧ amarillo-nü̧ ji̧na̧'a̧ azufre jä̧'i̧nü̧'a̧nü̧. Cabayu̧-tü̧ ttumä̧ jojochäyu u jä̧'i̧nü̧'a̧nü̧ winä̧tü̧ ja̧'wa̧ta̧nü̧ ttättümä̧ räopina̧'a̧ okurä'i̧nä̧, okurä isoppa'i̧nä̧, azufre pättü'i̧nä̧, jü̧nä̧.

Apocalipsis 9:21

Juätümä̧ kuättäu'i̧nä̧, mä̧ri̧mü̧ jäwä jü̧ttü̧'i̧nä̧ kättädi'oka'a jȩpü̧ kka̧kui̧nä̧tü̧; ja̧'wa̧ta̧nü̧ nä̧u̧kuä̧rü̧tä̧ kka̧kui̧nä̧tü̧, nä̧tü̧ku̧, u̧mä̧tu̧ku̧ jȩpä̧'chä̧kuä̧u̧tä̧ kka̧kui̧nä̧tü̧.