Apocalipsis 21:3 - Nuevo Testamento Uwotjüja

³ Ja̧'wa̧nü̧ päi'omȩnä̧, mo̧ro̧jä̧ ruwo dȩä̧kä̧ttü̧ pä̧i̧ku̧nä̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pȩnȩ́ ja̧'a̧ Dio, ttü̧ja̧ku̧ ü̧jo̧mȩmä̧, Jua̧u̧'i̧nä̧ juätütäku ü̧jä̧kua̧; juätümä̧ umüwäyotü jü̧nä̧ ttü̧ja̧kuä̧kuo̧tü̧, Dio-mä̧ juätütä ttü̧ä̧nä̧wa̧ Dio jü̧nä̧ ü̧jä̧kua̧.

TÄ̧DO Ä̧CUÄ̧ I̧HUȨNȨ

³ Ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Päina'a: —Topi. Jitä pi̧jä̧ ttö̧ja̧ ttö̧'quȩtȩnä̧ kö̧ Diosmä. Jahuätöcu ö̧jä̧cua̧. Jahuätömä chutä umöhuäyotö pätti'äcuotö. Chutä Dios jahuätöcu ö̧ja̧'a̧ttö̧, Ttä̧do̧ äcuä̧ Dios pä̧i̧'ä̧cua̧.

Apocalipsis 21:3 ပူးပေါင်းရင်းမြစ်များ

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

San Juan 14:23

Jesú ädätinä̧ku̧: —Ttürü eseu repe'ümä̧, ttü chi̧wȩnȩ ukuotä̧kua̧; ja̧'wa̧nü̧ jo̧mȩnä̧ Chä'o'i̧nä̧ eseu rȩpȩä̧kua̧ ja̧'wa̧nü̧ ja̧'a̧ttü̧ jua̧u̧nä̧ ichü tü̧ja̧kuä̧kuo̧tü̧jä̧.

2 Corintios 6:16

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»

2 Corintios 6:18

Ja̧'wa̧nü̧ jȩ'kuä̧tu̧kuo̧mȩnä̧, Ttümä̧ Kuä'otuku Dio chä̧kua̧sä̧, ja̧'wa̧ta̧nü̧ ukutumä̧, u̧mä̧tü̧'i̧nä̧, nä̧tü̧'i̧nä̧ chi̧tti̧mü̧ kuäkuotüjä̧. Tu̧ru̧wa̧ o'kajuiyünä̧ ju̧ru̧wa̧mä̧ ja̧'wa̧nü̧tä̧ pä'ü.

1 Tesalonicenses 3:11

Ja̧'wa̧nü̧ ja̧'a̧ttü̧, Chutä Tä'o Dio-tä ja̧'wa̧ta̧nü̧ Tu̧ru̧wa̧ Jesucrito-tä ppä̧dä̧kuä̧u̧jä̧ jua'a ukuturu totächa pä'ümä̧.

Hebreos 11:16

ja̧'wa̧nü̧ ja̧'a̧nä̧ juätümä̧ tti̧rȩjä̧ adiwä̧jä̧ pä̧wä̧rü̧ji̧nä̧u̧, juä̧jä̧mä̧ mo̧ro̧jä̧ rȩjȩ ja̧'a̧. Ja̧'wa̧nü̧ ja̧'a̧ttü̧, Dio-mä̧ juätü ttü̧ä̧nä̧wa̧ ja̧'a̧mä̧ dä̧'ä̧rü̧jo̧ko̧ku̧, jua'amä̧ juätü ttü̧jä̧kuȩ ütawiyä jo̧mȩnü̧ aditü u̧ju̧ni̧na̧'a̧ttü̧.

Hebreos 8:10

Ji̧yȩnü̧ mo̧ro̧ o'ka'a, Irae ttü̧ja̧ku̧ chesekuä̧kuȩmä̧, pi̧yȩ ja̧'a̧, pä'inü̧ Tu̧ru̧wa̧mä̧: Ttü wedü wȩnȩmä̧, ttünä̧ ȩnü̧ kku̧nu̧ ja̧'wa̧ta̧nü̧ tta̧mi̧ iso'kinä̧ wȩyu̧tu̧ chu̧ju̧nä̧kua̧sä̧. Ttürümä̧ ttü̧ä̧nä̧wa̧ Dio jü̧nä̧tä̧, ja̧'wa̧ta̧nü̧ jitütämä̧ chi̧tti̧mü̧ jü̧nä̧tä̧ ttäkuotü, pä'inü̧.

Hebreos 8:2

Jua̧u̧ sacerdote Jesucrito-mä̧; Jua̧u̧ ja̧'a̧ santuario pättomȩ sacerdote jü̧nä̧ aditümä̧ isopäi'ünä̧ Tabenákuro; Tu̧ru̧wa̧ aditino̧mȩ Santuario pättomȩ, pi̧jä̧ ttü̧ja̧ ttäräbe'okomȩ, Tu̧ru̧wa̧ Dio-tä äräbe'ino̧mȩ.

Apocalipsis 10:4

Ja̧'wa̧nü̧ kko̧ro̧mü̧ttü̧nü̧ rä̧mi̧po̧mȩnä̧, chi̧wȩyu̧ta̧ pä'inü̧sä̧; ja̧'wa̧nü̧ ja̧'a̧nä̧ mo̧ro̧jä̧ra̧'a̧ttü̧ rä̧mi̧pi̧na̧'a̧: «Kui̧wȩyu̧tä̧ kko̧ro̧mü̧ttü̧nü̧ todäre jo̧mȩnä̧ rä̧mi̧pä̧ji̧mä̧, dajütä kku̧ni̧,» jü̧nä̧.

Apocalipsis 10:8

Ja̧'wa̧nü̧ ja̧'a̧, mo̧ro̧jä̧ra̧'a̧ttü̧ i̧wȩnȩ rä̧mi̧pa̧'a̧ chä̧ju̧kui̧nü̧ ji̧nü̧mä̧, pä'äjita'anü̧ päinä̧ku̧sä̧: Rü̧ä̧ aje'i̧nä̧, pi̧jä̧ rȩjȩ'i̧nä̧ wä̧mȩ kkü̧ á̧gȩ u̧mü̧nä̧ 'chu̧ä̧rä̧'tä kuyäru'tä bawekuä'tä ȩmä̧ji̧.

Apocalipsis 12:10

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧: Täkü surojüttü kki̧'i̧kuä̧mä̧ rȩbȩä̧kuä̧wa̧'a̧, Tu̧ru̧wa̧ ujuru'i̧nä̧, uruwo weü'i̧nä̧ ja̧'wa̧ta̧nü̧ Crito uruwo weü'i̧nä̧, jü̧nä̧; jua'amä̧, täkü rä'epü iku yawokui'a'attü tawaruwä tü̧jä̧wa̧tü̧rü̧ suronä̧ pä'ä'chi'enü̧rü̧, mo̧ro̧'i̧nä̧, yodo'i̧nä̧ 'kuäopünä̧tä̧ suronä̧ pä'inü̧rü̧, Tä'o Dio ä'ka jo̧mȩttü̧.

Apocalipsis 21:7

Surojü abo 'kuä'o'ümä̧ pi̧yȩ o'kajuiyünä̧ üäre jä̧kua̧'a̧; ttü jä̧kua̧'a̧ ü̧ä̧nä̧wa̧ Dio-mä̧ ja̧'wa̧ta̧nü̧ pärokua'akumä̧ chi̧tti̧ jä̧kua̧'a̧.

Apocalipsis 22:3

Ja̧'wa̧ta̧nü̧ juȩnȩmä̧ surojümä̧ juiyäkua'a. Ütawiyänä̧mä̧ Dio'i̧nä̧, oweja mü̧ä̧ya̧'i̧nä̧ tti̧dȩä̧kä̧tä̧ kkä̧kua̧'a̧ ja̧'wa̧ta̧nü̧ umüwäyotütä 'kuäopünä̧ tteseäkuäwä̧kua̧.

Apocalipsis 7:15

Ja̧'wa̧nü̧ ja̧'a̧ttü̧ Dio uruwo dȩä̧kä̧ ä'kajo̧mȩ kka̧kuä̧tü̧, mo̧ro̧'i̧nä̧, yodo'i̧nä̧ 'kuäopünä̧tä̧, Churutä eseäkuäu, juode Dio-rü ukuokuäkuäwodenä̧. Ja̧'wa̧nü̧ ja̧'a̧ttü̧ ruwo dȩä̧kä̧nä̧ pü̧, chutätä tta̧wä̧rä̧kuä̧u̧, juätümä̧.