Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.
Apocalipsis 20:4 - Nuevo Testamento Uwotjüja4 Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧. အခန်းကိုကြည့်ပါ။TÄ̧DO Ä̧CUÄ̧ I̧HUȨNȨ4 Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä. အခန်းကိုကြည့်ပါ။ |
Apocalipsis 20:4
40 ပူးပေါင်းရင်းမြစ်များ
Ja̧'wa̧ta̧nü̧ jua̧u̧ Ju̧a̧-mä̧, Tu̧ru̧wa̧ ä'kanä̧ i̧'chä̧kua̧, Elía i̧'chi̧nü̧ta'anü̧, epírituku, ujuruku, jü̧nä̧; ttä̧'o̧tü̧rü̧ tti̧tti̧mü̧ku̧ ttesekunä̧. Ja̧'wa̧ta̧nü̧ jarodätürü'i̧nä̧ adiwä jueiku ttukuotünä̧. Ja̧'wa̧nü̧ jȩpü̧, ttü̧ja̧rü̧ jo̧mȩnü̧ jȩpü̧ u̧ju̧nä̧kua̧, Ttu̧ru̧wa̧ ichome tteseäkuäwa pä'ü.
Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»
Ja̧'wa̧ta̧nü̧ topinü̧sä̧, rü̧ä̧ dubora i̧sä̧yu̧ jäwä jä̧'i̧nü̧'a̧nü̧ säruwora, okuräku wiwakua'a jä̧'i̧nü̧'a̧nü̧ jora; juora jäyoranä̧ kka̧kui̧nä̧tü̧, i̧sa̧ büó betia-rü abó 'kuä'o'inä̧tü̧, jua̧u̧ i̧mi̧ número ttütatü pä'ü we'äkuäwokotü pinä̧tü̧, ja̧'wa̧ta̧nü̧ a̧'kua̧juä̧ jü̧nä̧ tätäwä'karü'i̧nä̧ ttiwe'kiyunä̧ pȩjä̧mü̧ esewokotü pinä̧tü̧, juätürü Dio-mä̧ arpa pättü iyinä̧u̧ ji̧na̧'a̧.
Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»
¡Eseäkuäwä kka̧'a̧ ä̧kuo̧mȩnä̧ jäwänä̧ tto'ächinä̧tü̧rü̧, juätümä̧ surojüttü 'kȩ'ȩpü̧ ȩmi̧nü̧nä̧ todepätü ja̧'a̧!; yȩnȩta̧'a̧nü̧ wa'ü ttikumä̧, juätürümä̧ rü̧jä̧mo̧ko̧u̧ ttäkuotü; pärokua'aku Dio'i̧nä̧, Crito'i̧nä̧ umüwäyotü sacerdote jü̧nä̧tä̧ ttäkuotü ja̧'wa̧ta̧nü̧ jua̧u̧tä̧ku̧ mil años jo̧mȩnä̧ ruwo wettäkuotü.
ကြော်ငြာတွေ