Apocalipsis 20:12 - Nuevo Testamento Uwotjüja

¹² Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ 'corupä'i'inätörö, tä̧mö̧'i̧nä̧, ppo̧'ä̧tö̧'i̧nä̧ Dios ä'ca jo̧mȩ ttö̧ja̧'a̧ topinösä. Cuyäru bahuecuächina'a. Koro cuyäru'inä kä̧cuä̧huä̧ i'co cuyäru'tä bahuecuächina'a. 'Corupä'i'inätörö pä'äji jȩtti̧nö̧ cuyäru'tänä huȩyu̧cua̧'a̧ topö ro̧ȩpi̧nä̧u̧.

Apocalipsis 20:12 ပူးပေါင်းရင်းမြစ်များ

San Mateo 11:22

Ja̧'wa̧nü̧ ja̧'a̧ttü̧ ukuturu pä'üsä, pojokuä mo̧ro̧ päi'omȩnä̧ ukuturumä̧ Tiro ttü̧ja̧ttü̧'i̧nä̧, Sidón ttü̧ja̧ttü̧'i̧nä̧ abonä̧nü̧ usurä kuȩmä̧wä̧tu̧ku̧nä̧ ro̧ȩkuä̧ kkä̧kuä̧u̧jä̧.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Romanos 2:6

Isopäi'ünä̧ Dio-mä̧ yotukunä̧ jȩtti̧nü̧'a̧kuä̧ i̧mi̧tä̧kua̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

Apocalipsis 11:18

Ukuru esetokotümä̧, rü̧ȩnä̧ tta̧mi̧ sura'a, ja̧'wa̧nü̧ ja̧'a̧nä̧ ji̧yȩ mo̧ro̧ rȩbȩä̧kuä̧wa̧'a̧, pä̧i̧ku̧nä̧, usurä ttȩmä̧u̧nä̧ ro̧kuȩpä̧kuȩ mo̧ro̧, «Jua̧u̧nü̧ mo̧ro̧mä̧, wa'ü ikuinä̧tü̧ o'katoi'ünä̧rü̧ jȩtti̧nü̧ adiu ja̧ pä'ü'i̧nä̧, surojü ja̧ pä'ü'i̧nä̧ pä'ü ku̧ju̧nä̧kua̧jä̧. Profeta winä̧tü̧rü̧, ku̧mü̧wä̧yotürü, ukuotätürü, ruwotürü'i̧nä̧, usurä isotürü'i̧nä̧ adiwä juei kuiyä'chä̧kua̧jä̧. Ja̧'wa̧nü̧ jȩpü̧ pi̧jä̧ rȩjȩ surojuo'epätürü, si'epü kui̧kuä̧kua̧jä̧.»

Apocalipsis 13:8

Ja̧'wa̧nü̧ ja̧'a̧ttü̧, pi̧jä̧ ä̧kuo̧mȩnä̧ adikui'ino̧mȩttü̧ päi'ünä̧, usurä ȩmä̧u̧ to'e'ächinü̧, oweja mü̧ä̧ya̧ wa̧ üäre kuyäru'tä kkä̧kuä̧wä̧ kkä'tänä̧ tti̧mi̧ jui'ätümä̧, jua̧u̧ru̧ ttiwe'kiyunä̧ pȩjä̧mü̧ eseäkuäwinä̧tü̧.

Apocalipsis 17:8

Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

Apocalipsis 19:5

Ja̧'wa̧nü̧ ja̧'a̧, ruwo dȩä̧kä̧ttü̧ ji̧yȩtȩ rä̧mi̧pi̧na̧'a̧: «¡O'katoi'ünä̧ umüwäyotü wotümä̧ o'katoi'ünä̧ ukuotätümä̧, tä̧mü̧'i̧nä̧, ppo̧'ä̧tü̧'i̧nä̧ Dio-rü eseäkuäwätukui!»

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

Apocalipsis 20:11

Ja̧'wa̧ta̧nü̧, ji̧yȩtȩ ruwo wȩä̧wä̧kä̧ rü̧ä̧kä̧ tȩä̧kä̧ topinü̧sä̧ ja̧'wa̧ta̧nü̧ juä̧kä̧nä̧ pü̧rü̧'i̧nä̧. Jua̧u̧ ä'ka jo̧mȩttü̧ pi̧jä̧'i̧nä̧, mo̧ro̧jä̧'i̧nä̧ o'kajuiyütä tipächina̧a'a̧, pä'äjita'anü̧mä̧ uwäu juiyünä̧tä̧.

Apocalipsis 20:13

Ja̧'wa̧ta̧nü̧ rü̧ä̧ aje'i̧nä̧, juotottü to'e'ächinä̧tü̧rü̧ ppa̧wä̧di̧na̧'a̧; ja̧'wa̧ta̧nü̧ wa'are'i̧nä̧, wa'are rejuwiyä'i̧nä̧ jua̧u̧nä̧ wa'inä̧tü̧rü̧ ppa̧wä̧di̧na̧'a̧; ja̧'wa̧nü̧ ja̧'a̧mä̧ yotukunä̧ jȩtti̧nü̧'a̧kuä̧ päwi'inä̧u̧.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 21:27

Juȩnȩmä̧, yorisotä surojümä̧ doächoka'a jä̧kua̧'a̧, ya̧tȩ surojü jȩpü̧'i̧nä̧, yapareu'i̧nä̧ do'ächokü jä̧kua̧, jua̧u̧ ja̧jü̧ jueimä̧ kkä̧kuä̧wä̧ kuyäru'tä, oweja mü̧ä̧ya̧ jü̧nä̧ wa̧ üäre'tänä̧ i̧mi̧ rü̧tä̧rü̧tä̧ do̧ä̧chä̧kua̧.

Apocalipsis 22:12

«A̧, jitätä ja̧'a̧ku̧ ichüsä ja̧'wa̧ta̧nü̧ premio pättü'i̧nä̧ i'kächüsä ya̧ku̧nä̧rü̧ jȩtti̧nü̧ a̧kuä̧ chiyä'chä̧kuemä̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.