Apocalipsis 2:3 - Nuevo Testamento Uwotjüja

³ Ja̧'wa̧ta̧nü̧ ttü chi̧mi̧ eseu repe'ümä̧ rü̧ȩnä̧ usurä ȩmä̧u̧, käkuädi'oka'a aditä'ijüjä̧.

TÄ̧DO Ä̧CUÄ̧ I̧HUȨNȨ

³ Ttörö esetö cuami 'qui'ächi'ö ubara ttu'inöjä. Ja̧'hua̧ta̧nö̧ yoröiso 'cuäcuhuächi'oca'a, rö̧ȩnä̧ aditinöjä ttörö pä̧huä̧ rö̧jö̧ jȩpö̧.

Apocalipsis 2:3 ပူးပေါင်းရင်းမြစ်များ

San Marcos 15:21

Ja̧'wa̧nü̧ ja̧'a̧, Simón pä'ü mi̧kua̧, Cirene ttü̧ja̧sa̧, Alejandro'i̧nä̧, Rufo'i̧nä̧ ttä'orü pättara̧'a̧ttü̧ ppa̧'ä̧chü̧ juȩnȩnä̧ 'kuäopa'a ja̧'a̧. Jua̧u̧ru̧, ra̧wärü̧nü̧ we'inä̧tü̧, ü̧jo̧kä̧nü̧ kkä̧nü̧ toe'ächäkuäi ȩpi̧ya̧rü̧ pä'ü.

San Lucas 14:27

Ja̧'wa̧ta̧nü̧ ü̧jo̧kä̧nü̧ jäi kä'eku wȩnä̧wi̧'ü̧ cho'ka'anä̧, i̧'chü̧ juiyüttümä̧, chu̧mü̧wä̧ya̧mä̧ päi'ü juiyünä̧ jä̧kua̧'a̧.

San Lucas 18:1

Jesú-mä̧ 'kuättächi'oka'a 'kuäopünä̧tä̧ Dio-rü ttukuokua pä'ümä̧ ji̧yȩtȩnä̧ wȩnȩtü̧ jiäwinä̧u̧.

San Lucas 21:19

Isopäi'ünä̧ rüjí mo̧ro̧bü päi'ünä̧, 'kȩkui̧pä̧chä̧tu̧kuo̧ka̧'a̧ jü̧ttü̧mä̧, surojüttü ku̧ji̧pä̧kuo̧tü̧jä̧.

San Lucas 5:5

Päiyäku Simón-mä̧ ädätinä̧ku̧: —Wo̧juȩkuä̧ i̧sa̧, yodó 'kuäo'ünä̧ usurä tȩmä̧wa̧'a̧nä̧ yorisotä wo'opokotü päjätüjä̧; ja̧'wa̧nü̧ ja̧'a̧nä̧, uku kui̧wȩnȩ päkua'attü̧ chiäre ma'aya i̧sä̧sa̧ iku 'chü̧sä̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

Romanos 12:12

Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.

Romanos 16:12

Trifena-rü̧'i̧nä̧, Trifosa-rü'i̧nä̧ tu̧ru̧wa̧ weäwä aditä'ijätürü te'äwiyätukuittü; tawaruwaju tüjäwaju Pésida-rü'i̧nä̧, Tu̧ru̧wa̧ aditäwä rü̧ä̧nä̧ aditä'ijürü'i̧nä̧, jü̧nä̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Romanos 8:25

Ja̧'wa̧nü̧ ja̧'a̧nä̧, ji̧nä̧ totokü tta̧tä̧ro̧mȩnä̧mä̧, tta̧mi̧'ki'ächi'ü tta̧'a̧rä̧tü̧jä̧.

1 Corintios 13:7

O'kajuiyünä̧ usurä ȩmä̧wä̧kuä̧wä̧ ja̧'a̧, o'kajuiyünä̧ esetäkuäwä ja̧'a̧, o'kajuiyünä̧ tta̧wä̧rä̧kuä̧wä̧ ja̧'a̧, o'kajuiyünä̧ tta̧mi̧'kiächi'äkuäwä ja̧'a̧.

1 Corintios 16:16

Ja̧'wa̧ta̧nü̧ ukutu'i̧nä̧ juätürü kukuotätukua pä̧wä̧rü̧jä̧ku̧sä̧ ja̧'wa̧ta̧nü̧ o'katoi'ünä̧rü̧ Dio jäwänä̧ ppä̧'ä̧dä̧rü̧ aditätürümä̧.

2 Corintios 10:15

Ja̧'wa̧nü̧ ja̧'a̧ttü̧, kkorotü ttaditinü̧nä̧mä̧ esewokotüjä̧, ujutu taditüttü rä'opächümä̧. Ja̧'wa̧nü̧ ja̧jü̧ jueimä̧, ukutuku tadita pä'ätüjä̧ kua̧'kua̧ ku̧wȩnä̧rä̧tu̧ku̧ rü̧ä̧chü̧ta'anü̧, ujutu rü̧tä̧chü̧nä̧ tu̧wo̧juȩti̧nü̧nä̧;

2 Corintios 11:23

Juätü'i̧nä̧, Crito aditäwä aditätü jü̧ttü̧mä̧; (ttu̧'ȩpä̧ro̧kü̧ 'kua̧rü̧nä̧ pä'üsä) ttümä̧, abonä̧nü̧ wa̧sä̧; adikuättümä̧, juätüttü'i̧nä̧ abonä̧nü̧ aditä'ijüsä; juätüttü'i̧nä̧ abonä̧nü̧ kuäkuättinä̧ku̧sä̧; kärenä'i̧nä̧ rü̧ȩnä̧ pinü̧sä̧; tode'ächü'anü̧ jü̧'i̧nä̧ rü̧ȩnä̧ 'kuä'opinü̧sä̧.

2 Corintios 4:1

Ja̧'wa̧nü̧ ja̧'a̧ttü̧, pi̧yȩ taditäwämä̧ Dio rȩrü̧jü̧ topü iyinä̧u̧ ta'attü̧ 'kuä'ächi'okotüjä̧.

2 Corintios 4:16

Ja̧'wa̧nü̧ ja̧'a̧ttü̧, juiyupächi'okotüjä̧. Wä̧mȩnä̧ tidepämä̧ 'kuo̧pa̧ja̧'a̧nä̧ surojuoächa'anä̧, jakuänä̧ ta̧'kua̧rü̧mä̧ mo̧ro̧ji̧nü̧'a̧kuä̧ jareünä̧tä̧ juoächa'a.

2 Corintios 5:9

Ja̧'wa̧nü̧ ja̧'a̧ttü̧, tidepänä̧ tü̧ja̧kua̧ pä'ü'i̧nä̧; tidepä jo̧kü̧nä̧ tü̧ja̧kua̧ pä'ü'i̧nä̧, Tu̧ru̧wa̧ eseunä̧ tü̧ja̧ pä'ätüjä̧.

2 Corintios 6:5

kuäkuättomȩnä̧'i̧nä̧, kärenä̧ tü̧'o̧mȩnä̧'i̧nä̧, tä'oka'a usurä tȩmä̧wo̧mȩnä̧'i̧nä̧, ppäi ttütomȩnä̧'i̧nä̧;

Gálatas 6:2

Ya̧tȩ ȩpü̧mä̧, kkorotü'i̧nä̧ ppä'ädäkuäu ȩpä̧tu̧kui̧, ja̧'wa̧nü̧ jȩpü̧tä̧ Crito aditinü̧mä̧ kuaditäkuotüjä̧.

Gálatas 6:9

Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.

Filipenses 2:16

Kkä̧kuä̧wä̧ wȩnȩmä̧ käkuädi'ätukuoka'a esetätukui, Crito ichomȩnä̧ ttü ukuo tedäwäkua'anü̧. Yaparemä̧ usurä ȩmä̧u̧mä̧ aditokü pinü̧sä̧ pädäkua'anü̧.

Filipenses 4:3

Ja̧'wa̧ta̧nü̧ uku, ttürü ppä'ädä̧rä̧'i̧jü̧rü̧'i̧nä̧ jä'epüsä, juätü nä̧tü̧rü̧ ppäkuäda pä'ü. Juätümä̧ adiwä wȩnȩ jidäwomȩnä̧ ppä'ädäri̧nä̧tü̧, ja̧'wa̧ta̧nü̧ Clemente'i̧nä̧, kkorotü'i̧nä̧ aditinä̧tü̧. Juätü o'katoi'ünä̧ tti̧mi̧pi̧yä̧mä̧ wȩyu̧tu̧ rütäwa'a pa̧'a̧, kkä̧kuä̧wä̧ i'ko kuyäru'tänä̧.

Colosenses 1:11

Ja̧'wa̧nü̧ jo̧mȩnä̧, Chutä adiwä juei ujurunä̧tä̧ kujuruwätukuäkuotüjä̧, surojü 'kuäopomȩnä̧ ma̧kuä̧chä̧tu̧ku̧ juiya pä'ümä̧.

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

1 Tesalonicenses 2:9

Chawaruwä chi̧jä̧wa̧tü̧ ukutu kuamükuädätukuttümä̧ wo̧juä̧tü̧jä̧, ujutu taditinü̧'i̧nä̧, usurä tȩmä̧wi̧nü̧'i̧nä̧, jü̧nä̧. Mo̧ro̧'i̧nä̧, yodo'i̧nä̧, aditinä̧tü̧jä̧ ukuturu jä̧'ȩpä̧rü̧ jui'ümä̧, Dio i̧wȩnȩ, jareü wȩnȩ jitäwa'a rekuä rü̧jä̧u̧mä̧.

1 Tesalonicenses 5:12

Chawaruwä chi̧jä̧wa̧tü̧, ukutuku aditü, igresia-nä̧ Tu̧ru̧wa̧ jäwä ji'äu o'ipätürü ukuotätukui.

2 Tesalonicenses 3:13

Ja̧'wa̧nü̧ ja̧'a̧nä̧, chi̧jä̧wa̧tü̧ adiwäjuei jȩpü̧ ku̧ja̧kuä̧tu̧ku̧mä̧ 'kuäkuächi'ätukuä.

2 Tesalonicenses 3:5

Tu̧ru̧wa̧tä̧ ppä̧dä̧kuä̧u̧jä̧ Dio eseuta'anü̧ kuesewätukunä̧ usurä kuȩmä̧wä̧tu̧kuo̧mȩnä̧ Crito ujuru ku̧ju̧nä̧rä̧kuo̧tü̧jä̧.

2 Tesalonicenses 3:8

mipponä̧mä̧ kkorotü ttu̧kuȩttü̧mä̧ kuokotü pinä̧tü̧jä̧. Ja̧'wa̧nü̧ jȩtta̧jue'imä̧ mo̧ro̧'i̧nä̧, yodo'i̧nä̧ 'kuäo'ünä̧ aditü usurä ȩmä̧u̧ borepäkuäwinä̧tü̧jä̧ ukututtü ya̧tȩrü̧ pä'ü'i̧nä̧ a̧mä̧kü̧ juiya pä'ümä̧.

1 Timoteo 4:10

Ja̧'wa̧nü̧ jo̧mȩttü̧ yabokutä aditätüjä̧, ja̧'wa̧ta̧nü̧ ta̧'kua̧ tu̧wȩnä̧rü̧mä̧ Dio wa'ikuokünä̧tä̧ kka̧kua̧'a̧. Jua̧u̧mä̧ o'katoi'ünä̧rü̧ ra̧wä̧pi̧jü̧ttü̧ ttü̧ji̧pü̧nä̧ jȩpi̧nü̧. Ji̧nä̧somä̧ churutä esetätürü ppä'ädinü̧.

1 Timoteo 5:17

Igresia-ttü a̧ci̧a̧nu̧ wotü adiu aditätümä̧, todäre jo̧mȩnä̧ mikuä ttȩma̧ pä'ü ja̧'a̧ ji̧nä̧somä̧ Dio i̧wȩnȩ ji'äu wo̧juȩtä̧tü̧rü̧ ja̧'a̧.

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

Hebreos 13:13

Ja̧'wa̧nü̧ ji̧nü̧ta'anü̧, ujutu'i̧nä̧ jua̧u̧ ü̧jo̧mȩku̧ ti̧'cha̧ pä'ätukui, ttü̧ja̧kuo̧mȩ u̧mi̧ku̧; jua̧u̧ru̧ ji̧nü̧ta'anü̧ usurä tȩmä̧u̧nä̧ ya̧ttä̧wä̧'cha̧tü̧ pä'ü.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Hebreos 6:12

Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

Hebreos 6:15

Ja̧'wa̧nü̧ ji̧nü̧ o'ka'a, a̧mi̧ 'ki'ächi'ü tta̧wä̧ri̧na̧'a̧mä̧, Abraha̧-mä̧ Dio iya päinü̧mä̧ iyinä̧ku̧.

2 Pedro 1:6

Ja̧'wa̧ta̧nü̧ wo̧jui̧'ä̧kuä̧wä̧tä̧, tta̧mü̧nä̧ weäkuäwoküra̧'a̧, ja̧'wa̧ta̧nü̧ tta̧mü̧nä̧ weäkuäwokümä̧ tta̧mi̧ 'kiächi'äkuäwära̧'a̧; tta̧mi̧'kiächi'äkuäwätä, rȩrü̧jü̧ toäkuäwära̧'a̧;

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.