Apocalipsis 19:3 - Nuevo Testamento Uwotjüja

³ Pä'äjita'anü̧ pä'inä̧tü̧: «¡Aleluya! jü̧nä̧. Ja̧'wa̧nü̧ ja̧'a̧, juäju kuojarä isoppamä̧ 'kuäopünä̧ mo̧ro̧ kki̧ä̧mü̧nä̧tä̧ 'chawädäkuoppa.»

TÄ̧DO Ä̧CUÄ̧ I̧HUȨNȨ

³ Ja̧u̧nu̧ o'ca'a, pä'äji ta'anö pä'inätö: —¡Aleluya! Jahuäju cuo'ö kicuinomettö, ocurä isoppa 'cuäopönätä, yoröiso beipoca'anä, 'chahuädäcua'a.

Apocalipsis 19:3 ပူးပေါင်းရင်းမြစ်များ

Judas 1:7

Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.

Apocalipsis 14:11

Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»

Apocalipsis 18:18

ütawiyä kuoa'a, isoppa to̧pä̧rü̧, wopinä̧tü̧: «¿Tȩnȩ́jä̧ttü̧, kkoro ütawiyä pi̧yȩ ütawiyä rü̧ä̧'i̧jo̧mȩku̧ üyoreku'anü̧ jo̧mȩmä̧?»

Apocalipsis 18:9

Ja̧'wa̧ta̧nü̧ pi̧jä̧nä̧ttü̧ ruwotü juäjutäku surojü, ttidepä esewomȩnä̧ kka̧kui̧nä̧tü̧mä̧, juäju kuo'ü kkikua'a okurä isoppa 'chawäda'a topü, rü̧ȩnä̧ ttajuäkuäwäkuotü,

Apocalipsis 19:1

Jua̧u̧ 'kuäopäji o'ka'a, mo̧ro̧jä̧ra̧'a̧ttü̧ ttü̧ja̧ rekuätü pä̧i̧ku̧nä̧ wotta'a ä̧ju̧kui̧nü̧sä̧: «¡Aleluya! ra̧wä̧pi̧jü̧ttü̧ kki̧'i̧kuä̧'i̧nä̧, uruwo'i̧nä̧ ja̧'wa̧ta̧nü̧ ujuru'i̧nä̧ tü̧ä̧nä̧wa̧ Dio jäwätä ja̧'a̧,

Apocalipsis 19:4

Ja̧'wa̧ta̧nü̧ Veintikuatro-nü̧ wotü a̧ci̧a̧nu̧tu̧'i̧nä̧, pa̧ja̧kuä̧nü̧ wotü a̧'kua̧rä̧tü̧'i̧nä̧ rȩjȩbü päi'ünä̧ ja̧rȩyu̧ pä'i'ü, Dio uruwo deäkänä̧ pü̧rü̧ eseäkuäwinätü̧. Pa̧'a̧nü̧ pä'ünü̧: «¡Amȩ́! ¡Aleluya!» jü̧nä̧.