Apocalipsis 17:8 - Nuevo Testamento Uwotjüja

⁸ Jua̧u̧ i̧sa̧ büó betia to'kuäjäkumä̧, ya̧tȩ kki̧nü̧ ja̧'a̧ ja̧'wa̧nü̧ ja̧'a̧nä̧ jitämä̧ täkü kko̧kü̧; ja̧'wa̧nü̧ ja̧'a̧nä̧, rȩjȩku̧ 'kuȩya̧ppa̧nü̧ ja̧'a̧ttü̧ räopä̧kua̧, jo̧mȩnü̧ kuä'ü ikuäwarü pä'ü. Pi̧jä̧ ttü̧ja̧, pi̧jä̧ uwäbeinomȩttü̧ kkä̧mä̧dü̧, kkä̧kuä̧wä̧ kuyäru'tänä̧ tti̧mi̧pi̧yä̧ jui'ätümä̧, jua̧u̧ i̧sa̧ büó betia, täbokü kki̧nü̧ ja̧'a̧nä̧, jitämä̧ kko̧kü̧rü̧, ja̧'wa̧ta̧nü̧ ü̧jä̧kua̧rü̧ topü, to̧o̧ to̧ttä̧rä̧kuo̧tü̧, jua̧u̧ru̧ topü.»

TÄ̧DO Ä̧CUÄ̧ I̧HUȨNȨ

⁸ Ja̧u̧ pä̧i̧cua̧ i̧sa̧ tocu'äcumä, täbocö ki̧nö̧. Ja̧'hua̧nö̧ ja̧'a̧nä̧ jitämä yoröiso toa'a. Ja̧'hua̧ ja̧'a̧nä̧ reju, yoröiso beipocojuttu 'cha̧huä̧chä̧cua̧ röji hua'ö icuäcua'a ä'canänö. Pi̧jä̧ ttö̧ja̧, pi̧jä̧nä̧ ka̧cuä̧tö̧mä̧, pi̧jä̧ ttaditinö mo̧ro̧ kä̧cuä̧huä̧ i'co cuyäru'tä tti̧huȩyu̧ti̧nö̧'tänä tti̧mi̧ huȩyu̧cuo̧co̧tö̧mä̧, ja̧u̧ pä̧i̧cua̧ i̧sa̧, jitämä ö̧jo̧ca̧'a̧nä̧ täbocö ö̧ji̧na̧'a̧, yodoji'inä pä'äji ta'anö ö̧jä̧cua̧rö̧ ye'ö tottäcuotö.

Apocalipsis 17:8 ပူးပေါင်းရင်းမြစ်များ

San Mateo 25:34

Ja̧'wa̧nü̧ ja̧'a̧ Ru̧wa̧ Rey-mä̧ u̧wo̧jua̧'a̧ku̧nä̧ kka̧kuä̧tü̧rü̧ pä̧kua̧: Ichätukui Chä'o ppädinä̧u̧mä̧, pi̧jä̧ adikui'ino̧mȩttü̧ päi'ünä̧ ukuturu wekuätukua pä'ü jo̧mȩnü̧ jȩpü̧ u̧ju̧ni̧nü̧ kuȩmä̧tu̧kua̧.

San Lucas 10:20

Epíritu-tu̧'i̧nä̧ ukuturu wekuätuku ttukuota'amä̧ kueseäkuäwätukuä, ji̧nä̧somä̧ mo̧ro̧jä̧ra̧'a̧ kui̧mi̧tu̧ku̧ pa̧'a̧tä̧ eseäkuäwätukui.

San Lucas 8:31

Ja̧'wa̧ta̧nü̧ rü̧ȩnä̧, Jesú-ru ajuäkuäwinü̧, dȩa̧'a̧ku̧ 'kuȩya̧ppa̧ jä̧ju rejura̧'a̧ we'ü iku juiyatü pä'ü.

San Juan 17:24

Chä'o juätü ttürü kui̧yi̧nä̧u̧mä̧, ttü chü̧jo̧mȩ ttü̧ja̧kua̧ pä'üsä, ttürü kuiyinü̧ chukuo jäwä tottäkua'anü̧; Isopäi'ünä̧ ttürümä̧ pi̧jä̧ adikui'äkua'a ä'kojitä päi'ünä̧ eseu repe'inü̧jä̧.

Hechos 15:18

pä'ü Tu̧ru̧wa̧mä̧, pi̧yȩmä̧ mo̧ täbokütä päi'ünä̧, ttu̧wo̧juö̧nä̧ ukuokuinü̧ ja̧'a̧ttü̧.

Efesios 1:4

Dio-mä̧ pi̧jä̧ uwäbe'äkua'a ä'kanä̧, Crito-nä̧mä̧ pojopü ȩmi̧nä̧u̧jä̧, chutä ä'ka jo̧mȩ surojü juiyünä̧, chutä üjü'komȩnä̧ tü̧ja̧kui̧ya̧rü̧ pä'ü. Rȩrü̧jü̧ toa'attü̧,

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

1 Pedro 1:20

Crito-mä̧ pi̧jä̧ uwäbe'äkua'a ä'kanä̧ ja̧'wa̧nü̧tä̧ jȩa̧ päinä̧ku̧, ja̧'wa̧nü̧ ja̧'a̧nä̧ pi̧yȩ rüjí mo̧ro̧mä̧ ukuturu ppädünä̧tä̧ i̧jȩkuä̧cha̧'a̧.

Apocalipsis 11:7

Ja̧'wa̧nü̧ ja̧'a̧ ji'äu kättädü o'ka'amä̧, 'kuȩya̧ppa̧nü̧ jä̧ju rejuttü rä'opü i̧sa̧ Betia pättäkumä̧ juätuku ürowäwä̧kua̧, juätüttü'i̧nä̧ abo 'kuä'o'ü, kuä'ü i̧kuä̧kuä̧u̧.

Apocalipsis 17:11

I̧sa̧ büó betia ä̧kuo̧mȩnä̧ ü̧ji̧na̧'a̧nä̧, jitä kko̧kü̧ päjimä̧, juätü kko̧ro̧mü̧ttü̧nü̧ ta̧ju̧ ruwotü päjätü i̧sa̧ ja̧'a̧. Pä'äjita'anü̧ ruwo we'ü i̧chä̧kua̧, kko̧ro̧mü̧ttü̧nü̧ wäbodäkuä päi'ünä̧ ja̧'wa̧nü̧ ja̧'a̧nä̧, jo̧mȩnü̧, ya'utekutä si'epü ikuäwä̧kua̧.»

Apocalipsis 17:2

Juäjuku jȩpä̧kuä̧wä̧'chü̧ surojuo'ächinä̧tü̧ pi̧jä̧nä̧ttü̧ ruwotümä̧ ja̧'wa̧ta̧nü̧ pi̧jä̧ ttü̧ja̧mä̧, juäju kkawoya, vino isoya au ttidepä iyä'chäkuäu tä̧'ä̧mä̧kuäwi̧nä̧tü̧.»

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 20:12

Ja̧'wa̧nü̧ ja̧'a̧ topinü̧sä̧ wa'ü ikuinä̧tü̧rü̧'i̧nä̧, tä̧mü̧rü̧'i̧nä̧, ppo̧'ä̧tü̧rü̧'i̧nä̧, ruwo dȩä̧kä̧ ä'ka jo̧mȩ ttü̧ja̧kua̧'a̧; kuyäru o'tä bawekuächina̧'a̧, ja̧'wa̧ta̧nü̧ kkoro'tä, kkä̧kuä̧wä̧ kuyäru'tä'i̧nä̧ bawekuächina̧'a̧. Wa'inä̧tü̧mä̧ jȩtti̧nü̧'a̧kuä̧ päwi'inä̧u̧, jua̧u̧ kuyäru o'tänä̧ pä'ü rütäwuö'akuä.

Apocalipsis 20:15

Jua'atä do'opü ikuinä̧u̧, kkä̧kuä̧wä̧ kuyäru'tänä̧ tti̧mi̧ jui'ätürümä̧.

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

Apocalipsis 3:5

Isó juo'epü surojü abo 'kuä'o'ätürümä̧ ttü̧'ka̧tä̧wä̧ti̧yu̧ teü o̧ta̧ 'ka̧tä̧wä̧kuo̧tü̧ ja̧'wa̧ta̧nü̧ tti̧mi̧'i̧nä̧ kkä̧kuä̧wä̧ i'ko kuyäru'tättümä̧ si'epümä̧ chikuoko̧u̧ ttäkuotü, pärokua'aku chä'o'i̧nä̧ ä'kattü, umüwäyotü á̧gȩrȩ'i̧nä̧ ttä'kattü adiutä chukuokuäkua̧sä̧.