Apocalipsis 16:2 - Nuevo Testamento Uwotjüja

² Ä̧kuo̧mȩnä̧ i̧sa̧ á̧gȩ 'chä̧wi̧'ü̧ üäre copa i̧so̧'ta̧ pi̧jä̧ra̧'a̧ to'inü̧; ja̧'wa̧nü̧ toomȩnä̧ o'katoi'ünä̧ i̧sa̧ büó betia i̧mi̧ rütäwotürümä̧ ja̧'wa̧ta̧nü̧ jua̧u̧tä̧ a̧'kua̧juä̧ tätäwä'ka ttiwe'kiyunä̧ kkä̧mä̧dü̧ esewä'ijätürümä̧, ttüttawiyä surojü, rü̧ȩnä̧ barau räreäkuäwinä̧u̧.

TÄ̧DO Ä̧CUÄ̧ I̧HUȨNȨ

² Äcuomenä ángel i̧sa̧ 'chä̧ji̧'ca̧, öäre i̧so̧'ta̧ to'inö rȩjȩra̧'a̧cu̧. O'ca toi'önä ttö̧ja̧mä̧, ja̧u̧ pä̧i̧cua̧ i̧sa̧ öäre sello ta'ähuotö'inä, ja̧u̧ pä̧i̧cua̧ i̧sa̧ a̧'u̧cuä̧ esehuinätö'inä, ttöttahuiyä rö̧ȩnä̧ suronä barahuä̧u̧ na̧'ä̧chi̧nä̧tö̧.

Apocalipsis 16:2 ပူးပေါင်းရင်းမြစ်များ

Hechos 12:23

Wotta'anä̧ yotäku, Tu̧ru̧wa̧ i̧sa̧ á̧gȩ jȩä̧ku̧ na̧'ä̧chi̧pinü̧, Dio-rü esewokomȩnä̧ ja̧'wa̧nü̧ ja̧'a̧ttü̧ mi̧yü̧ kuä̧nü̧ ttikuäku 'korujuo'ächinü̧.

Apocalipsis 13:12

Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

Apocalipsis 14:16

Ja̧'wa̧nü̧ päku, ajiya isoppa wä̧mȩ pä̧ji̧mä̧ üärekä hoz pättäkä pi̧jä̧nä̧ 'kuiopomȩnä̧, pi̧jä̧nä̧ttü̧ u̧wä̧ju̧mä̧ ka̧ka̧kui̧'i̧na̧'a̧.

Apocalipsis 14:9

Juȩnȩ o'komȩnä̧ kka̧ra̧, wäbodäkuä á̧gȩ, pä̧i̧ku̧nä̧ wopinü̧: «Ya̧tȩ, i̧sa̧ büó betia pättäkuru ja̧'wa̧ta̧nü̧ jua̧u̧ a̧'u̧kuä̧ adikuä'karü iwe'kiyunä̧ pä̧mä̧dü̧ eseuttümä̧ ja̧'wa̧ta̧nü̧ u̧mü̧nä̧'i̧nä̧, unä̧'i̧nä̧ ttütünä̧ iyäkuäuttumä̧,

Apocalipsis 16:1

Ja̧'wa̧ta̧nü̧ ji̧yȩtȩ, Dio ü̧jo̧dettü pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧, jua̧u̧mä̧ sietenü̧ wotü á̧gȩrȩ-rü pä'inü̧: «jua̧u̧ kko̧ro̧mü̧ttü̧nü̧ to̧'ta̧rȩ, copa pättü o̧'ta̧nä̧ aku Dio ü̧ra̧wä̧rü̧ rȩjȩra̧'a̧ to'äjätukui.»

Apocalipsis 16:11

Ja̧'wa̧nü̧ ja̧'a̧nä̧'i̧nä̧ ttü̧ja̧mä̧, barau usurä, ttüttawiyä ubara ttutta'anä̧'i̧nä̧, suronä̧ jȩttü̧mä̧ kättädi'oka'a, yaboku Dio mo̧ro̧jä̧ ru̧wa̧rü̧mä̧ suronä̧tä̧ pä'inä̧tü̧.

Apocalipsis 8:7

Ä̧kuo̧mȩnä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ajiya jamara ttawäwina̧'a̧, okurä'i̧nä̧, ttukuojaku wiwaunä̧. Pi̧jä̧ o'kajuiyünä̧ dauwiyä'i̧nä̧, isä'kua'i̧nä̧ jo̧mȩnü̧ kuo'ü ikua pä'ümä̧ a̧'u̧ku̧nä̧tä̧ juiyächi'ünä̧ päi'ünä̧.