Apocalipsis 16:19 - Nuevo Testamento Uwotjüja

¹⁹ Ütawiyä rü̧o̧mȩmä̧ wäbodäkuä jo̧mȩnä̧ 'kä̧'chä̧wi̧pi̧na̧'a̧, ja̧'wa̧ta̧nü̧ pi̧jä̧nä̧ttü̧ ütawiyä kka̧ku̧mä̧ ma̧ä̧chi̧na̧'a̧; ja̧'wa̧nü̧ päi'a'attü, yȩnȩ ütawiyä rü̧o̧mȩ Babironia pättomȩ Dio-mä̧ amükuädi'inü̧, rü̧ȩnä̧ a̧mi̧ suräku, juȩnȩ usurä ttȩmä̧u̧nä̧ ü̧tä̧bo̧ta̧ pä'ü.

TÄ̧DO Ä̧CUÄ̧ I̧HUȨNȨ

¹⁹ Ötahuiyä rö̧ome, huäbodäcuä ötahuiyä jo̧mȩnä̧ päi'ina'a. Pi̧jä̧ttö̧ ötahuiyä'inä päcua'acu ma̧ä̧chi̧na̧'a̧. Ja̧'hua̧ ja̧'a̧nä̧ Dios amöcuädinö ötahuiyä rö̧ome, Babilonia ötahuiyä. Chutä ö̧ra̧huä̧ra̧'a̧ttö̧, ro̧ȩcuä̧ vino ttahua pä'ö hue'inö juhua'a ötahuiyänä ka̧cuä̧tö̧rö̧.

Apocalipsis 16:19 ပူးပေါင်းရင်းမြစ်များ

Apocalipsis 11:8

Juätü kuä'äu i̧kuä̧jä̧u̧ o'kotümä̧, ütawiyä bäreu mä̧ni̧yä̧nä̧ ttü'ȩjä̧kuo̧tü̧, epíritu jäwänä̧mä̧ Sodoma, Egito pä'ü mi̧kuomȩ, ujutu Tu̧ru̧wa̧rü̧ ü̧jo̧kä̧nü̧ jäinä̧ kuä'ü ttikuino̧mȩ.

Apocalipsis 17:1

Kko̧ro̧mü̧ttü̧nü̧ ta̧ju̧ wotüttü ya̧tȩ á̧gȩ, kko̧ro̧mü̧ttü̧nü̧ to̧'ta̧rȩ copa o̧'ta̧ 'chu̧ä̧rä̧nü̧ ichi'ü päinä̧ku̧sä̧: «Ichiwä, chi̧jȩpa̧ku̧ u̧mä̧tu̧ku̧ jȩpä̧'chä̧kuä̧wä̧'i̧jä̧ju̧ büarü, ajewiyä wä̧mȩ pä̧ju̧ru̧ usurä kkȩmä̧u̧nä̧ ro̧ȩkuä̧kuȩ.

Apocalipsis 17:18

Isaju to'kuäjäkuamä̧, ukuo ütawiyärü ja̧'a̧, pi̧jä̧nä̧ttü̧ ruwotü ttu̧wä̧mȩnä̧ weü ütawiyä.

Apocalipsis 17:5

juäju kki'änä̧mä̧ ttieruwuö wȩyu̧kua̧'a̧ rü̧tä̧ri̧nä̧ju̧: «Ukuo isomȩ Babironia ütawiyämä̧, pi̧jä̧ttü̧ ttidepä iyä'chäkuäwä'ijätü, o'katoi'ünä̧ surojünä̧ kkä̧'i̧jä̧tü̧ tta̧ju̧ ja̧'a̧» pä'a.

Apocalipsis 18:10

Juäju usurä kkȩmä̧u̧, ye'eku otonä̧ kkä̧nü̧, pättäkuotü: «¡Isottü̧, isoó, ukumä̧, ütawiyä rü̧ä̧'i̧jo̧mȩ Babironia-mä̧, kujuru rü̧ȩnä̧ kku̧ju̧nä̧rä̧'i̧jo̧mȩmä̧! Tta̧'a̧nü̧ pä'ü, ya'utekutä ukuru tä̧bo̧kuä̧mä̧ rȩbȩwä̧ku̧jä̧ttü̧.»

Apocalipsis 18:2

Pä̧i̧ku̧nä̧ wopinü̧: ¡Täkü ma̧ä̧chä̧ja̧'a̧, täkü ma̧ä̧cha̧'a̧ ukuo isomȩ Babironia-mä̧! ¡Suropätü ä̧wȩttü̧, demonio pä̧ttä̧u̧ ttojusode jü̧nä̧tä̧ juoächäja'a, o'katoi'ünä̧ epíritu-tu̧ suropätü ttü̧ja̧kuo̧mȩ jü̧nä̧tä̧, ja̧'wa̧ta̧nü̧ o'katoi'ünä̧ ppi̧yu̧ suropätü, ttu̧so̧ro̧tä̧u̧ ttü̧ja̧kuo̧mȩ jü̧nä̧tä̧!

Apocalipsis 18:21

Ja̧'wa̧nü̧ ja̧'a̧, ya̧tȩ á̧gȩ ju̧ru̧wa̧ ido'ki, trigo kkäräwä ido'ki jä̧'i̧nü̧'a̧nü̧ jo'ki kä'epo'ü, rü̧ä̧ ajenä̧ iku pä'inü̧: «Ukurumä̧, pa̧'a̧nü̧ dȩa̧'ku̧ do'opü ikuäwäkuomȩjä̧, Babironia, ütawiyä rü̧o̧mȩmä̧, ja̧'wa̧nü̧ jü̧ o'ka'a, yorisotä pä'äjita'anü̧mä̧ toäkuäwokome jä̧kuo̧mȩjä̧.

Apocalipsis 18:5

Juätü suronä̧ jȩttä̧'i̧jü̧mä̧ mo̧ro̧jä̧ra̧'a̧bü päi'ünä̧ rȩbȩä̧kuä̧wä̧'i̧ja̧'a̧, ja̧'wa̧nü̧ ja̧'a̧ttü̧, ¡Dio-mä̧ suronä̧ jȩttä̧'i̧jü̧mä̧ ji̧yȩtȩ'i̧nä̧ unichi'o̧ko̧u̧!