Apocalipsis 16:14 - Nuevo Testamento Uwotjüja

¹⁴ Juätü epíritu-tu̧mä̧, suropätü demonio pä̧ttä̧u̧ tta̧'kua̧rü̧ isotü ji̧na̧'a̧, jȩtto̧kü̧ juei jȩpi̧nä̧tü̧, pi̧jä̧nä̧ttü̧ ruwotü kka̧kuä̧tü̧rü̧ ka̧ka̧tü̧ 'chi̧nä̧tü̧, ji̧yȩ ukuo mo̧ro̧ o'kajuiyünä̧ ju̧ru̧wa̧ Dio-ku kurä ttürowäwa pä'ü.

TÄ̧DO Ä̧CUÄ̧ I̧HUȨNȨ

¹⁴ Pitö espíritus suropätömä, ähuettä umöhuäyotö koro ttö̧ja̧ ttieru juäi jȩpi̧nä̧tö̧ pi̧nä̧tö̧. Jahuätömä, o'ca toi'önä pi̧jä̧ ruhuotörö ca̧ca̧tö̧ rä'opinätö, Dios, o'ca juiyönä ju̧ru̧hua̧, ttö̧ja̧rö̧ ro̧ȩcuä̧ mo̧ro̧ päi'omenä ttörohuähua pä'ö.

Apocalipsis 16:14 ပူးပေါင်းရင်းမြစ်များ

San Mateo 24:14

Ja̧'wa̧ta̧nü̧ pi̧yȩ jareünä̧ weü wȩnȩmä̧ pi̧jä̧ o'kajuiyünä̧ jiäkuä̧wä̧kuȩ, pi̧jä̧ ttü̧ja̧ o'katoi'ünä̧ ttu̧wo̧jua̧ pä'ü; ja̧'wa̧nü̧ jü̧ o'ka'a pi̧jä̧mä̧ beipächäkua'a.

San Mateo 24:24

Ja̧'wa̧ta̧nü̧ Crito i̧mi̧nä̧, profetas wotü tti̧mi̧nä̧ yaparewätü ttichäkuotü ja̧'wa̧nü̧ jȩpü̧ jȩtto̧kü̧ jä̧'i̧jü̧ jȩpä̧'chü̧, Dio ȩmi̧nä̧u̧ttü̧'i̧nä̧ ttesetünä̧ jȩttä̧kuo̧tü̧,

San Marcos 13:22

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

San Lucas 2:1

Ji̧yȩnü̧ pä̧nä̧ Césa Augusto ru̧wa̧ pä̧nü̧ ttü̧ja̧ o'katoi'ünä̧rü̧ we'inü̧ tti̧mi̧ tti̧wȩyu̧kuä̧kuä̧wa̧ pä'ü.

San Juan 8:44

Ukutumä̧ kuä'otuku äwettä i̧tti̧mü̧jä̧; jua̧u̧ru̧ pä̧wä̧rü̧jü̧tä̧ jȩ'kuä̧tu̧kua̧'a̧ttü̧. Jua̧u̧mä̧ ä̧kuo̧mȩnä̧ttü̧tä̧ päi'ünä̧ kkä̧mä̧dü̧ ttü̧ja̧rü̧ kuäwä i̧sa̧ pinü̧. Jua̧u̧mä̧ isopäi'ünä̧ wȩnȩ jäwänä̧mä̧ kko̧kü̧ pinü̧, chunä̧tä̧ isopäi'ünä̧ wȩnȩ juiya'attü. Ja̧'wa̧nü̧ ja̧'a̧ttü̧ yapareu wȩnȩ ukuokuomȩnä̧mä̧, chuttutä rä'eku ukuoku; jua'amä̧ ya̧pa̧rȩwa̧ ja̧'a̧ttü̧ ja̧'wa̧ta̧nü̧ jua̧u̧mä̧ yapareäkuäwätä jä'o ja̧'a̧.

Romanos 1:8

Ä̧kuo̧mȩnä̧mä̧, Tu̧ru̧wa̧ Jesucrito-nä̧, Chä'o Dio-rü eseusä. Ukutu kuesetätuku wȩnȩ o'kajuiyünä̧ ütawiyä pünä̧ ukuowa'a ä̧ju̧ku̧.

2 Tesalonicenses 2:9

Jua̧u̧ ttü̧ja̧sa̧ surojütä jȩä̧kuä̧wä̧ i̧sa̧mä̧ Satanás-tä̧ ppädäkuäwänä̧ i̧chä̧kua̧; rü̧ȩnä̧ ujuruku i̧rȩbȩwä̧kua̧ ja̧'wa̧ta̧nü̧ señales-ku, jȩtto̧kü̧ juei jä̧'i̧jü̧ yaparetü jȩä̧kua̧.

1 Timoteo 4:1

Ja̧'wa̧nü̧ ja̧'a̧nä̧ Epíritumä̧ jueünä̧tä̧ pä'ü rüjí mo̧ro̧ päi'omȩnä̧ yotukunä̧mä̧ tta̧'kua̧ ttu̧wȩnä̧rü̧ kättädi'äkuȩmä̧, epíritu-tu̧ suropätü isopäi'ünä̧ jo̧kü̧ jittäu ä̧ju̧ku̧, ja̧'wa̧ta̧nü̧ epíritu-tu̧ suropätü ttu̧wo̧juȩtü̧ ttesetäkuȩmä̧.

Santiago 3:15

Isopäi'ünä̧ pi̧yȩ wo̧juä̧wä̧ wȩnȩmä̧ Dio-ttümä̧ ichokü, ja̧u̧ ja̧jü̧jueimä̧ pi̧jä̧ ttü̧ja̧ ttu̧wo̧juö̧ttü̧tä̧, ttü̧ja̧sa̧ amükuädüttütä, ja̧'wa̧ta̧nü̧ chutä äwettättütä ichü ja̧'a̧.

1 Juan 5:19

Ujutumä̧ Dio-ku ji̧nä̧ ji̧yȩtȩ wotüjä̧ ja̧'wa̧ta̧nü̧ pi̧jä̧ ttü̧ja̧mä̧ o'katoi'ünä̧ äwettä weünä̧tä̧ kka̧kuä̧tü̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:3

Jua̧u̧ i̧sa̧ büó ú jiyutenä̧mä̧, ya̧tȩ kuäina̧'a̧ 'kua̧ri̧nü̧, 'koru päi'a pä'ü ja̧'wa̧nü̧ ja̧'a̧nä̧ juȩnȩ toe'ächa pä'ü kuäino̧mȩmä̧ wawächächina̧'a̧ ji̧na̧'a̧; ja̧'wa̧nü̧ jo̧mȩnä̧ pi̧jä̧ ttü̧ja̧ o'katoi'ünä̧ eseäkuäu jua̧u̧ i̧sa̧ büó betia pättäku o'ka'anä̧ 'chi̧nä̧tü̧.

Apocalipsis 16:16

Ja̧'wa̧nü̧ ja̧'a̧ttü̧, pi̧jä̧nä̧ ruwotürümä̧ ka̧ka̧tü̧ kku̧ni̧nä̧tü̧, hebreo tti̧wȩnȩnä̧mä̧ armagedó̧ pä'ü mi̧kuomȩ.

Apocalipsis 16:7

Ja̧'wa̧ta̧nü̧ altar pättomȩttü̧, rä̧mi̧pa̧'a̧ ä̧ju̧kui̧nü̧sä̧: «A̧ Chu̧ru̧wa̧, isopäi'ünä̧, ukumä̧ adiwomȩnä̧ jȩpü̧jä̧, Dio o'kajuiyünä̧ kujuru kku̧nä̧rü̧ kua'attü̧, isopäi'ünä̧tä̧, jueünä̧tä̧ jȩpü̧jä̧.»

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 20:8

ja̧'wa̧nü̧ rä'opächü, pi̧jä̧ ttü̧ja̧rü̧ üyaparewä̧kua̧, pi̧jä̧ beipü u̧dü̧nä̧mä̧ o'kajuiyütä, Gog pättomȩ'i̧nä̧, Magog pättomȩ'i̧nä̧ jü̧nä̧, kurä ürowäwa pä'ü su̧ro̧do̧u̧ru̧ ka̧ka̧tü̧. Juätü ü̧ka̧ka̧tä̧u̧mä̧, rü̧ä̧ aje rȩba̧ 'kua̧rü̧nä̧ ttirekuäkuotü.

Apocalipsis 3:10

Ttü kua̧mi̧ 'kikuächi'ätukunä̧ wedinü̧mä̧ kukuotinä̧tu̧kua̧'a̧ttü̧, pi̧jä̧ ttü̧ja̧ o'katoi'ünä̧rü̧ kka̧kuä̧mü̧ toäkuäwä mo̧ro̧ päi'omȩnä̧'i̧nä̧ ttümä̧ tta̧dä̧rä̧kuä̧u̧jä̧.

Apocalipsis 6:17

Jua'amä̧, täkü ji̧yȩtä̧ oweja mü̧ä̧ya̧ jü̧nä̧ wa̧ ro̧ȩpü̧ mo̧ro̧ rȩbȩä̧kuä̧wa̧'a̧ttü̧, ¿ditä jä̧ttü̧ a̧mi̧ 'ki̧ä̧chi̧'ä̧kua̧mä̧?