Apocalipsis 14:7 - Nuevo Testamento Uwotjüja

⁷ Jua̧u̧mä̧, pä̧i̧ku̧nä̧ wopinü̧: «Dio-rü ukuotü eseäkuäwätukui, isopäi'ünä̧ pi̧jä̧ ttü̧ja̧rü̧ pojopü ro̧'ȩpü̧ hora-mä̧ rȩbȩä̧kuä̧wa̧'a̧. Ja̧'wa̧ta̧nü̧ kuiwe'kiyutukunä̧ pȩjä̧mü̧ eseäkuäwätukui mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧ ja̧'wa̧ta̧nü̧ ajewiyä kkada'ka'i̧nä̧ aditinü̧rü̧.»

TÄ̧DO Ä̧CUÄ̧ I̧HUȨNȨ

⁷ Ja̧u̧ i̧huȩnȩnä̧ pä̧i̧cu̧nä̧ pä'inö: —Diosrö ye'ecuätucui. Eseunu ucuocuätucuirö. Täcö jo̧mȩ päi'a'a pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” päa pä'ö. Mo̧ro̧jä̧'i̧nä̧, pi̧jä̧'i̧nä̧ dubora rö̧ora'inä, aje i̧sä̧rä̧'i̧nä̧ aditinörö esehuätucui.

Apocalipsis 14:7 ပူးပေါင်းရင်းမြစ်များ

San Mateo 25:13

Ja̧'wa̧nü̧ ja̧'a̧ttü̧, to̧pä̧rü̧nü̧ kka̧kuä̧tu̧kui̧, mo̧ro̧'i̧nä̧, hora'i̧nä̧ kuieruwätukua'attü̧.

San Lucas 17:18

¿Suro kko̧ro̧jä̧ ttü̧ja̧sa̧tä̧ ja̧'a̧, Dio-rü eseu ppa̧'ä̧chi̧'ä̧ji̧mä̧?

Hechos 14:15

Chawaruwä, ¿tta̧'a̧nü̧ pä'ü pi̧yȩmä̧ jȩ'kuä̧tu̧kua̧'a̧jä̧ttü̧? ujutu'i̧nä̧ ukutu jü̧ta̧'a̧nü̧ ttü̧ja̧jä̧. Suronä̧ jȩ'kuä̧tu̧ku̧ttü̧ kä'ädi'ü, Dio a̧'kua̧rü̧ku̧, mo̧ro̧jä̧'i̧nä̧, pi̧jä̧'i̧nä̧, rü̧ä̧ aje'i̧nä̧, juotonä̧ kka̧ku̧'i̧nä̧ o'kajuiyünä̧ aditinü̧ku̧ ppa̧kuä̧chä̧tu̧kua̧ pä'ü ji'äwätüjä̧.

1 Pedro 4:7

O'kajuiyünä̧ beipächäkua'amä̧ täkü tü'küwächa'a. Ja̧'wa̧nü̧ ja̧'a̧ttü̧, ukutumä̧ adiwomȩnä̧ amükuädätukui ja̧'wa̧ta̧nü̧ tta̧'a̧rä̧kuä̧ü̧nü̧ Dio-rü ukuokuätukui.

Apocalipsis 11:13

Jua̧u̧ hora-nä̧, rȩjȩ tti̧ȩpo̧mȩnä̧ pparächi'ina̧'a̧ ja̧'wa̧nü̧ päi'omȩnä̧ ütawiyä suropäi'ina̧'a̧, ttü̧ja̧mä̧ siete mil-nü̧ jo̧mȩnä̧ to'e'inä̧tü̧. Ja̧'wa̧nü̧ ja̧'a̧nä̧ to'e'okotümä̧ rü̧ȩnä̧ ye'ü, Dio mo̧ro̧jä̧ ru̧wa̧rü̧ eseäkuäwinä̧tü̧.

Apocalipsis 11:18

Ukuru esetokotümä̧, rü̧ȩnä̧ tta̧mi̧ sura'a, ja̧'wa̧nü̧ ja̧'a̧nä̧ ji̧yȩ mo̧ro̧ rȩbȩä̧kuä̧wa̧'a̧, pä̧i̧ku̧nä̧, usurä ttȩmä̧u̧nä̧ ro̧kuȩpä̧kuȩ mo̧ro̧, «Jua̧u̧nü̧ mo̧ro̧mä̧, wa'ü ikuinä̧tü̧ o'katoi'ünä̧rü̧ jȩtti̧nü̧ adiu ja̧ pä'ü'i̧nä̧, surojü ja̧ pä'ü'i̧nä̧ pä'ü ku̧ju̧nä̧kua̧jä̧. Profeta winä̧tü̧rü̧, ku̧mü̧wä̧yotürü, ukuotätürü, ruwotürü'i̧nä̧, usurä isotürü'i̧nä̧ adiwä juei kuiyä'chä̧kua̧jä̧. Ja̧'wa̧nü̧ jȩpü̧ pi̧jä̧ rȩjȩ surojuo'epätürü, si'epü kui̧kuä̧kua̧jä̧.»

Apocalipsis 15:4

¿Chu̧ru̧wa̧, ditä jä̧ttü̧ ukuru ye'ekuokü jä̧kua̧mä̧? ¿Ditä jä̧ttü̧ ukuru eseu ra̧wo̧kä̧kua̧mä̧? isopäi'ünä̧ ukutäjä̧, surojü jui̧'a̧mä̧; ruwäkuiyä pa̧ja̧ku̧nä̧ ichü, ukuru ttiwe'kiyunä̧ pȩjä̧mü̧ ttȩsȩä̧kuä̧wä̧kua̧jä̧, isopäi'ünä̧ adiwomȩnä̧ jȩ'ku̧mä̧ tottünä̧ i̧jȩkuä̧cha̧'a̧ttü̧.»

Apocalipsis 16:9

Ja̧'wa̧nü̧ ja̧'a̧ttü̧, ttü̧ja̧mä̧ o'katoi'ünä̧ kuo'äu iku, Dio-rü suronä̧ wopinä̧tü̧, surojüttü kä'ädi'ü Dio-kumä̧ ppa̧ttä̧cha̧ pä'okotü pinä̧tü̧, jua̧u̧ surojü jȩpü̧ ikuäwä ujuru kku̧nä̧rü̧ku̧mä̧.

Apocalipsis 18:10

Juäju usurä kkȩmä̧u̧, ye'eku otonä̧ kkä̧nü̧, pättäkuotü: «¡Isottü̧, isoó, ukumä̧, ütawiyä rü̧ä̧'i̧jo̧mȩ Babironia-mä̧, kujuru rü̧ȩnä̧ kku̧ju̧nä̧rä̧'i̧jo̧mȩmä̧! Tta̧'a̧nü̧ pä'ü, ya'utekutä ukuru tä̧bo̧kuä̧mä̧ rȩbȩwä̧ku̧jä̧ttü̧.»

Apocalipsis 18:17

¡Isopäi'ünä̧, suro, ya'ute hora-nä̧tä̧ kuiäre pärätämä̧ to'e'ächüjä̧!» O'katoi'ünä̧ woi'kiyu kui̧'ȩpä̧ri̧nä̧tü̧'i̧nä̧, aje rü̧o̧to jäyotonä̧ kue'ächinä̧tü̧'i̧nä̧, päjäre'ka to̧pä̧ri̧'ȩnä̧tü̧'i̧nä̧, o'katoi'ünä̧ aje rü̧o̧tonä̧ aditinä̧tü̧mä̧ otonä̧tä̧ kka̧kui̧pi̧nä̧tü̧,

Apocalipsis 18:19

Ja̧'wa̧nü̧ pä'ünü̧, ttünä̧ rȩjȩ i̧sa̧ppȩ wȩnä̧u̧, ajuäkuäu kkä̧nü̧ a̧'u̧ ttu'unü̧, wopinä̧tü̧: ¡isottü̧, isoó, ütawiyä rü̧ä̧'i̧jo̧mȩmä̧! Ukú kuiäre pärätänä̧ ruwotü juo'inä̧tü̧, o'katoi'ünä̧ aje rü̧o̧tottü ttuwe'kiyunä̧ aditä'ijätümä̧, ¡yoriso, ya'ute hora-nä̧tä̧, to'e'ächäjätü!

Apocalipsis 19:5

Ja̧'wa̧nü̧ ja̧'a̧, ruwo dȩä̧kä̧ttü̧ ji̧yȩtȩ rä̧mi̧pi̧na̧'a̧: «¡O'katoi'ünä̧ umüwäyotü wotümä̧ o'katoi'ünä̧ ukuotätümä̧, tä̧mü̧'i̧nä̧, ppo̧'ä̧tü̧'i̧nä̧ Dio-rü eseäkuäwätukui!»

Apocalipsis 4:11

«Chu̧ru̧wa̧, ukumä̧ teseäkuäu'i̧nä̧, kuruwo'i̧nä̧, kuȩma̧ pä'ütä wa̧jä̧, o'kajuiyünä̧ kuaditäwätä ja̧'a̧ttü̧, kuwäbe'inü̧tä̧ ja̧'a̧ttü̧; ukú kuju'komȩnä̧tä̧ kka̧ku̧ ja̧'a̧ttü̧.»

Apocalipsis 4:9

Pitü a̧'kua̧rä̧tü̧mä̧, ruwo deäkänä̧ pü̧rü̧, mo̧ro̧ kki̧ä̧mü̧nä̧ kkü̧rü̧, uruwo'i̧nä̧, ukuo'i̧nä̧ kku̧nä̧rü̧rü̧ esewinä̧tü̧ 'kuäopünä̧,

Apocalipsis 8:10

Ja̧'wa̧ta̧nü̧ wä̧mȩtukuä päi'ünä̧ á̧gȩ trompeta ppüomȩnä̧, mo̧ro̧jä̧ra̧'a̧ttü̧ ya̧tȩ siri'ko büó, okurä kuoa'a jä̧'i̧nü̧'a̧nü̧ kuoa'a ma̧'i̧nü̧; ma̧o̧mȩnä̧ ajewiyä räopomȩ'i̧nä̧, ajewiyänä̧'i̧nä̧ ma̧'i̧nü̧, o'kajuiyünä̧ pä'a pä'ümä̧ a̧'u̧ku̧nä̧tä̧ juiyünä̧.