Apocalipsis 14:17 - Nuevo Testamento Uwotjüja

¹⁷ Jua̧u̧nü̧ o'ka'a kka̧ra̧ á̧gȩ, mo̧ro̧jä̧nä̧ Dio-rü ukuokuäkuäwodettü rä'o'inü̧, hoz pättäkä soäkä, u̧wä̧ju̧ ka̧ka̧kuäkä 'chu̧'ä̧rä̧nü̧.

TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ jȩo̧mȩnä̧, ka̧ra̧ ángel'inä Diosrö ucuocuäcuähuodettö, mo̧ro̧jä̧nä̧ kodettö, rä'opinö. Ja̧u̧'i̧nä̧ curodä so̧odä 'chu̧'ä̧ri̧nö̧.

Apocalipsis 14:17 ပူးပေါင်းရင်းမြစ်များ

Apocalipsis 11:19

Ja̧'wa̧nü̧ ja̧'a̧ Dio-rü ukuokuäkuäwode, mo̧ro̧jä̧ra̧'a̧ttü̧ bawekuächomȩnä̧, Aca pä̧tto̧ka̧ esekuino̧ka̧mä̧, tottünä̧ i̧jȩkuä̧chi̧na̧'a̧. Ja̧'wa̧nü̧ päi'omȩnä̧ ku'upä rowinü̧, tti̧wȩnȩ rä̧mi̧pi̧na̧'a̧, rü̧ȩnä̧ kürüina̧'a̧, rȩjȩ ttü̧ȩpa̧'a̧ttü̧ pparächina̧'a̧ ja̧'wa̧ta̧nü̧ rü̧ȩnä̧ ajiya jamara ma̧i̧na̧'a̧.

Apocalipsis 14:16

Ja̧'wa̧nü̧ päku, ajiya isoppa wä̧mȩ pä̧ji̧mä̧ üärekä hoz pättäkä pi̧jä̧nä̧ 'kuiopomȩnä̧, pi̧jä̧nä̧ttü̧ u̧wä̧ju̧mä̧ ka̧ka̧kui̧'i̧na̧'a̧.

Apocalipsis 14:18

Ja̧'wa̧ta̧nü̧ kka̧ra̧ á̧gȩ, altar pättomȩttü̧ rä'o'inü̧, okurä jäwänä̧ ujuru kku̧nä̧rü̧, jua̧u̧mä̧ hoz pättäkä so̧ä̧kä 'chu̧'ä̧rü̧rü̧ pä̧i̧ku̧nä̧ pä'inü̧: «Kuiärekä hoz pättäkä soäkänä̧ 'kui'opi, pi̧jä̧nä̧ttü̧ uwa a̧mȩmä̧ täkü jo̧mȩnü̧ ja̧'a̧, jua̧u̧ kku̧nä̧wä̧ pättiyuttümä̧.»

Apocalipsis 16:1

Ja̧'wa̧ta̧nü̧ ji̧yȩtȩ, Dio ü̧jo̧dettü pä̧i̧ku̧nä̧ rä̧mi̧pa̧'a̧ ä̧ju̧kui̧nü̧sä̧, jua̧u̧mä̧ sietenü̧ wotü á̧gȩrȩ-rü pä'inü̧: «jua̧u̧ kko̧ro̧mü̧ttü̧nü̧ to̧'ta̧rȩ, copa pättü o̧'ta̧nä̧ aku Dio ü̧ra̧wä̧rü̧ rȩjȩra̧'a̧ to'äjätukui.»

Apocalipsis 16:17

Ja̧'wa̧ta̧nü̧ kko̧ro̧mü̧ttü̧nü̧ todäre päi'ünä̧ wa̧ á̧gȩ üäre copa i̧so̧'ta̧ juätoppanä̧ to'inü̧; ja̧'wa̧nü̧ toomȩnä̧ mo̧ro̧jä̧ Dio ü̧jo̧de, uruwo dȩä̧kä̧ttü̧ ya̧tȩ i̧wȩnȩ pä̧i̧ku̧nä̧ rä̧mi̧pi̧na̧'a̧: «Täkü jo̧mȩnü̧ päia'a.»