Apocalipsis 14:10 - Nuevo Testamento Uwotjüja

¹⁰ Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.

Apocalipsis 14:10 ပူးပေါင်းရင်းမြစ်များ

San Mateo 20:22

Päjäku, Jesú-mä̧ ädätinä̧kua̧: —Jäkuepätukua'anä̧, jerupätüjä̧. ¿Ttü usurä chȩmä̧wä̧kua̧'a̧ jü̧ta̧'a̧nü̧, usurä kuȩmä̧wä̧tu̧kua̧ pä'ätüjä̧? Päomȩnä̧, ttädätinä̧ku̧: —A̧, usurä tȩmä̧wa̧ pä'ätüjä̧,

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 26:39

Pä'ipü yabonä̧nü̧ 'chä̧wi̧'ü̧, iwe'kiyunä̧ pä̧mä̧dü̧ rȩjȩku̧ ma̧'ä̧mü̧, Dio-rü ukuoku pä'inü̧: «Chä'o, jȩ'ku̧'a̧nü̧ jü̧ttü̧mä̧, pi̧yȩ usurä ȩmä̧kuä̧wä̧nä̧ 'kuädopü juiyünä̧ ppä'ädittü; ja̧'wa̧nü̧ ja̧'a̧nä̧ ttürü pä̧wä̧rü̧jo̧mȩnä̧mä̧kü̧, ukuru pä̧wä̧rü̧jo̧mȩnä̧tä̧.»

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

San Marcos 9:44

[Juȩnȩmä̧ mi̧yü̧'i̧nä̧ 'korupätti'okomȩ ja̧'wa̧ta̧nü̧ okurä'i̧nä̧ yorisotä na̧hui̧po̧ko̧mȩ.]

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

2 Tesalonicenses 1:7

ja̧'wa̧ta̧nü̧ ukutu usurä ȩmä̧wä̧tü̧rü̧mä̧ ujutu 'kuä'ächi'ü tü̧'ȩjä̧ma̧ pä'ü iyinü̧ta̧'a̧nü̧ jȩä̧kuä̧u̧jä̧. Tu̧ru̧wa̧ Jesú mo̧ro̧jä̧ra̧'a̧ttü̧ ichomȩnä̧, okurä 'kä̧tȩnä̧ umüwäyotü á̧gȩrȩ-ku̧.

Judas 1:7

Juätü á̧gȩrȩ-rü ji̧nü̧ta'anü̧, 'kuäopina̧'a̧ Sodoma ütawiyä ttü̧ja̧rü̧'i̧nä̧, Gomorra ütawiyä ttü̧ja̧rü̧'i̧nä̧, jua̧u̧ ütawiyä ppeyänä̧ kka̧kuä̧tü̧rü̧'i̧nä̧, ttidepä wea'aku nä̧tü̧ku̧, u̧mä̧tu̧ku̧ jȩpä̧'chä̧kuä̧u̧ kka̧kuä̧tü̧rü̧mä̧, okurä beipokaränä̧ usurä ttȩmä̧wa̧ pä'ü, ujutu tu̧wo̧jui̧pü̧nä̧.

Apocalipsis 15:7

Ja̧'wa̧nü̧ ja̧'a̧ pa̧ja̧kuä̧nü̧ wotü a̧'kua̧rä̧tü̧ttü̧ ya̧tȩ, kko̧ro̧mü̧ttü̧nü̧ ta̧ju̧ wotü á̧gȩrȩ ya̧ku̧nä̧rü̧ iyinü̧, oro o̧'ta̧ yo̧'ta̧ku̧nä̧, Dio ü̧ra̧wä̧rü̧ su̧'pȩnü̧ ȩka̧'a̧, Jua̧u̧ Dio-mä̧ mo̧ro̧ kki̧ä̧mü̧nä̧ kkü̧ ja̧'a̧ttü̧.

Apocalipsis 16:19

Ütawiyä rü̧o̧mȩmä̧ wäbodäkuä jo̧mȩnä̧ 'kä̧'chä̧wi̧pi̧na̧'a̧, ja̧'wa̧ta̧nü̧ pi̧jä̧nä̧ttü̧ ütawiyä kka̧ku̧mä̧ ma̧ä̧chi̧na̧'a̧; ja̧'wa̧nü̧ päi'a'attü, yȩnȩ ütawiyä rü̧o̧mȩ Babironia pättomȩ Dio-mä̧ amükuädi'inü̧, rü̧ȩnä̧ a̧mi̧ suräku, juȩnȩ usurä ttȩmä̧u̧nä̧ ü̧tä̧bo̧ta̧ pä'ü.

Apocalipsis 18:3

Ja̧'wa̧ta̧nü̧ ruwäkuiyä pa̧ja̧ku̧nä̧, juäjutäku kkü̧ä̧nä̧wo̧tü̧rü̧ eseäkuäwinä̧tü̧; Ja̧'wa̧ta̧nü̧tä̧ pi̧jä̧nä̧ttü̧ ruwotü'i̧nä̧ jȩpi̧nä̧tü̧, «Pi̧jä̧ttü̧ ruwotümä̧ juäjuttütä ruwotü juo'inä̧tü̧, pä̧wä̧rü̧jü̧, ttidepä weü ȩmü̧, iso juottepa pä'ümä̧.»

Apocalipsis 18:6

Juäjurumä̧, kkorotürü kkiyinü̧ ta̧'a̧nü̧ iyätukuiju; suronä̧ jȩji̧nü̧ttü̧'i̧nä̧ todäre jo̧mȩnä̧ kki̧mi̧täunä̧ jȩpä̧tu̧kui̧ju̧; kkorotürü kkaja pä'ü wiwatü kkiyino̧mȩttü̧'i̧nä̧, todäre jo̧mȩ yabonä̧ reünä̧ wiwatü iyätukuiju;

Apocalipsis 19:15

Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 20:10

Jua̧u̧ äwettä, juätürü yaparewinü̧rü̧mä̧, okurä rü̧a̧rä azufre pättü jueittü kuoaränä̧ do'opü ikuinä̧ku̧, i̧sa̧ büó betia'i̧nä̧, ya̧pa̧rȩwa̧ profeta'i̧nä̧ ttü̧'ȩja̧ränä̧; Juorümä̧ usurä ttȩmä̧wä̧kuo̧tü̧, mo̧ro̧'i̧nä̧, yodo'i̧nä̧ kki̧ä̧mü̧nä̧tä̧.

Apocalipsis 20:14

Juȩnȩ o'komȩnä̧, wa'are'i̧nä̧, wa'are weü'i̧nä̧ okurä rü̧a̧rära̧'a̧ do'opü ikuinä̧u̧. Pi̧yȩku̧mä̧, yȩnȩta̧'a̧nü̧ wa'ü ikuäwä jä̧kua̧'a̧.

Apocalipsis 21:8

Ja̧'wa̧nü̧ ja̧'a̧nä̧ ye'ekuätü'i̧nä̧, esetokotü'i̧nä̧, kkü'kokotü'i̧nä̧, ttü̧ja̧rü̧ kuä'äwätü'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧tü̧'i̧nä̧, märipä jȩpä̧tü̧'i̧nä̧, tta̧'kua̧juä̧ jü̧'a̧kuä̧ tätäwä'ka esetätü'i̧nä̧ ja̧'wa̧ta̧nü̧ yaparewätü'i̧nä̧ o'katoi'ünä̧; okurä Azufre pättü kuoarära̧'a̧ tti̧'chä̧kuo̧tü̧, yȩnȩta̧'a̧nü̧ wa'ü ikuäwomȩ ja̧'a̧, juȩnȩmä̧.»