Apocalipsis 13:15 - Nuevo Testamento Uwotjüja

¹⁵ Dio-mä̧ ja̧'a̧tä̧ topinü̧ ä̧kuo̧mȩnä̧ i̧sa̧ büó betia pinü̧rü̧, juȩnȩ o'komȩnä̧ i̧sa̧mä̧ a̧'kua̧rü̧ iya pä'ü jȩa̧'a̧nä̧, i̧wȩnȩ ukuokuiyarü pä'ü. Jua̧u̧ ä̧kuo̧mȩnä̧ i̧sa̧, a̧'kua̧juä̧ isä'ka pä̧mä̧dü̧ esewokotürümä̧ kuä'äu ttikunä̧ we'inü̧.

TÄ̧DO Ä̧CUÄ̧ I̧HUȨNȨ

¹⁵ Röji pä̧i̧cua̧ i̧sa̧rö̧, ja̧u̧ äcuomenä pä̧i̧cua̧ i̧sa̧rö̧ a̧'u̧cuä̧ ttaditinö juäi, ö̧ja̧ pä'ö hueäcua'a̧nö̧ ujuru ttiyinäcu. Ja̧'hua̧nö̧ jȩtti̧nä̧cu̧ ja̧u̧ a̧'u̧cuä̧ ttaditinömä ucuocua pä'ö. Ja̧'hua̧ta̧nö̧ o'ca toi'önä ja̧u̧ru̧ eseunu ucuocuocotörö cuä'ö icua pä'ö jȩtti̧nä̧cu̧.

Apocalipsis 13:15 ပူးပေါင်းရင်းမြစ်များ

Santiago 2:26

Isopäi'ünä̧ Epíritu jä̧ttä̧pä̧ya̧nä̧ to̧'a̧mä̧ wa'ü iku jä̧'i̧nü̧'a̧nü̧ ja̧'a̧, ja̧'wa̧nü̧ jü̧ta̧'a̧nü̧ ta̧'kua̧ ttu̧wȩnä̧ra̧'a̧nä̧ ttaditokomȩnä̧ wa'ü ikua'a jä̧'i̧nü̧'a̧nü̧ ja̧'a̧.

Apocalipsis 13:1

Rü̧ä̧ aje rȩba̧ jäyoto kkä̧mä̧dü̧ tochomȩnä̧, ya̧tȩ i̧sa̧ büorü topinü̧sä̧, kko̧ro̧mü̧ttü̧nü̧ todäre jo̧mȩnä̧ u piyä kku̧nä̧rü̧rü̧ ja̧'wa̧ta̧nü̧ ä̧ja̧wi̧yä̧ okämä̧ to̧mü̧rȩ jäwä okä jo̧mȩnä̧ kku̧nä̧rü̧rü̧.

Apocalipsis 13:12

Ä̧kuo̧mȩnä̧ i̧sa̧ büó betia-ttü uruwo ȩmi̧nü̧ pinü̧, jua̧u̧ weütä aditinü̧. Pi̧jä̧ ttü̧ja̧rü̧mä̧, ä̧kuo̧mȩnä̧ i̧sa̧ büó betia-rü ttiwe'kiyunä̧ pȩjä̧mü̧ tteseäkuäwünä̧ jȩpi̧nü̧. Täkü toe'ü'anü̧ ji̧nä̧tta, üttamä̧ wawächinä̧ku̧ pinü̧.

Apocalipsis 13:14

Pide i̧sa̧ büó betia-mä̧ ttü̧ja̧ rekuätürü yaparewinü̧, ä̧kuo̧mȩnä̧ i̧sa̧ büó betia ujuru iyinü̧nä̧. Jua̧u̧nü̧ o'ka'a ä̧kuo̧mȩnä̧ i̧sa̧ büó betia pinü̧ a̧'kua̧juä̧ isä'ka aditü kku̧ni̧nü̧, kurodättü toe'inomȩ ji̧no̧mȩmä̧ ü̧ji̧pi̧na̧'a̧ ji̧na̧'a̧.

Apocalipsis 14:11

Okurä isoppa usurä ttȩmä̧u̧nä̧ juoppamä̧ 'kuäopünä̧ mo̧ro̧ ji̧nü̧'a̧kuä̧ 'chawädina̧'a̧, i̧sa̧ büó betia-rü esetinä̧tü̧rü̧mä̧, jua̧u̧ a̧'kua̧juä̧ isä'kanä̧ ttiwe'kiyunä̧ pä̧mä̧dü̧ esewinätü̧rü̧mä̧ ja̧'wa̧ta̧nü̧ jua̧u̧ i̧mi̧ rutäwinä̧tü̧rü̧mä̧ mo̧ro̧'i̧nä̧, yodo'i̧nä̧ 'kuäopünä̧tä̧ usurä ttȩmä̧wä̧kuo̧tü̧.»

Apocalipsis 14:9

Juȩnȩ o'komȩnä̧ kka̧ra̧, wäbodäkuä á̧gȩ, pä̧i̧ku̧nä̧ wopinü̧: «Ya̧tȩ, i̧sa̧ büó betia pättäkuru ja̧'wa̧ta̧nü̧ jua̧u̧ a̧'u̧kuä̧ adikuä'karü iwe'kiyunä̧ pä̧mä̧dü̧ eseuttümä̧ ja̧'wa̧ta̧nü̧ u̧mü̧nä̧'i̧nä̧, unä̧'i̧nä̧ ttütünä̧ iyäkuäuttumä̧,

Apocalipsis 16:2

Ä̧kuo̧mȩnä̧ i̧sa̧ á̧gȩ 'chä̧wi̧'ü̧ üäre copa i̧so̧'ta̧ pi̧jä̧ra̧'a̧ to'inü̧; ja̧'wa̧nü̧ toomȩnä̧ o'katoi'ünä̧ i̧sa̧ büó betia i̧mi̧ rütäwotürümä̧ ja̧'wa̧ta̧nü̧ jua̧u̧tä̧ a̧'kua̧juä̧ tätäwä'ka ttiwe'kiyunä̧ kkä̧mä̧dü̧ esewä'ijätürümä̧, ttüttawiyä surojü, rü̧ȩnä̧ barau räreäkuäwinä̧u̧.

Apocalipsis 16:5

Jua̧u̧nü̧ o'ka'a ajiyanä̧ ujuru kku̧nä̧rü̧ á̧gȩ pä'a ä̧ju̧kui̧nü̧sä̧: «Chu̧ru̧wa̧, ukumä̧ adiwomȩnä̧ jȩä̧kuä̧wä̧ i̧sa̧jä̧, Dio surojü jui̧'a̧jä̧, jitä'i̧nä̧ kkü̧jä̧, mo̧'i̧nä̧ kki̧nü̧jä̧,

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 17:17

Jua'amä̧, Dio-mä̧ churutä pä̧wä̧rü̧jo̧mȩnä̧, juätü to̧mü̧rȩ ruwä ruwotü tta̧mi̧ iso'kinä̧ wea'attü̧ ja̧'wa̧nü̧ jȩttü̧nä̧ iyinä̧u̧: Ji̧nä̧ ji̧yȩtȩnä̧ amükuädü i̧sa̧ büorü uruwo ttiya pä'ü. Ja̧'wa̧nü̧ jo̧mȩnä̧, i̧sa̧ büorü ttukuotäkuotü, Dio amükuädinü̧ jo̧mȩnü̧ päi'ünä̧.

Apocalipsis 17:6

Ja̧'wa̧nü̧ ja̧'a̧nä̧, juȩnȩ o'komȩnä̧ topinüsä̧, juäju isaju tä̧jä̧mä̧cha̧'a̧, Dio i̧tti̧mü̧'i̧nä̧, Jesú i̧mi̧nä̧ wa'ü ikuätü'i̧nä̧, totte'äkuäwomȩnä̧. Ja̧'wa̧nü̧, juäjuru ja̧'a̧ topü, to̧o̧ to̧pä̧ri̧nü̧sä̧.

Apocalipsis 18:20

Jua̧u̧ ütawiyä topü eseäkuäwätukui, ukutu mo̧ro̧jä̧nä̧ kka̧kuä̧tü̧'i̧nä̧; ja̧'wa̧ta̧nü̧ ukutu surojü jui'ätü'i̧nä̧, apótore wotü'i̧nä̧, profeta wotü'i̧nä̧, isopäi'ünä̧ Dio-mä̧, jua̧u̧ ütawiyä tä̧bo̧tü̧mä̧, ukuturu adiu ppä'ädü jȩa̧'a̧, jua̧u̧mä̧.

Apocalipsis 18:24

Ja̧'wa̧ta̧nü̧ jua̧u̧ ütawiyänä̧ kki̧na̧'a̧, profeta winä̧tü̧, surojü jui'inä̧tü̧ ttukuoja ja̧'wa̧ta̧nü̧ pi̧jä̧nä̧ttü̧ kuä'äu tti̧kui̧nä̧u̧ o'katoi'ünä̧ ttukuoja'i̧nä̧, jü̧nä̧.

Apocalipsis 19:20

I̧sa̧ büó betia-rü 'chu'ädümä̧, jua̧u̧tä̧ku̧ yo̧mȩtȩnä̧ profeta yapareu, jȩtto̧kü̧ juei jȩpü̧, i̧sa̧ büó weü rütä'chü kkä̧nü̧ ja̧'wa̧ta̧nü̧ a̧'kua̧juä̧ isä'kanä̧ ttiwe'kiyunä̧ pȩjä̧mü̧ tteseunä̧ jȩpi̧nü̧rü̧'i̧nä̧ 'chu'ädinä̧tü̧. Pitü ta̧ju̧mä̧ tta̧'kua̧ra̧'a̧nä̧ do'opü ikuinä̧u̧, okurä rü̧a̧ränä̧, azufre pättünä̧ kuoaränä̧.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.