Apocalipsis 12:7 - Nuevo Testamento Uwotjüja

⁷ Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ kurä kki̧na̧'a̧: Miguel pä'ü mi̧kua̧ umüwäyotü á̧gȩrȩ-ku̧ rowäwinä̧tü̧ dragó̧ pä'ü mi̧kua̧rü̧; jua̧u̧'i̧nä̧ umüwäyotü á̧gȩrȩ-ku̧ ppä'ädäkuäu rowäwinü̧.

TÄ̧DO Ä̧CUÄ̧ I̧HUȨNȨ

⁷ Ja̧u̧nu̧ o'ca'a, rö̧ȩnä̧ rohuähuinätö mo̧ro̧jä̧ra̧'a̧ttö̧. Arcángel Miguelcu, umöhuäyotö ángelescu rohuähuinätö ja̧u̧ ojuo da'ä jä̧'i̧nö̧'a̧nö̧ hua̧cu̧. Ja̧u̧ ojuo da'ä jä̧'i̧nö̧'a̧nö̧ hua̧cu̧, umöhuäyotöcu pärocua'acu rohuähuinätö.

Apocalipsis 12:7 ပူးပေါင်းရင်းမြစ်များ

San Mateo 13:41

Ubó I̧tti̧mä̧ umüwäyotü á̧gȩrȩ-rü wȩä̧kua̧, chutä ru̧wa̧ jü̧nä̧ weomȩttü̧ kkorotürü ma̧ttä̧chü̧nä̧ jȩpi̧nä̧tü̧rü̧'i̧nä̧, suronä̧ jȩpä̧tü̧rü̧'i̧nä̧ o'katoi'ünä̧rü̧ ttü̧ka̧ka̧ta̧ pä'ü.

San Mateo 16:27

Isopäi'ünä̧ ttü, ubo I̧tti̧mä̧ Chä'o uruwoku'i̧nä̧, á̧gȩrȩ-ku̧'i̧nä̧ chichomȩnä̧ yotukunä̧ jȩtti̧nü̧ mikuämä̧ chi̧yä̧kua̧sä̧, adiu jȩtti̧na̧ja̧ pä'ü'i̧nä̧, suronä̧ jȩtti̧na̧ja̧ pä'ü'i̧nä̧, jü̧nä̧.

San Mateo 24:31

Ja̧'wa̧ta̧nü̧ jua̧u̧mä̧ umüwäyotü á̧gȩrȩ-rü wȩä̧kua̧, trompeta-ku pä̧i̧ku̧nä̧ rä̧mi̧pü̧nä̧ ȩmi̧nä̧u̧ru̧, pi̧jä̧ pa̧ja̧ku̧nä̧ ttü̧ka̧ka̧ta̧ pä'ü.

San Mateo 25:41

Jua̧u̧nü̧ o'ka'a Ru̧wa̧ Rey-mä̧ ü'owekunä̧ kka̧kuä̧tü̧rü̧ pä̧kua̧: Suropätümä̧, ttüttümä̧ 'kȩ'i̧pä̧chä̧tu̧kui̧; okurä na̧wi̧pokorära̧'a̧, äwettä umüwäyotü á̧gȩrȩ-ku̧ ttä̧tȩkuarä päi'ünä̧ jȩpü̧ kku̧nä̧warära̧'a̧tä̧ tätukui.

San Mateo 26:53

¿Ukutu kuamükuädätukumä̧ Chä'orümä̧ doce-nü̧ wotü á̧gȩrȩ-rü̧mä̧, ttumüwäyotuku weattü pä'ü jädepüttümä̧, weü juiyü'anü̧ ja̧'a̧?

2 Corintios 12:7

Ja̧'wa̧ta̧nü̧ Dio ttürü i̧jȩpi̧nü̧nä̧ ukuo tedäu juiya pä'ü, chidepänä̧ i̧sa̧ri̧ kku̧nä̧wi̧'i̧nä̧ku̧sä̧, ya̧tȩ äwettä wȩ'ä̧wa̧ ttürü chi'ebabanä̧ kuäopä̧ra̧ pä'ü, jua̧u̧nä̧ ukuo tedäu juiyäkua'anü̧.

Efesios 6:12

Isopäi'ünä̧ ujutumä̧, pi̧jä̧ ttü̧ja̧ jü̧'a̧nü̧ ttidepä'i̧nä̧, ttiwe'kiyu'i̧nä̧ kku̧nä̧rä̧tu̧ku̧mä̧ rowäwokotüjä̧, pärokua'aku ruwo we'ätuku, ttujuru kku̧nä̧rä̧tu̧ku̧, ja̧'wa̧ta̧nü̧ pi̧jä̧ttü̧ yo̧ä̧jä̧nä̧ we'ätuku, epíritu wotü suropätü mo̧ro̧jä̧nä̧ we'ätuku rowäwätüjä̧.

2 Tesalonicenses 1:7

ja̧'wa̧ta̧nü̧ ukutu usurä ȩmä̧wä̧tü̧rü̧mä̧ ujutu 'kuä'ächi'ü tü̧'ȩjä̧ma̧ pä'ü iyinü̧ta̧'a̧nü̧ jȩä̧kuä̧u̧jä̧. Tu̧ru̧wa̧ Jesú mo̧ro̧jä̧ra̧'a̧ttü̧ ichomȩnä̧, okurä 'kä̧tȩnä̧ umüwäyotü á̧gȩrȩ-ku̧.

Hebreos 2:10

Isopäi'ünä̧ rekuä rü̧ji̧na̧'a̧ o'kajuiyünä̧ aditinü̧tä̧ ja̧'wa̧ta̧nü̧ o'kajuiyünä̧ a̧'kua̧rü̧nä̧ wa̧tä̧ i̧tti̧mü̧ rekuätürü Dio ä'ka jo̧mȩku̧ ȩpa̧ pä'ümä̧; surojüttü ttü̧ji̧pü̧nä̧ rä'epü ikuäwä u̧ru̧wa̧tä̧, usurä ȩmä̧wi̧nü̧nä̧tä̧ jo̧mȩnü̧ päi'ünä̧, surojüttü ttü̧ji̧pü̧nä̧ ppädina̧'a̧ttü̧.

2 Pedro 2:4

Dio-mä̧ á̧gȩrȩ suronä̧ jȩpi̧tü̧rü̧mä̧ jȩpo̧ko̧tü̧ jü̧nä̧mä̧ topokü pinü̧, ja̧'wa̧nü̧ ja̧jü̧jueimä̧ okurära̧'a̧tä̧ kkisäu ikuinä̧u̧ ja̧'wa̧ta̧nü̧ yo̧mȩtä̧, kä̧rȩnä̧sa̧nä̧ nü̧'kü rütäwomȩ ütinä̧u̧ pojokuä mo̧ro̧bü päi'ünä̧.

Judas 1:9

Ja̧'wa̧nü̧ jo̧ka̧'a̧, á̧gȩrȩ-tü̧ ttu̧ru̧wa̧ Miguel'i̧nä̧ Moisé o'ko jäwänä̧ äwettäku päwomȩnä̧, suronä̧ pättajü jueimä̧ päinä̧ku̧: «¡Tu̧ru̧wa̧tä̧ ro̧ȩpä̧kua̧jä̧!,» jü̧nä̧.

Apocalipsis 12:8

Ja̧'wa̧nü̧ ja̧'a̧nä̧ weyekuinä̧tü̧, mo̧ro̧jä̧nä̧mä̧ täkü ttü̧ja̧kuo̧mȩ juiyina̧'a̧.

Apocalipsis 12:9

Ja̧'wa̧nü̧ ja̧'a̧ttü̧, jua̧u̧ dragó̧ pä'ü mi̧kua̧, mo̧ täbokü ä̧ka̧ pinü̧, äwettä, satanás, pättäku pi̧jä̧ o'kajuiyünä̧ yapareumä̧, umüwäyotü á̧gȩrȩ-ku̧ pi̧jä̧ rȩjȩra̧'a̧ kki'opü ikuinä̧u̧.

Apocalipsis 13:7

Ja̧'wa̧ta̧nü̧ Dio i̧tti̧mü̧rü̧ kurä rowäwuö kkȩdü̧ ikua'anä̧'i̧nä̧ ja̧'a̧tä̧ toinä̧ku̧. Ja̧'wa̧ta̧nü̧ ukuo iyäwi'inä̧ku̧ ttü̧ja̧ tti̧wȩnȩ pünä̧, ttidepiyu pünä̧, tti̧rȩjä̧ pünä̧ wea pä'ü'i̧nä̧.

Apocalipsis 20:2

Ja̧'wa̧nü̧ ja̧'a̧ jua̧u̧ á̧gȩ-mä̧ dragó̧ pättäkuru, täbokü ä̧ka̧ pinü̧ pättäkuru, chutä äwettä, satanás-rü̧ 'chu'ädü mil años jo̧mȩnä̧ kä̧rȩnä̧sa̧nä̧ nü̧'kü rütinü̧.